1 Koranti 13:2 - Nyaa Shɔɔ Ɓɔɔ Laa a Ɓɛɛ

² Naa Laa a m naa vuu palɛnang, naa ɓɔɔ n kɔɔrɔ vuu ɓɔɔ Laa tusu m ɓɛɛ. Naa n ti zi vuu piti. Vuu ɓɔɔ Laa waasɛ katɔ ka yuu ɓiɓɛ n ti zi tɔ jong. Naa Laa a m dòo zɔ̃ng danggn shinnang ɓɔɔ naa n zunung katɔ, n kɔɔ kɔpɔ wu dɔ̃sɔ ka nɔng ɓɔɔgn. Naa n kasɛ zang kpang, n m vuu ɓɔɔ kpang tingkiring.

1 Koranti 13:2 ပူးပေါင်းရင်းမြစ်များ

Matiyu 13:11

A kasɛ ri nyaa tɔɔ, “Laa a nɔkɔ náa ruu niizang ɓɔɔ zang waasɛ ka yuu kpanti ɓɔɔ Laa rooyi zinang tɔ, a zang a ri ɓarɛ kpang.

Matiyu 17:20

A Yeesɔ kasɛ ri nyaa tɔɔ, “Ka ruu ɓɔɔ, nɔɔ shing danggn ka bii Laa rɛ̃rɛkɛ ɓɛɛ. N kɔɔ nɔɔ ruu ɓɔɔ niizang kɔ nwani, naa danggn ɓɔɔ nɔɔ shing ka bii Laa nɛɛ kagn tɔkɔlɔng naa jĩng vuu ɓɔɔ zang ɓaa nɛɛ masita, nɔɔ nɛ̀ɛ́ kɔɔ kɔpɔ keɓe katɔ, nɛɛ ‘Wɔɔ ta nɛɛ nihn, mɔɔ daa kaaɓa,’ nɛ̀ɛ́ ti wɔɔ katɔ. Vuu ɓɔɔ nɛɛ ɓa nɔɔ yuu palɛnang kagn kpang.”

Matiyu 21:19

A zi laa sĩiri ka nyaa gbalang naabm, a daa ka doo ɓiɓɛ. A sĩiri ra jaa ka laa kpang. Zi gɔpɔ kɔ shɛ̃ɛning. A kù laa sĩiri nyaa ka bii tɔɔ, “Mɔɔ ra jaa takpang dòndòng.” A laa sĩiri naa tantɛ kaa tɔɔrɔnang.

Matiyu 21:21

A Yeesɔ kasɛ ri nyaa tɔɔ, “N kɔ̀ɔ́ nɔɔ ruu ɓɔɔ niizang kɔ nwani, naa nɔɔ shing danggn ka bii mɛɛ, nɔɔ yaa danggn naa kpang, nɔɔ palɛ wu vuu kɔ n palɛ laa sĩiri ɓee kɔ shɛ̃ɛning kpang. Nɔɔ zunung ɓɔɔ nɔɔ kɔɔ kɔpɔ keɓe katɔ nɛɛ, ‘Rúu ta nɛɛ bii ɓaaɓɛ, mɔɔ daa watɛ ka mii waapo.’ Ti palɛ katɔ nɔngkɔ.

Zang Shonang Yeesɔ 13:1

Ka teteng zang ɓɔɔ ri dũng Laa ka Antakiya ɓɛɛ rɛɛ zang nyaa shonang Laa kagn nɛɛ rɛɛ maalang. Zang keɓe ɓi rɛɛ Baranaba, nɛɛ Simiyon ɓɔɔ zang ɓaa wu nɛɛ “Zang vĩiri” ɓɛɛ. Nɛɛ Lukiyu yɔɔ Kiranɛ, a ɓɔɔ Manaya ɓɔɔ báng ka yeti gãa gbete nɛɛ Hiridu ɓɛɛ, a ɓɔɔ Shaawulu.

