1 Koranti 2:12 - Nyaa Shɔɔ Ɓɔɔ Laa a Ɓɛɛ

¹² Suru ɓɔɔ Laa shìng ruu ka yeti ɓuru, ɓi Suru ɓiɓɛ, ɓi ɓɔɔ koo keɓe kpang. Suru keɓe kɔ shing ruu, ruu zi vuu piti ɓɔɔ Laa á ruu waati ɓɛɛ.

1 Koranti 2:12 ပူးပေါင်းရင်းမြစ်များ

Rooma 8:1

Zang ɓɔɔ ri nwang tɔ gbete nɛɛ Yeesɔ Kirisi, Laa dɔng ri ruu ɓarɛ takpang.

Rooma 8:32

Laa zãa Jaa ɓiɓɛ jĩng dannang kpang, a zang wu, nɛɛ zang nyɔ wu vɔrɔ ka ruu ɓuru nandon. Naa a ruu vuu piti ɓi kaa tɔ̀ɔ́ waati nɛɛ wu ning kpang ya?

1 Koranti 1:27

Zang ɓɔɔ zang koo ri zi ri naa ri shoko, Laa shɛ̃ɛrɛ rikɔ nɛɛ ri nwang zang ɓiɓɛ, nɛɛ tɔ̀ɔ yusɛ̃ɛ wu tuu zang ɓɔɔ nɛɛ ri zũng katɔ ɓɛɛ kati. Ti shɛ̃ɛrɛ zang ɓɔɔ ri lakɛ naa ka bii kpang, ka koo keɓe kɔ jong, nɛɛ tɔɔ yusɛ̃ɛ wu tuu zang ɓɔɔ ri lakɛ dɔɔli ɓɛɛ.

1 Koranti 2:6

Ruu zi tɔ nɔngkɔ, a ruu kɔɔrɔ zang ɓɔɔ ri zũng danggn tɔ, ruu zũnang Laa doo nɛɛ mani. A zɔ̃̌ng zũnang kaɓa ɓi kaa tɔ̀ɔ́ ɓɔɔ koo jaa knti keɓe kpang. À ɓi ti nɛɛ bìí zang ɓɔɔ ri roo kpanti ka koo keɓe, ɓɔɔ ri shàarɛ́ ɓarɛ katɔ ɓɛɛ kpang.

1 Koranti 3:22

Naa doo wiya? Naa doo Bulu, naa Apolo naa Bituru, ri ɓarɛ zang shonang manɛ. Koo nandon, nɛɛ suru bii, nɛɛ vɔrɔ ɓi ɓɔɔ manɛ kɔ nandon. Naa doo vuu ɓɔɔ nɔɔ zili kãntang keɓe, nɛɛ vuu ɓɔɔ a doo ka knti, ri ɓarɛ ɓɔɔ manɛ kɔ nandon.

2 Koranti 4:4

Ri shing danggn kpang ka ruu ɓɔɔ Sheetang ɓɔɔ wukɔ kpanti koo keɓe, zãa yeti ɓarɛ vuu zinang katɔ ɓɛɛ. Zãa ri zinang nɔng ɓɔɔ yakɛ ka bii ɓarɛ katɔ. Nɔng yakɛnang ɓɔɔ a nɛɛ Ruu Tɔ̃ɔ ɓɔɔ ka yuu bannang Yeesɔ Kirisi, ɓɔɔ wu doo Laa kɔ gbãng gbãng ɓɛɛ.

Afisa 2:2

Ka laa kaɓa, nɔɔ nwang manɛ nwannang keɓe kɔ, nɔɔ dũlu manɛ gbalang vuu shi kpang ɓɔ̀ɔ́ koo keɓe. Nɔɔ ɓaa shoo manɛ ka nyaa kpanti rɛɛ suru shi kpang. Suru keɓe kɔ ka yeti zang ɓɔɔ ri dũng nyaa ɓɔɔ Laa dang ɓɛɛ kpang ɓɛɛ.

Yakubu 4:5

Nɔɔ kɔɔ ɓu nɛɛ, Labeenang Laa kɔ̀ɔ waati nɛɛ, “Suru bii ɓɔɔ Laa shingnɛ nɛɛ wu nwang ka yeti ɓuru, kaa sũnyaa dɔɔli” ya?

1 Yɔhana 2:20

Kirisi a nɔɔ Suru Laa manɛ tɔ. Nɔɔ ti zi ruu ɓɔɔ niizang manɛ tɔ nandon.

1 Yɔhana 2:27

Ɓɔɔ bii manɛ Suru Laa ɓɔɔ nɔɔ ta nɛɛ bii Yeesɔ kagn yeti manɛ. Ka ruu nɔngkɔ, nɔɔ manɛ tɔ̀ɔ́ zang ɓɔɔ zang ɓɔɔgn kɔɔ nɛɛ, wu tusu nɔɔ vuu ɓɔɔ kpang. Ka ruu ɓɔɔ Suru Laa tusu nɔɔ vuu piti ɓɛɛ. Vuu ɓɔɔ Suru Laa keɓe tusu, ɓi ɓɔɔ niizang ɓɛɛ, ɓi ɓɔɔ sèé kpang. Ka ruu nɔngkɔ, nɔɔ nwang nɛɛ Kirisi ka nyaa zɔɔ naa ɓɔɔ Suru Laa tusu nɔɔ ɓɛɛ.

Vuu ɓɔɔ zang nwangsɛ Yɔhana 12:9

A ri nwangsɛ sɔkɔ bang nɛɛ lapa, ri tasɛ wu ka koo nɛɛ rɛɛ zang ɓɔɔ ri dũng wu nandon. Sɔkɔ bang kaɓa zang ɓaa nung ɓiɓɛ nɛɛ Sheetang, wukɔ kpanti rɛɛ suru shi kpang. Wukɔ ti nwãarɛ zang ka koo dɔɔ tɛ̃ɛ tɛ̃ɛ.

Vuu ɓɔɔ zang nwangsɛ Yɔhana 22:6

A zang nyaa shonang Laa ɓɔɔ ka lapa ɓɛɛ kaɓa, kɔɔ m nɛɛ, “Rɛɛ vuu keɓe, ri daa ɓɔɔ zang shing gn kagn ɓɛɛ katɔ, a ti ruu ɓɔɔ niizang kɔ nwani. Kpanti Laa ɓɔɔ a rɛɛ zang nyaa shonang ɓiɓɛ naa, ri kɔɔ zang ruu ɓiɓɛ ɓɛɛ, shong zang nyaa shonang ɓiɓɛ ɓɔɔ ka lapa ɓɛɛ, nɛɛ wu naa tusu rɛɛ zang ɓɔɔ palɛ wu shonang ɓɛɛ, vuu ɓɔɔ bɛ̀ɛ́ zang palɛ kaa tɔ ɓɛɛ.”