1 Koranti 13:4 - Nyaa Shɔɔ Ɓɔɔ Laa a Ɓɛɛ

⁴ Naa mɔɔ kàsɛ̀ zang katɔ, mɔɔ mã danggn dɔɔli. Mɔɔ ti pàlɛ́ zang tɔ̃ɔ, mɔɔ kaa sũnyaa kpang. Mɔɔ ràng yee bang bang ka yuu ɓaaɓɛ kpang. Mɔɔ ti tuu yuu ɓaa kpang.

1 Koranti 13:4 ပူးပေါင်းရင်းမြစ်များ

Matiyu 27:18

Bilatu hɛ̃ɛ ri ruu keɓe, ka ruu ɓɔɔ zi ɓi tɔ ka yeti ɓiɓɛ nɛɛ zang ɓɔɔ ri dɔɔ vuu ka Gãa Laa, ri atɛ wu Yeesɔ ɓi ka ruu sũnyaa kaanang ɓarɛ ɓɛɛ.

Zang Shonang Yeesɔ 7:9

“Rɛɛ dabang ɓuru (Yusufu ɓeezung), ri kaa sũnyaa nɛɛ Yusufu, a ri màlɛ̀ wu nɛɛ wu daa nwang jaafoo ka tipi Masara. A Laa yáa wu ɓi kaa takpang.

Rooma 1:29

Yeti ɓarɛ ɓi gnvɔ kɔ shɛ̃ɛning, ka zɔ̃ng zɔ̃ng, nɛɛ vuu shi kpang, ri kasɛ vuu ɓɔɔ ka naa zang ɓɛɛ. Ri pàlɛ́ zɔɔ shi kpang. Ri kaa sũnyaa dɔɔli, ri nyɔ zang vɔrɔ, ri gaarɛ nyaa. A ri nwãarɛ zɔɔ. Ri rɛ̃rɛ vuu shi kpang ka yuu zang diki diki, ri rang zang.

Rooma 13:13

Rúu gaayu nwannang waasɛ̃, naa zang ɓɔɔ ri nwang ka nɔng ɓɔɔ yakɛ katɔ ɓɛɛ. Wu ka ɓɔɔ nɔɔ gaarɛ zɔɔ, nɔɔ ɓooro saa ɓɛɛ kpang, nɔɔ palɛ dũndũng kpang, nɔɔ ti pálɛ̀ shi kpang, kpang, nɔɔ hàa nyaa kpang, nɔɔ ti kaa sũnyaa kpang.

1 Koranti 3:3

Nɔɔ nwang doo naa zang koo keɓe, ka ruu ɓɔɔ, nɔɔ kaa doo sũnyaa nɛɛ zɔɔ, nɔɔ haa doo nyaa nɛɛ zɔɔ ɓɛɛ. Nɔɔ zi kpang nɛɛ naa nɔɔ pálɛ̀ nɔngkɔ, nɔɔ doo naa zang koo keɓe kɔ kpang ya? Nɔɔ palɛ wu naa ɓɔɔ zang piti palɛ ɓɛɛ kpang ya?

1 Koranti 4:18

Zang ɓɔɔ ka teteng manɛ ri lakɛ jĩng, ri kɔɔ ɓu nɛɛ n nɛɛ a tɔ, n naa leng nɔɔ kpang ya?

1 Koranti 4:6

Rɛɛ manzung, ka vuu kɔ n kɔ̀ɔrɔ̀ nɔɔ ɓee, n tuu Apolo a ɓɔɔ yuu mɛɛ n gã̀sɛ́ nɔɔ vuu nɛɛ mani, tɔ̀ɔ, nɔɔ zi kati. N ti kasɛ nɛɛ nɔɔ naa zi dĩiri ruu ɓɔɔ, tɔɔ, “Nɔɔ ɓa vuu ɓɔɔ zang bee ka yeti labeenang Laa ɓɛɛ kpang.” Daa naa ɓɔɔ nɔɔ tuu yuu manɛ ka ruu zang ɓɔɔ, nɔɔ ti zì zang ɓɔɔ naa vĩi kpang.

