1 Koranti 15:1 - Nyaa Shɔɔ Ɓɔɔ Laa a Ɓɛɛ

¹ Manzung, n kaaɓi n kpaa nɔɔ danggn Ruu Tɔ̃ɔ ɓɔɔ ɓeleng n kɔɔ nɔɔ ka tĩng ka yuu Yeesɔ Kirisi ɓɛɛ. Bɛɛ nɔɔ ta ruu bìí tɔ, a nɔɔ shii tɔ kagn nɛɛ kaka manɛ gbãng gbãng.

1 Koranti 15:1 ပူးပေါင်းရင်းမြစ်များ

Yɔhana 12:48

Zang ɓɔɔ nɛɛ bɛ̃ɛ m, nɛɛ ti ta ruu mɛɛ kpang, zang ɓɔɔ dɔng wu ruu kagn. Ruu mɛɛ ɓɔɔ n kɔɔ ɓɛɛ, wukɔ naa dɔng wu ruu ka diki ɓɔɔ koo waa nyaa ɓɛɛ.

Zang Shonang Yeesɔ 11:1

Rɛɛ zang shonang Yeesɔ, nɛɛ rɛɛ zang ɓɔɔ ri shing danggn tɔ, ɓɔɔ ri ka tipi Yahudi nandon, ri tãayi nɛɛ zang ɓɔɔ ri zang Isirela kpang, ri ta Ruu Laa tɔ jong.

Zang Shonang Yeesɔ 2:41

Zang dɔɔli ri ta ruu ɓiɓɛ, a zang palɛ ri batizima. Ka diki kaɓa, zang ɓɔɔ gisi ka yuu zang ɓɔɔ ri shing danggn tɔ ka bii Laa ɓɛɛ ri daa nung zang labang taati katɔ.

Rooma 11:20

Nɔngkɔ niizang. Zang dɔlɔ ri, ka ruu ɓɔɔ ri shing danggn kpang ɓɛɛ. A nɔɔ tèng nɔng ɓarɛ ɓi kaa ruu ɓɔɔ nɔɔ shing danggn tɔ ɓɛɛ. Nɔ́ɔ tuu yuu manɛ ka ruu ɓɔɔ nɔɔ tèng nɔng ɓarɛ tɔ kpang, nɔɔ kaa vɔrɔ kɔ jong.

Rooma 2:16

Ka diki keɓe, Laa naa jɛ̃ɛ zang ɓu ruu ka yuu vuu ɓɔɔ zang ɓu waasɛ katɔ ɓɛɛ. Jɛ̃ɛ ruu keɓe, nɛɛ bii Yeesɔ Kirisi naa ɓɔɔ n kɔɔ ka Ruu Laa kɔ n kɔ̀ɔrɔ̀ nɔɔ ɓee.

Rooma 5:2

Laa pàlɛ̀ ruu tɔ̃ɔ kɔ̀ rùu kagn ɓee, nɛɛ bii ɓiɓɛ kɔ, ka ruu danggn ɓɔɔ ruu shing ɓɛɛ. Ka ruu nɔngkɔ, ruu tãa tĩnang ka wee ruu shing jĩng ka tĩng, nɛɛ Laa naa a ruu bannang ɓiɓɛ jong ɓee.

1 Koranti 16:13

Nɔɔ gãng jĩng waasɛ̃. Nɔɔ shii nɛɛ kaka ka danggn ɓɔɔ nɔɔ shing ɓɛɛ. Nɔ́ɔ yaa gn naa kpang, nɔɔ lakɛ yuu kagn.

1 Koranti 3:6

Rùu ɓuru naa zang ɓɔɔ ri lang jaa ɓɛɛ. Nkɔ ɓaa jĩng vuu, a Apolo ɓaarɛ mii kagn. Ɓi Laa kɔ ka bm gbete shingnɛ jĩng vuu tarɛ, a bangnɛ.

