1 Koranti 13:6 - Nyaa Shɔɔ Ɓɔɔ Laa a Ɓɛɛ

⁶ Zang ɓɔɔ kàsɛ̀ zang katɔ, naa zang palɛ vuu tɔ̃ɔ tãa tĩnang katɔ. Naa zang palɛ vuu shi kpang, tãa tĩnang kpang.

1 Koranti 13:6 ပူးပေါင်းရင်းမြစ်များ

Matiyu 18:13

N kɔɔ nɔɔ ruu ɓɔɔ niizang kɔ nwani, nɛɛ ĩi tɔ, tĩnang ɓɔɔ wu tãa ka ruu ɓiɓɛ, ɓa ɓɔɔ wu tãa ka yuu ɓɔɔ laa dɛ̃ɛti tu kopi tu mandɛ̃ɛti ɓɔɔ ning kpang kaɓa katɔ.

Luka 22:5

Ɓɔɔ ri tãa naa weɓe, ri tãa tĩnang dɔɔli, a ri mã zɔɔ nyaa nɛɛ ri a wu saka.

Rooma 1:32

Ri zi tɔ nɛɛ nyaa dannang Laa kɔɔyi nɛɛ zang ɓɔɔ ri palɛ vuu ɓɔɔ naa weɓe, daa naa ɓɔɔ zang nyɔ ri vɔrɔ ɓɛɛ. Ri huu shoo wu ka nɔng palɛnang kɔ shɛ̃ɛning kpang, ri tãa tĩnang zang ɓɔɔ ri pálɛ̀ vuu keɓe ɓɛɛ.

Rooma 12:9

Mɔ́ɔ kasɛ ruu zang nɛɛ sèé kpang. Vuu ɓɔɔ nɛɛ shi kpang, bɛ̃ɛ katɔ, mɔ́ɔ yiti ɓaa vuu ɓɔɔ tɔ̃ɔ gbãng gbãng ka yeti ɓaaɓɛ.

Filipi 1:18

Pálɛ̀ vuu ɓɔɔ kpang, naa ri nwãarɛ zang doo katɔ, naa ri nwãarɛ zang ka takpang, n tãa m tĩnang, ka ruu ɓɔɔ, Ruu Kirisi kɔ ɓa vuu piti, a zang ti kɔɔrɔ zang ruu bìí kana ɓɛɛ. N tãa m kaa tĩnang kɔ sasak.

Filipi 1:4

Ka laa ɓɔɔ n gàá Laa piti ka yuu manɛ nandon, n tãa tĩnang dɔɔli.

Filipi 3:18

N kɔ̀ɔrɔ̀ nɔɔ rɛɛ vuu keɓe tɔ, wu doo gbete kpang. Vuu kɔ n kɔɔrɔ tɔkn nɛɛ miiri ka jĩng ɓee. N kɔɔ nɔɔ nɛɛ zang ɓɔɔ ri kagn teteng manɛ, ri nwang naa zang ɓɔɔ ri shing jĩng nɛɛ vɔrɔ ɓɔɔ Kirisi vɔ ka yuu laa ɓɛɛ kpang.

2 Tesalonika 2:12

Laa palɛ nɔngkɔ, tɔ̀ɔ, zang piti ɓɔɔ ri shing danggn ka ruu ɓɔɔ niizang ka yuu Kpanti ɓuru Yeesɔ kpang, ri tãa ɓarɛ tĩnang vuu shi kpang ɓɔɔ ri palɛ ɓɛɛ, tɔ̀ɔ, wu kɔɔ kati nɛɛ ri palɛ vuu shi kpang tɔ.

2 Yɔhana 1:4

Ɓɔɔ n zi wujɛ ɓaaɓɛ ɓɔɔgn, ri dũng ruu ɓɔɔ niizang, naa ɓɔɔ Daa ɓuru dang ruu nyaa, n tãa tĩnang dɔɔli.