1 Koranti 5:2

Zang ri nɛɛ pálɛ̀ naa weɓe ka teteng manɛ, nɔɔ palɛ biya nɔɔ tuu yuu manɛ viya? Nɔɔ káa katɔ kɔ jong, ka ruu vuu shi kpang manɛ. Nɔɔ hing zang ɓɔɔ pálɛ̀ vuu shi kpang keɓe katɔ, wu yaa teteng manɛ.

1 Koranti 8:1

N kaaɓi, n rang yee ka yuu vuu shaanang ɓɔɔ zang bang vaka nɛɛ mani ɓɛɛ. Nɔɔ tɔɔ, ruu nandon ruu zi vuu ɓɔɔ niizang tɔ. Niizang, ruu nandon ruu zi vuu tɔ. A zɔ̃ng vuu zinang kaɓa shing zang, zang wu tuu yuu ɓiɓɛ. Ɓi zɔɔ kasɛnang kɔ yi zang naa ka bii dɔɔli.

2 Koranti 12:20

N kaa vɔrɔ naa n daa shɛ̃ɛ nɔng manɛ, n daa ĩi nɔɔ náabm̀, wu naa ɓɔɔ n kasɛ n ĩi nɔɔ ɓɛɛ kpang, a nɔɔ ti naa zirɛ n náabm̀, wu naa ɓɔɔ nɔɔ kasɛ ɓɛɛ kpang. N kaa vɔrɔ n daa ĩi nɔɔ, nɔɔ haarɛ nyaa, nɔɔ kaa sũnyaa, gnvɔ ka yeti manɛ dɔɔli. Nɔɔ ti kasɛ yuu manɛ kɔ shɛ̃ɛning, nɔɔ dãlɛ zɔɔ, nɔɔ rangkɛ zang, nɔɔ tuu yuu manɛ dɔɔli. A nɔɔ ti vɔ̃ɔtɔ nɔng.

2 Koranti 6:6

Ka nwannang tɔ̃ɔ ɓuru, nɛɛ danggn mãnang, nɛɛ tɔ̃ɔ ɓɔɔ ruu palɛ, ruu tusu yuu ɓuru nɛɛ ruu ɓuru zang shonang Laa. Nɛɛ bii Suru Laa, a ɓɔɔ kasɛnang ɓɔɔ ruu kasɛ zang nɛɛ mani niizang ɓɛɛ.

Galati 5:26

Ruu lakɛ jĩng kpang, ruu zarɛ zɔɔ kpang, ruu ti kaa sũnyaa nɛɛ zɔɔ kpang.

Afisa 4:2

Nɔ́ɔ tuu yuu manɛ kpang, nɔ́ɔ palɛ vuu hakaka kpang, nɔ́ɔ ti mã danggn nɛɛ zɔɔ diki diki. Nɔɔ tusu zɔɔ naa ɓɔɔ nɔɔ kasɛ zɔɔ ɓɛɛ, ka naa ɓɔɔ nɔɔ yi zɔɔ naa ka bii ɓɛɛ.

Afisa 4:32

Nɔɔ pàlɛ̀ zang tɔ̃ɔ kɔ jong, gn zɔɔ wu ti kɔng nɔɔ katɔ. Nɔɔ yaa zɔɔ gbalang vuu shi kpang ɓɔɔ nɔɔ palɛ zɔɔ katɔ, naa ɓɔɔ Laa yàa nɔɔ gbalang nɛɛ bii Yeesɔ ɓɛɛ.

