1 Koranti 15:2 - Nyaa Shɔɔ Ɓɔɔ Laa a Ɓɛɛ

² Laa ti tá yuu manɛ kana ka ruu ruu kaɓa, nɔɔ nɛɛ dũng vuu ɓɔɔ n kɔɔ nɔɔ nɛɛ yeti gbete ɓɛɛ. Nɔɔ nɛɛ ti zi vuu ɓɔɔ nɔɔ shing danggn kagn tɔ niizang ɓɛɛ.

1 Koranti 15:2 ပူးပေါင်းရင်းမြစ်များ

Luka 8:13

Jĩng vuu ɓɔɔ shili ka yuu tipi pɛngkɛ, nwang naa zang ɓɔɔ ri tãa Ruu Laa, a ri ta nɛɛ yeti gbete ɓɛɛ. A ri nwang ɓarɛ naa jĩng vuu ɓɔɔ ɓaa dĩiri tɔ̃ɔ tɔ̃ɔ kpang ɓɛɛ. Ri shing danggn ɓarɛ ka naa lapa kɔ shɛ̃ɛning. Ri yaa gbalang Laa ka diki ɓɔɔ zang gãsɛ danggn ɓarɛ ɓɔɔ ri shing ka bii Laa ɓɛɛ.

Zang Shonang Yeesɔ 2:47

Ri dɔɔ Laa, a zang piti ti rang yee tɔ̃ɔ ka yuu ɓarɛ, Laa ti gìsí ri zang ɓɔɔ wu ta yuu ɓarɛ tɔ ka zɔɔ diki diki.

Zang Shonang Yeesɔ 8:13

Siman nɛɛ yuu ɓiɓɛ shing danggn jong ka knti ɓɔɔ zang palɛ wu batizima tɔ, ràkɛ́ kaa nɛɛ Filibu diki diki. Siman mã naa ka danggn, ka ruu vuu ɓɔɔ zang zirɛ zang mã naa ka danggn ɓɔɔ wu zìlí Filibu palɛ ɓɛɛ.

Rooma 1:16

Yusɛ̃ɛ Ruu Tɔ̃ɔ Laa kɔɔnang tuu m kpang. Ruu Tɔ̃ɔ Laa kɔ naa vuu palɛnang Laa ɓɔɔ wu ta yuu zang piti, ɓɔɔ ri shing danggn tɔ nɛɛ mani ɓɛɛ. Zang Yahudi kɔ shɔɔnang, wu tɛɛ zang ɓɔɔ zang Yahudi kpang ɓɛɛ.

Rooma 11:22

Ka ruu nɔngkɔ, nɔɔ zi naa ɓɔɔ Laa jɛ̃ɛ zang ruu nɛɛ gnvɔ, nɛɛ tɔ̃ɔ ɓɔɔ wu palɛ zang ɓɛɛ. Jɛ̃ɛ zang ɓɔɔ ri palɛ vuu shi kpang ruu nɛɛ gnvɔ ning, a pàlɛ́ ɓi kaa nɔkɔ tɔ̃ɔ, nɔɔ nɛɛ yaa tɔ̃ɔ ɓɔɔ wu palɛ nɔɔ kpang ɓɛɛ. Naa nɔngkɔ kpang, zang dɔlɔ nɔɔ ditɔ jong.

1 Koranti 1:18

Zang ɓɔɔ ri shàarɛ́ kana, ri kɔɔ ɓarɛ nɛɛ, vɔrɔ ɓɔɔ Kirisi vɔ ka yuu laa ɓi vuu shoko waati. Ɓɔɔ ɓuru, ɓɔɔ Laa ta yuu ɓuru kana, ruu zi ɓuru tɔ nɛɛ, naa vuu palɛnang Laa kagn ka vɔrɔ ɓɔɔ Yeesɔ vɔ ɓɛɛ.

