1 Koranti 14:3 - Nyaa Shɔɔ Ɓɔɔ Laa a Ɓɛɛ

³ Zang ɓɔɔ kɔɔ ruu ɓɔɔ Laa tusu wu, rang yee ɓi nɛɛ shɔnzang. Ruu ɓɔɔ wu kɔɔ ɓɛɛ, yi zang naa katɔ ka bii. Ruu bìí mã zang danggn katɔ, wu shingnɛ yeti ɓarɛ wu valɛ.

1 Koranti 14:3 ပူးပေါင်းရင်းမြစ်များ

Luka 3:18

Yɔhana tùsù zang vuu ɓɔɔ naa weɓe dɔɔli. A ti rang ri yee tɔ̃ɔ Laa.

Zang Shonang Yeesɔ 13:15

Ka knti ɓɔɔ zang hangsɛ labeenang nyaa dannang Musa nɛɛ rɛɛ labeenang zang nyaa shonang Laa gãnang tɔ, zang bang gãa zɔɔ kpalɛnang, ri shong nyaa ka bii ɓarɛ tɔɔ, “Rɛɛ manzung ɓuru, vuu ɓɔɔ nɔɔ nɛ́ɛ tɔɔ nɔɔ kɔɔ zang kagn, ɓɔɔ mã ri danggn, nɔɔ kɔɔ ta.”

Zang Shonang Yeesɔ 14:22

Ri mã zang ɓɔɔ ri shing danggn tɔ danggn, ri kɔɔ ri nɛɛ ri yáa danggn kɔ ri shing ɓee kpang. Ri kɔɔyi nɛɛ, “Rùu dàng jĩng dɔɔli ka gbongkarɛ, tɔ̀ɔ, ruu daa nɔng ɓɔɔ Laa roo kpanti ɓɛɛ kati.”

Zang Shonang Yeesɔ 15:32

Yahuda nɛɛ Siila ɓɔɔ ri doo zang nyaa shonang Laa kɔɔ doori, ri rang zang yee sasak. Yee ɓarɛ mã zang danggn kati.

Zang Shonang Yeesɔ 4:36

Ri palɛ kana naa weɓe, a Yusufu zɔ̃ng Leevi, yɔɔ Kuburu ɓɔɔ rɛɛ zang shonang Yeesɔ ri a wu nung nɛɛ Baranaba (dĩiri nung keɓe ɓi, “Jaa ɓɔɔ mã zang danggn ɓɛɛ.”)

Zang Shonang Yeesɔ 9:31

Ka diki kaɓa, zang ɓɔɔ ri dũng Laa ɓɔɔ ri ka tipi Yahudi, nɛɛ tipi Galili, nɛɛ tipi Samariya nandon, ri tãa tĩnang nwannang ɓarɛ kati. Suru Laa yi ri naa kagn, a mã ri danggn. Ri shang kaa jong ka ɓɔɔ ri nwangnɛ ri a Laa bannang ɓɛɛ.

Rooma 12:8

Zang ɓɔɔ nɛɛ mã zang danggn, ka danggn ɓɔɔ wu mã zang ɓɛɛ. Zang ɓɔɔ nɛɛ tɔɔ wu basɛ vuu ɓiɓɛ nɛɛ zang ɓɔɔ, wu bàsɛ̀ nɛɛ yeti gbete. Zang ɓɔɔ wukɔ nɛɛ zang bang, wu palɛ shonang nɛɛ kaka ɓiɓɛ ning. Zang ɓɔɔ nɛɛ palɛ zang tɔ̃ɔ, wu mã nyaa tĩng katɔ kpang.

Rooma 14:19

Ka ruu nɔngkɔ, diki diki, rúu shing jĩng ka vuu ɓɔɔ shingnɛ zang ri nwang ka nyaa zɔɔ ɓɛɛ. Ruu ti yì zɔɔ naa kagn, ruu shing danggn gbãng gbãng.

Rooma 15:2

Zang ɓu wu pàlɛ̀ ɓeezung ɓɔɔ dũng doo Laa kɔ, vuu ɓɔɔ shing wu tãa tĩnang ɓɛɛ, wu ti shing wu, wu zũng danggn.

1 Koranti 10:23

Nɔɔ kɔɔrɔ nɛɛ, zang zãa nɔɔ vuu ɓɔɔ kagn gbete kpang. Niizang, zang zãa nɔɔ vuu ɓɔɔ kagn gbete kpang, a wu kaa tɔ̀ɔ́ vuu piti yǐ zang naa ka bii kpang. Niizang, zang zãa nɔɔ vuu ɓɔɔ kpang, a vuu kaa gn ɓɔɔ ri shíng zang, zang ri shíi nɛɛ kaka ka vuu Kpanti Yeesɔ Kirisi kpang ɓɛɛ.