Filipi 1:15

Niizang, zang ɓɔɔ ri kagn, ri kɔɔ zang ruu ka yuu Yeesɔ Kirisi ka ruu ɓɔɔ ri kaa sũnyaa, a ri ti kasɛ nɛɛ ri shing zang, zang ri palɛ nyaa ɓɛɛ. A zang ɓɔɔ ri kɔɔ zang Ruu Laa ɓi ka ruu ɓɔɔ ri kasɛ nɛɛ ri pàlɛ́ zang tɔ̃ɔ ɓɛɛ.

Kolosi 1:11

Laa wu a nɔɔ kaka nɛɛ naa vuu palɛnang ɓiɓɛ, tɔ̀ɔ, jĩng dannang nɛɛ a tɔ, nɔɔ mã danggn kaa vuu piti.

Kolosi 2:18

Nɔɔ yaa zang ɓɔɔ tuu yuu ɓiɓɛ nɛɛ wu ɓa nɔɔ katɔ, wu dɔng nɔɔ ruu kpang. Zang ɓɔɔ kɔɔyi nɛɛ wu zìlí vuu ka si hingro, a yi tĩng, suu sèé nɛɛ wu tuu yuu ɓiɓɛ kpang, a bang ɓi kaa rɛɛ zang nyaa shonang Laa ɓɔɔ ri ka lapa ɓɛɛ. Zɔ̃ng zang keɓe tuu yuu ɓiɓɛ, ka dalɛ waati, ka rɛ̃rɛnang ɓɔɔ wu rɛ̃rɛ naa shɔnzang ɓɛɛ,

Kolosi 3:12

Ka ruu ɓɔɔ, nɔɔ manɛ kaa zang Laa. Laa kasɛ nɔɔ, a zɔ̃ngkɔ nɔɔ, nɛɛ nɔ́ɔ nwang kaa ɓɔɔ ɓiɓɛ. Nɔɔ nwang zang ɓɔɔ gň zang kɔng nɔɔ katɔ ɓɛɛ, nɔɔ pàlɛ̀ zang tɔ̃ɔ, nɔɔ tuu yuu kpang, nɔ́ɔ pálɛ̀ vuu hakaka kpang, nɔɔ mã gn katɔ.

1 Tesalonika 5:14

Rɛɛ manzung ɓuru, ruu gaa nɔɔ, nɔɔ shaarɛ zang ɓɔɔ ri nwalɛ waati nyaa katɔ, nɔɔ mã zang ɓɔɔ ri yaa gn naa danggn pati nɔɔ yi zang ɓɔɔ ri lakɛ naa ka bii kpang naa ka bii, a nɔɔ ti mã danggn nɛɛ zang piti.

1 Timoti 6:4

Zang keɓe ɓi jĩng lakɛnang yee wu, zi vuu ɓɔɔ ɓi kpang. Kasɛ ɓi ruu nyaa laanang ka yuu ruu, nɛɛ nyaa ɓɔɔ zang haa dɔɔli ɓɛɛ. Shíng zang ri káa sũnyaa, ri bàsɛ́ zɔɔ, ri rang yee shi kpang ka yuu zɔɔ, ri dãa zɔɔ, ri rɛ̃rɛ vuu shi kpang ka yuu zɔɔ,

2 Timoti 2:25

Wu kɔsɔ zang ɓɔɔ ri bɛ̃ɛ wu nɛɛ gnvɔ ning kpang. Naa Laa nɛɛ kasɛ, ri naa walɛ gbalang ɓɔɔ ri kɔ̃sɔ yeti, ri árɛ̀, ri zi ruu ɓɔɔ niizang katɔ ɓɛɛ.

2 Timoti 3:10

Ɓɔɔ ɓaaɓɛ, mɔ̀ɔ dũng vuu ɓɔɔ n tusu ɓɛɛ tɔ, mɔɔ zi nwannang mɛɛ tɔ, a mɔɔ ti zi vuu ɓɔɔ n shing jĩng mɛɛ kagn tɔ. Mɔɔ zi danggn ɓɔɔ n shing ka bii Laa tɔ, nɛɛ danggn ɓɔɔ n mã nɛɛ zang, nɛɛ naa ɓɔɔ n kasɛ zang ɓɛɛ a ɓɔɔ danggn ɓɔɔ n mã ka jĩng dannang ɓɛɛ.