1 Koranti 1:21

Laa ɓɔɔ zũng dɔɔli ɓɛɛ, kasɛ kpang nɛɛ zang koo ri zi wu nung nɛɛ zũnang ɓarɛ kpang. Nɛɛ wu ta yuu zang ɓɔɔ ri shing danggn tɔ ɓɛɛ kɔ jong, nɛɛ ruu kɔ ruu rangnɛ, a zang risi naa nyaa shoko ɓee.

1 Koranti 11:2

N dɔ̀ɔ́ nɔɔ ka ruu ɓɔɔ danggn ruu mɛɛ nandon, ning nɔɔ kpang ka vuu piti ɓɛɛ. Nɔɔ ti palɛ vuu naa ɓɔɔ n tùsù nɔɔ katɔ ɓɛɛ.

1 Koranti 15:14

Naa Laa wisi Yeesɔ Kirisi paa nɛɛ sàa kpang, nwang kaa naa ɓɔɔ rúu kɔ rùu kɔɔrɔ nɔɔ ɓee, ɓi waati ɓɛɛ. Nɔɔ ti shing danggn tɔ ka yuu vuu ɓɔɔ kagn kpang ɓɛɛ.

2 Koranti 2:15

Ruu ɓuru kaa naa vuu ɓɔɔ a sɛ̃ɛ tɔ̃ɔ, ɓɔɔ Kirisi dɔ̀ɔ́ Laa ɓɛɛ. Ka ruu ɓɔɔ, rukɔ kɔɔrɔ zang ɓɔɔ Laa ta yuu ɓarɛ kana, nɛɛ zang ɓɔɔ ri shàarɛ́ ɓarɛ kana Ruu Tɔ̃ɔ ɓɔɔ ka yuu Yeesɔ Kirisi ɓɛɛ.

2 Koranti 6:1

Ka shonang kɔ ruu pálɛ̀ ka nyaa zɔɔ nɛɛ Laa ɓee, ruu gàa nɔɔ ɓɔɔ Laa pàlɛ̀ nɔɔ tɔ̃ɔ tɔ ɓɛɛ, wu nwàng naa pàlɛ̀ nɔɔ ka dalɛ waati kpang.

Galati 3:4

Nɔɔ dang jĩng keɓe nandon ka dalɛ waati ya? N zi tɔ, wu nɔngkɔ kpang.

Afisa 2:8

Ka ruu ɓɔɔ, zang ta yuu manɛ ɓi ka ruu tɔ̃ɔ ɓɔɔ Laa palɛ nɔɔ, ka ruu danggn ɓɔɔ nɔɔ shing ɓɛɛ. Ɓi vuu ɓɔɔ nɔkɔ palɛ nɛɛ yuu manɛ kpang, ɓi Laa a nɔɔ waati.

Kolosi 1:23

Nɔɔ yi tĩng manɛ ka danggn ɓɔɔ nɔɔ shing ɓɛɛ. Vuu ɓɔɔ wu kɔsɔ nɔɔ ka vuu gn shinnang ɓɔɔ nɔɔ walɛ ka ɓɔɔ nɔɔ tãa Ruu Tɔ̃ɔ Laa ɓɛɛ kpang. Ka ruu Ruu Tɔ̃ɔ keɓe kɔ, n Bulu n raa zang shonang. Ruu Tɔ̃ɔ ɓɔɔ zang kɔɔ zang tɔ nandon ka koo ɓɛɛ.

2 Tesalonika 2:15

Ka ruu nɔngkɔ, rɛɛ manzung, nɔɔ shii nɛɛ kaka, nɔɔ yiti rɛɛ ruu niizang ɓɔɔ ruu tusu, ka ɓɔɔ, ruu kɔɔrɔ nɔɔ, a ruu ti bee nɔɔ ka yeti labeenang tĩng shɔɔnang ɓɛɛ, waasɛ̃.