1 Koranti 4:15

Naa zang ɓɔɔ ri tùsù nɔɔ vuu, ka yuu Yeesɔ Kirisi doo labang kopi, dáa manɛ ɓɔɔ yi nɔɔ ɓi gbete kɔ nwani. Ɓi nkɔ nwàng naa daa manɛ ka gbalang Yeesɔ Kirisi keɓe, ka ruu ɓɔɔ, nkɔ kɔɔ nɔɔ Ruu Tɔ̃ɔ Laa shɔɔnang ɓɛɛ.

2 Koranti 1:24

Wu ka ruu ɓɔɔ ruu nɛɛ, rukɔ rúu tusu nɔɔ vuu ɓɔɔ nɔɔ shing danggn kagn ɓɛɛ kpang. Ruu zi tɔ, nɔɔ shii tɔ gbãng gbãng, ka danggn ɓɔɔ nɔɔ shing ɓɛɛ. Ruu palɛ shonang ɓuru nɛɛ nɔɔ, tɔ̀ɔ, nɔ́ɔ tãa tĩnang kati kɔ jong.

1 Tesalonika 1:6

Nɔɔ kpɛ̃ɛrɛ nwannang tɔ naa ɓɔɔ ruu nwang ɓɛɛ, a ɓɔɔ ti naa ɓɔɔ Kpanti Yeesɔ nwang ɓɛɛ. Zang dang nɔɔ jĩng dɔɔli, a nɔɔ ta ruu ɓɔɔ ka yuu Yeesɔ Kirisi doo nɛɛ mani, nɔɔ tãa tĩnang ɓɔɔ Suru Laa shing zang, zang tãa ɓɛɛ.

1 Tesalonika 2:13

A vuu ɓɔɔ shingnɛ ruu zãa Laa diki diki ɓɛɛ kagn. Ruu atɛ nɔɔ ruu ɓɔɔ Laa shong nyaa nɛɛ mani ɓɛɛ, nɔɔ tãayi, a nɔɔ tarɛ. Wu naa nyaa shonang shɔnzang kpang, naa nyaa shonang Laa. Ti nyaa shonang Laa kɔ niizang. Ka ruu nɔngkɔ, Ruu Laa ti kɔ̃̀sɔ́ yeti manɛ kana ɓɔɔ nɔɔ shing danggn tɔ ɓɛɛ.

1 Tesalonika 4:1

Ka ruu nɔngkɔ, rɛɛ manzung, n gisi nɔɔ ruu nɛɛ, nɔɔ kpɛ̃ɛrɛ naa ɓɔɔ nɔɔ nwang nɛɛ Laa wu tãa tĩnang manɛ tɔ ka bii ɓuru, a nɔɔ ti nwang kana nɔngkɔ kãntang. A ruu gaa nɔɔ nɛɛ nung Kpanti Yeesɔ Kirisi nɛɛ nɔɔ nɛɛ nwang nɔngkɔ sasak.

2 Tesalonika 3:6

Rɛɛ manzung ɓuru, ruu dang nɔɔ nyaa nɛɛ nung Kpanti ɓuru Yeesɔ Kirisi nɛɛ nɔɔ ɓákɛ̀ yuu nɛɛ zang ɓɔɔ ri dũng doo Laa kɔ, ɓɔɔ ri nwang nwannang rang ɓɛɛ kpang. A ri dũng nyaa ɓuru kpang ɓɛɛ.

1 Bituru 5:12

Ɓi Siila yì m naa kagn, a bèe nɔɔ labeenang tɔkɔlɔng kɔ n a nɔɔ ɓee. N zi tɔ Siila ɓi dòo zang ɓɔɔ dũng Laa kɔ nɛɛ ruu. Siila daa naa ɓɔɔ zang shing gn ka bii ɓiɓɛ tɔ. N bèé nɔɔ ruu keɓe n tɔɔ, n mã nɔɔ danggn. N ti kɔɔ nɔɔ faarik nɛɛ niizang, wee ɓi naa ɓɔɔ Laa pàlɛ̀ ruu tɔ̃ɔ ɓɛɛ kɔ. Ka ruu nɔngkɔ, nɔɔ shíi nɛɛ kaka ka rɛɛ vuu keɓe.