2 Timoti 4:2

Kɔ̀ɔrɔ̀ zang Ruu Tɔ̃ɔ Laa, yi tĩng ɓaa ka kɔɔrɔnang, naa nɛɛ làá kɔɔnang, naa nɛɛ ti laa kɔɔnang kpang piti. Mangkɛ zang, mɔɔ ti mã̀ zang danggn. Mɔɔ mã danggn ka nɔng ɓɔɔ mɔɔ tusu zang vuu ɓɛɛ.

Titu 3:3

Ka ruu ɓɔɔ, ɓeleng ruu nɛɛ yuu ɓuru bɛ̀ɛ́ ruu palɛ vuu shoko, ruu ɓaa shoo ka nyaa Laa kpang, zang nwãarɛ ruu. Ruu nwang ɓuru jaafoo, vuu ɓɔɔ bii ɓuru kasɛ ɓɛɛ, nɛɛ vuu ɓɔɔ shingnɛ zang tãa tĩnang ɓɛɛ ka zɔ̃ng zɔ̃ng. Ruu sùúkãng ka nɔng vuu shi kpang palɛnang nɛɛ sũnyaa kaanang. Zang piti bɛ̃ɛ ruu katɔ, a ruu ti bɛ̃ɛ zang piti.

Yakubu 4:5

Nɔɔ kɔɔ ɓu nɛɛ, Labeenang Laa kɔ̀ɔ waati nɛɛ, “Suru bii ɓɔɔ Laa shingnɛ nɛɛ wu nwang ka yeti ɓuru, kaa sũnyaa dɔɔli” ya?

1 Bituru 2:1

Ka ruu nɔngkɔ, wee Laa a nɔɔ suru bii shɔɔ tɔ ɓee, nɔɔ nwangsɛ gnvɔ ta nandon ka yeti manɛ, nɔ́ɔ suu zang sèé takpang, nɔ́ɔ nwãarɛ zang nɛɛ vuu palɛnang kpang, nɔ́ɔ shing jĩng ka vuu zang kpang, nɔ́ɔ ti rang yee shi kpang tɔ̀ɔ́ ka yuu zang kpang.

1 Bituru 3:8

N hangsɛ nɔɔ nyaa ruu kaa nɛɛ ruu keɓe. Nɔɔ nandon nyaa manɛ wu daa gbete, gn zɔɔ wu kɔng nɔɔ katɔ, nɔɔ kasɛ ruu zang ɓɔɔ ri dũng doo Laa kɔ katɔ, ka ruu ɓɔɔ ri ɓarɛ rɛɛ ɓaazung ɓɛɛ. Nɔ́ɔ ti pàlɛ̀ zɔɔ tɔ̃ɔ katɔ, a nɔ́ɔ ti lakɛ jĩng kpang.

1 Bituru 4:8

Nɔɔ kasɛ ruu zɔɔ katɔ gbãng gbãng nɛɛ yeti manɛ nandon, wukɔ ɓa vuu piti. Ka ruu ɓɔɔ, naa nɔɔ kasɛ ruu zang, nɔɔ yaa ri gbalang vuu shi kpang ɓɔɔ ri pàlɛ̀ nɔɔ dɔɔli ɓɛɛ katɔ.

2 Bituru 1:7

Nɔɔ pàlɛ̀ zɔɔ tɔ̃ɔ, naa nɔɔ jaa nàá gbete, ka yuu nwannang keɓe. Nɔɔ ti kasɛ zang piti.

1 Yɔhana 4:11

Rɛɛ masang ɓɔɔ n kasɛ nɔɔ katɔ dɔɔli ɓɛɛ, Laa nɛɛ kasɛ ruu ɓuru naa weɓe, ruu kasɛ nɔɔ ruu zɔɔ ta jong.