2 Timoti 1:9

Wukɔ ɓàa ruu nyaa, a tà yuu ɓuru, nɛɛ ruu nwang nwannang tɔ̃ɔ. Wu ka ruu vuu ɓɔɔ ruu pálɛ̀ ɓɛɛ kpang, ɓi ka ruu tɔ̃ɔ ɓɔɔ wu mang ka yeti ɓiɓɛ ɓɛɛ. Laa pàlɛ̀ ruu tɔ̃ɔ ɓiɓɛ nɛɛ bii Yeesɔ Kirisi bɛ̀ɛ́ zang mãa koo gn kpang.

Yahudi 10:23

Rúu yiti vuu ɓɔɔ ruu kɔ̀ɔ ka yuu danggn ɓɔɔ ruu shing ɓɛɛ gbãng gbãng, rɛ̃rɛnang ɓuru wu vãarɛ kpang. Ka ruu ɓɔɔ, zang ɓɔɔ a nyaa, ɓi zang ɓɔɔ palɛ vuu ɓɔɔ wu a nyaa kagn katɔ ɓɛɛ.

Yahudi 2:1

Ka ruu nɔngkɔ, ruu shing nɔɔ jĩng gbãng gbãng ka vuu ɓɔɔ ruu tãarɛ ɓɛɛ, vuu keɓe nɛɛ wɔ̀ ruu nɛɛ naa kpang ɓɛɛ.

Yahudi 3:14

Ka ruu ɓɔɔ, ruu ɓuru kaa zang ɓɔɔ ri walɛ vuu ka bii Kirisi ɓɛɛ. Ruu nɛɛ yaa gn ɓɔɔ ruu gaayu, ruu shingnɛ kpang, diki ɓɔɔ koo waa nyaa wu a nɛɛ mani ɓɛɛ.

Yahudi 3:6

A Yeesɔ nwáng zang ɓɔɔ zang shing gn katɔ ka bii ɓiɓɛ ka Gãa Laa nandon, ka ruu ɓɔɔ, wu ɓi Jaa ɓɛɛ. Rukɔ Gãa keɓe, ruu nɛɛ yiti danggn ɓɔɔ ruu mãrɛ gbãng gbãng, nɛɛ gn ɓɔɔ ruu shingnɛ kɔ, ruu dɔɔ bii nɛɛ mani ɓee ɓɛɛ.

Yahudi 4:14

Wee kpanti zang ɓɔɔ ri dɔɔ vuu ka gãa Laa, ɓɔɔ ɓuru kagn, ɓɔɔ zang a wu bannang dɔɔli ɓee. Kpanti keɓe wukɔ Yeesɔ Jaa Laa, ɓɔɔ daa tɔ ka lapa ɓee. Rúu yiti nɔɔ danggn, ɓɔɔ ruu shingnɛ, rùu kɔɔ zang ruu ka yuu ɓiɓɛ keɓe gbãng gbãng.

Yakubu 2:14

Manzung, zang ɓɔɔ nɛɛ kɔɔyi nɛɛ wu shing danggn tɔ ka bii Laa, a pálɛ̀ shonang ɓɔɔ Laa kasɛ ɓɛɛ kpang, danggn shinnang keɓe nwǎng wu viya? Ta yuu ɓiɓɛ katɔ ya?

Yakubu 2:17

Ka ruu nɔngkɔ, danggn shinnang ka bii Laa ɓi doo nɔngkɔ, mɔɔ nɛɛ palɛ shonang ɓɔɔ tusu zang nɛɛ mɔɔ shing danggn ka bii Laa kpang, danggn shinnang ɓaaɓɛ nwang mɔɔ vuu ɓɔɔ ɓi kpang.

Yakubu 2:26

Ka ruu nɔngkɔ, naa ɓɔɔ Suru nɛɛ ka bii kpang, bii ɓi kaa vɔrɔ. Mɔɔ nɛɛ palɛ shonang ɓɔɔ tusu zang nɛɛ mɔɔ shing danggn ka bii Laa kpang, danggn shinnang ɓaaɓɛ vɔ ɓi doo katɔ kɔ.