Rooma 11:25

Rɛɛ manzung, ɓɔɔ nɔɔ zang Yahudi kpang, n kasɛ nɔɔ tuu yuu manɛ kpang. Tɔ̀ɔ n kɔɔ nɔɔ dĩiri vuu ɓɔɔ palɛ zang Isirela ɓɔɔ nɔɔ zi kpang ɓɛɛ. Zang ɓɔɔ ka teteng ɓarɛ ri taarɛ yuu dɔɔli. Ri nwáng nɔngkɔ sasak Laa wu ta yuu manɛ zang ɓɔɔ nɔɔ zang Yahudi kpang nandon.

Rooma 15:14

Manzung ɓɔɔ ri dũng doo Laa kɔ ɓɛɛ, n nɛɛ yuu mɛɛ n zi tɔ, nɔɔ palɛ tɔ̃ɔ dɔɔli. Nɔɔ ti zi vuu ɓɔɔ nɔɔ palɛ tɔ nandon. Nɔɔ zunung naa ɓɔɔ nɔɔ tusu zɔɔ vuu tɔ.

Rooma 16:25

Ruu dɔɔ Laa, ɓɔɔ zunung ɓɔɔ wu shingnɛ nɔɔ shing danggn gbãng gbãng, ka doo Ruu Tɔ̃ɔ Yeesɔ Kirisi ɓɔɔ n kɔɔ ɓɛɛ. Bɛ̀ɛ́ zang waasɛ Ruu Tɔ̃ɔ keɓe katɔ, ka sáa dɔɔli ɓɔɔ ɓa ɓɛɛ, a zang nwangsɛ tɔ kati.

1 Koranti 11:4

Zang varɛ nɛɛ gaa Laa, naa nɛɛ kɔɔ doo vuu ɓɔɔ Laa kɔɔ wu ɓɛɛ, wu hãa vuu waayu ka yuu kpang. Naa hãayi sèng Kirisi ɓɔɔ wukɔ zang bang ɓiɓɛ kpang.

1 Koranti 12:28

Ka teteng zang ɓɔɔ ri dũng Laa ɓɛɛ, Laa kɔɔyi, nɛɛ zang ɓu wu nwangnɛ, shonang ɓiɓɛ kagn. Gaayu zɔ̃ngkɔ zang ɓɔɔ nɛɛ ri nwang zang shonang Yeesɔ Kirisi. A naa zɔ̃ngkɔ zang ɓɔɔ nɛɛ ri kɔɔ zang ruu ɓɔɔ Laa tusu ri ɓɛɛ. Ri ɓang knti zang tĩng. A zɔ̃ngkɔ zang ɓɔɔ nɛɛ ri màsɛ̀ zang kɔnang, ri ɓang knti. Zɔ̃ngkɔ zang ɓɔɔ nɛɛ ri yi zang naa ka bii. Nɛɛ zang ɓɔɔ ri nwang ɓarɛ zang bang ɓɔɔ ri yiti zang ɓɛɛ. A zang ɓɔɔ ri rang yee nɛɛ nyaa zang ɓɔɔ ri kpɛ̃ɛrɛ katɔ kpang nɛɛ náa ɓɔɔ Suru Laa a ri ɓɛɛ.

1 Koranti 13:1

Naa n zunung yee rannang doo katɔ nɛɛ nyaa shɔnzang ɓɔɔ ka koo, a ɓɔɔ nɛɛ nyaa zang nyaa shonang Laa ɓɔɔ ri ka lapa ɓɛɛ. A n kasɛ zang kaa takpang, n nwang naa gbongshɛng ɓɔɔ kaa nyaa ɓɛɛ. N ti nwang naa gbongbolong ɓɔɔ ri goo nyaa ɓɛɛ.