1 Koranti 14:12

Ka ruu nɔngkɔ, n kɔ̀ɔ́ nɔɔ, wee nɔɔ shing jĩng ka vuu ɓɔɔ Suru Laa alɛ zang ɓee. Nɔɔ shing jĩng ka vuu ɓɔɔ nɔɔ naa yi zang ɓɔɔ ri dũng Laa naa nɛɛ mani ka bii kɔ gbãng gbãng. Tɔ̀ɔ, ri shii kaa nɛɛ kaka kɔ sasak.

1 Koranti 14:17

Naa mɔɔ zãa Laa doo tɔ̃ɔ tɔ̃ɔ, Laa gaanang ɓaaɓɛ yi zang ɓɔɔ naa ka bii kpang.

1 Koranti 14:26

Manzung, nɔɔ nɛɛ n kɔɔ nɔɔ ruu biya? Nɔɔ nɛɛ kpalɛ zɔɔ tɔ nɛɛ nɔɔ bang Laa, zang gbete wu tusu soo ɓɔɔ zang gaa ɓɛɛ. Zang gbete wu tùsù zang Ruu Laa. Zang ɓɔɔ wu tùsù zang vuu ɓɔɔ Laa tusu wu ɓɛɛ. Zang ɓɔɔ wu rang yee nɛɛ nyaa ɓɔɔ wu kpɛ̃ɛrɛ katɔ kpang. Zang ɓɔɔ wu ti kɔɔ zang ɓi dĩiri ruu keɓe. Zang ri palɛ vuu piti naa ɓɔɔ yi zang naa ka bii, zang ri zi Ruu Laa kaa gbãng gbãng ɓɛɛ.

1 Koranti 14:31

Zang ɓɔɔ wu kɔɔ vuu ɓɔɔ Laa tusu wu, wu yaa zang ɓɔɔ nɔng, tɔɔ vuu ɓɔɔ ri kɔɔyi wu nwàng zang vuu kati. Tɔ̀ɔ, ruu ɓarɛ wu mã zang piti danggn kati.

1 Koranti 8:1

N kaaɓi, n rang yee ka yuu vuu shaanang ɓɔɔ zang bang vaka nɛɛ mani ɓɛɛ. Nɔɔ tɔɔ, ruu nandon ruu zi vuu ɓɔɔ niizang tɔ. Niizang, ruu nandon ruu zi vuu tɔ. A zɔ̃ng vuu zinang kaɓa shing zang, zang wu tuu yuu ɓiɓɛ. Ɓi zɔɔ kasɛnang kɔ yi zang naa ka bii dɔɔli.

2 Koranti 1:4

Mã́ ruu danggn ka ɓɔɔ ruu dang jĩng ɓɛɛ, tɔ̀ɔ, ruu zunung naa ɓɔɔ ruu mã zang ɓɔɔ ri dang jĩng ka zɔ̃ng zɔ̃ng danggn kaa jong ɓɛɛ. Zɔ̃ng danggn ɓɔɔ Laa mã ruu ɓɛɛ.

2 Koranti 2:7

Kãntang keɓe, nɔɔ yaa wu gbalang ta, nɔɔ mã wu danggn, tɔ̀ɔ, rɛ̃rɛnang dɔɔli wu ɓa kaka ɓiɓɛ kpang.

Afisa 4:29

Nɔ́ɔ rangkɛ yee sãnsãnrãng takpang. Nɔɔ ráng kaa yee ɓɔɔ yi zang naa katɔ ka bii ɓɛɛ, zɔ̃ng yee ɓɔɔ shing zang, zang bangnɛ ka doo vuu ɓɔɔ zang kasɛ ɓɛɛ. Tɔ̀ɔ, vuu ɓɔɔ mɔɔ kɔɔ ɓɛɛ wu nwàng zang ɓɔɔ ri tãa mɔɔ vuu tɔ̃ɔ kati.

Afisa 6:22

Ka ruu rúu keɓe kɔ, n shong wu ka bii manɛ, wu kɔɔ nɔɔ naa ɓɔɔ ruu nandon ruu nwang ɓɛɛ. Tɔɔ wu mã nɔɔ danggn kati.

Kolosi 4:8

N shong wu ka bii manɛ, ka ruu ɓɔɔ, n kasɛ wu kɔɔ nɔɔ naa ɓɔɔ ruu nandon ruu nwang ɓɛɛ, tɔ̀ɔ, sisĩng wu valɛ nɔɔ kati.

1 Tesalonika 2:11

Nɔɔ zi tɔ ruu palɛ zang ɓu ka teteng manɛ naa ɓɔɔ dáa palɛ wujɛ ɓiɓɛ ɓɛɛ.

1 Tesalonika 2:3

Ka ɓɔɔ ruu kãa gbalang nɛɛ nɔɔ ta Ruu Tɔ̃ɔ Laa, ruu sùu nɔɔ sèé kpang. Ruu mang vuu shi kpang kagn yeti ɓuru ka yuu manɛ kpang. Ruu ti tɔɔ kpang nɛɛ ruu nwãarɛ zang ɓɔɔ kpang.

1 Tesalonika 3:2

A ruu shong manzung ɓuru Timoti, ɓɔɔ palɛ Laa shonang nɛɛ ruu ka gbalang Ruu Tɔ̃ɔ ɓɔɔ ka yeti Kirisi ɓɔɔ ruu kɔɔrɔ zang ɓɛɛ. Ruu tɔɔ wu naa shing nɔɔ, nɔɔ shii gbãng gbãng, wu ti mã nɔɔ danggn, nɔɔ yaa danggn ɓɔɔ nɔɔ shing ka bii Yeesɔ ɓɛɛ kpang.

1 Tesalonika 4:1

Ka ruu nɔngkɔ, rɛɛ manzung, n gisi nɔɔ ruu nɛɛ, nɔɔ kpɛ̃ɛrɛ naa ɓɔɔ nɔɔ nwang nɛɛ Laa wu tãa tĩnang manɛ tɔ ka bii ɓuru, a nɔɔ ti nwang kana nɔngkɔ kãntang. A ruu gaa nɔɔ nɛɛ nung Kpanti Yeesɔ Kirisi nɛɛ nɔɔ nɛɛ nwang nɔngkɔ sasak.

1 Tesalonika 4:18

Ka ruu nɔngkɔ, nɔɔ mã zɔɔ danggn nɛɛ ruu keɓe.

2 Tesalonika 3:12

Ruu dang rɛɛ zang keɓe nyaa nɛɛ nung Kpanti Yeesɔ Kirisi, ruu shaarɛ ri nyaa, nɛɛ ri nwang nwannang ɓɔɔ daa naa katɔ ɓɛɛ. Ri pálɛ́ shonang, ri walɛ vuu shaanang ɓarɛ nɛɛ mani.

1 Timoti 1:4

Mɔ́ɔ kɔ̀ɔ ri nɛɛ ri suukãng waati ka nɔng ruu gbãagbãa kɔɔrɔnang, nɛɛ nɔng ɓɔɔ ri gã zɔ̃ng rɛɛ dabang ɓarɛ ɓɛɛ kpang. Vuu keɓe shing ɓi nyaa laanang waati. Shingnɛ ruu zi vuu tɔ̃ɔ ɓɔɔ Laa mang ka yuu ɓuru nɛɛ ruu walɛ ɓɛɛ kpang. Danggn ɓɔɔ ri shing ka bii ɓiɓɛ kɔ tusu vuu keɓe shɛ̃ɛning.

1 Timoti 4:13

A yuu ɓaaɓɛ ka nɔng ɓɔɔ mɔɔ kpalɛ zang yuu, mɔɔ gã ri labeenang Laa ɓɛɛ, mɔɔ kɔ̀ɔrɔ̀ zang Ruu Laa, mɔɔ ti tusu zang ɓɔɔ ri dũng Laa vuu. N a nɛɛ mani.

1 Timoti 6:2

Ka teteng manɛ ɓɔɔ nɔɔ jaafoo ɓɛɛ, dabang gãa zang ɓɔɔ nɛɛ dũng Laa, nɔɔ risi ri naa vĩi, ka ruu ɓɔɔ, ri dũng doo Laa kɔ ɓɛɛ kpang. Nɔ̀ɔ pàlɛ̀ ri shonang gbãng gbãng kɔ jong. Ka ruu ɓɔɔ, dabang gãa manɛ ri ɓarɛ doo zang ɓɔɔ ri dũng doo Laa kɔ, a nɔɔ ti kasɛ ri manɛ katɔ ɓɛɛ. Tusu zang vuu keɓe, mɔɔ ti kɔɔ ri nɛɛ ri palɛ nɔngkɔ.

2 Timoti 4:2

Kɔ̀ɔrɔ̀ zang Ruu Tɔ̃ɔ Laa, yi tĩng ɓaa ka kɔɔrɔnang, naa nɛɛ làá kɔɔnang, naa nɛɛ ti laa kɔɔnang kpang piti. Mangkɛ zang, mɔɔ ti mã̀ zang danggn. Mɔɔ mã danggn ka nɔng ɓɔɔ mɔɔ tusu zang vuu ɓɛɛ.

Titu 1:9

Wu ti yiti ruu niizang ɓɔɔ ka vuu ɓɔɔ zang ɓɔɔ ri dũng Laa ri tusu ɓɛɛ gbãng gbãng. Wu palɛ nɔngkɔ, wu mã̀ zang ɓɔɔ danggn nɛɛ vuu ɓɔɔ wu tusu ɓɛɛ. Wu ti tùsù zang ɓɔɔ ri bɛ̃ɛ rúu bìí katɔ, naa ɓɔɔ ri ning gbalang ɓɛɛ.

Titu 2:15

Tusu zang vuu keɓe. Pálɛ́ shonang nɛɛ naa vuu palɛnang ɓaaɓɛ nandon, mɔ́ɔ mã̀ zang ɓaaɓɛ danggn. Mɔɔ ti mangkɛ ri. Mɔɔ yaa zang ɓɔɔ wu risi mɔɔ naa vĩi kpang.

Titu 2:6

Kɔɔ jasang doo nɔngkɔ, nɛɛ ri yiti yuu ɓarɛ katɔ.

Titu 2:9

Kɔɔ jaafoo ɓɔɔ ri dũng Laa ɓɛɛ, nɛɛ ri ɓaa shoo ka nyaa dabang gãa ɓarɛ. Ri shingnɛ, dabang gãa ɓarɛ, ri tãa tĩnang ka vuu ɓɔɔ ri pàlɛ́ ri ɓɛɛ nandon. Ri laa nyaa nɛɛ ri kpang.

Yahudi 10:25

Ruu yaa nɔɔ yuu kpalɛnang nɛɛ zɔɔ kpang, naa ɓɔɔ zang ɓɔɔ ri kɔng bii yaarɛnang ɓɛɛ. Ruu mã nɔɔ zɔɔ danggn ruu ti mã nɔɔ zɔɔ kaa gbãng gbãng, ka wee ruu zi tɔ, diki ɓɔɔ Yeesɔ gbãayu kagn, a naabm kana ɓee.

Yahudi 13:22

Rɛɛ manzung, n gaa nɔɔ, nɔ́ɔ mã danggn nɛɛ rúu kɔ n mã nɔɔ danggn nɛɛ mani ɓee. Vuu kɔ n bee nɔɔ ɓee, ɓi dɔɔli kpang.

Yahudi 3:13

Nɔɔ mã zɔɔ danggn katɔ kɔ jong diki diki, tɔɔ vuu shi kpang wu shing zang ɓɔɔ kaa tɔ̀ɔ́ ka teteng manɛ wu taarɛ yuu kpang, ka laa ɓɔɔ nɔɔ doo ningkãari kɔ, zang ɓaa nɛɛ “Lɛɛkɔ” ɓee.

1 Bituru 5:12

Ɓi Siila yì m naa kagn, a bèe nɔɔ labeenang tɔkɔlɔng kɔ n a nɔɔ ɓee. N zi tɔ Siila ɓi dòo zang ɓɔɔ dũng Laa kɔ nɛɛ ruu. Siila daa naa ɓɔɔ zang shing gn ka bii ɓiɓɛ tɔ. N bèé nɔɔ ruu keɓe n tɔɔ, n mã nɔɔ danggn. N ti kɔɔ nɔɔ faarik nɛɛ niizang, wee ɓi naa ɓɔɔ Laa pàlɛ̀ ruu tɔ̃ɔ ɓɛɛ kɔ. Ka ruu nɔngkɔ, nɔɔ shíi nɛɛ kaka ka rɛɛ vuu keɓe.

Yahuza 1:20

Rɛɛ masang ɓɔɔ manɛ, nɔɔ pálɛ́ vuu ɓɔɔ shingnɛ nɔɔ daa manɛ nɛɛ tĩng kɔ jong ka danggn kɔ nɔɔ shing ka bii Laa ɓee. Suru Laa wu a nɔɔ naa, nɔɔ gaa Laa.