1 Koranti 13:3

Naa n tuu doo vuu naa mɛɛ nandon, n bàsɛ̀ zang ɓɔɔ vuu naa ɓarɛ kagn kpang ɓɛɛ. A n ti kasɛ tɔ nɛɛ zang tuu m zang dɔɔ m ka waa. Naa n kasɛ zang kpang, vuu keɓe ri nwang m vuu ɓɔɔ kpang.

1 Koranti 13:8

Zang ɓɔɔ kàsɛ̀ zang katɔ, di nyaa zang kasɛnang ɓi kpang. Diki a kana ɓɔɔ zang ri naa yaa vuu ɓɔɔ Laa tusu ri kɔɔrɔnang. Diki a kana ɓɔɔ zang ri naa kɔ̀ɔrɔ̀ ruu tɔ̀ɔ́ nɛɛ nyaa ɓɔɔ ri kpɛ̃ɛrɛ kpang, kpang. Vuu zinang ti naa waa nyaa kaa tɔ.

1 Koranti 14:29

Zang ɓɔɔ ri kɔɔ zang vuu ɓɔɔ Laa tusu ri, ri nɛɛ ka nɔng ri ziti kɔ taati ri rang yee. Zang ɓɔɔ nimbang ri rɛ̃̀rɛ̀ ɓarɛ kaa tɔ waasɛ̃ ka yuu ruu ɓɔɔ zang kaɓa ri kɔɔ ɓɛɛ.

1 Koranti 14:39

Ka ruu nɔngkɔ, manzung, n kɔ̀ɔ́ nɔɔ, nɔɔ shing danggn Suru Laa wu a nɔɔ naa, nɔɔ kɔɔ zang Ruu Laa ɓɔɔ Laa tusu nɔɔ ɓɛɛ. Nɔɔ zãa zang yee rannang nɛɛ nyaa ɓɔɔ ri kpɛ̃ɛrɛ katɔ kpang, kpang.

1 Koranti 14:4

Ka ruu nɔngkɔ, zang ɓɔɔ rang yee nɛɛ nyaa ɓɔɔ wu kpɛ̃ɛrɛ katɔ kpang yi ɓi yuu ɓiɓɛ naa ka bii. A zang ɓɔɔ kɔɔrɔ zang ruu ɓɔɔ a nɛɛ bii Laa, yi ɓi zang ɓɔɔ ri dũng doo Laa kɔ naa ka bii.

1 Koranti 15:51

Nɔɔ ɓaa shoo, n kɔɔ vuu ɓɔɔ bɛ̀ɛ́ zang waasɛ katɔ ɓɛɛ. Ruu vɔlɔ wu katɔ nandon kpang. Zang naa kɔ̃sɔ ruu bii ɓi katɔ kɔ jong nandon tantɛnang,

1 Koranti 16:22

Zang ɓɔɔ nɛɛ kagn ɓɔɔ kasɛ ruu Kpanti Yeesɔ Kirisi kpang, Laa wu shingnɛ wu shaarɛ dòndòng. Kpanti ɓuru Yeesɔ Kirisi, a ta.

1 Koranti 4:1

N kasɛ zang piti ri zirɛ nɛɛ ɓɔɔ ruu zang shonang Yeesɔ Kirisi, ruu dũng wu ɓɛɛ, Laa a ruu vuu ɓɔɔ wu waasɛ katɔ ɓɛɛ tɔ ka naa, nɛɛ ruu gãng jĩng kagn.

1 Koranti 7:19

Naa zang yee shaa katɔ, naa zang yee shaa doo kpang, palɛ vuu ɓɔɔ kpang. Vuu ɓɔɔ ɓa weɓe nandon, zang ri dũng rɛɛ nyaa ɓɔɔ Laa dang ɓɛɛ.

1 Koranti 8:4

Ka ruu vuu shaanang ɓɔɔ zang bang vaka nɛɛ mani ɓɛɛ. Ruu zi tɔ nɛɛ, suru ɓi kagn bii vaka kpang. Ruu ti zi tɔ nɛɛ Laa ɓi gbete kɔ nwani.

2 Koranti 12:11

N palɛ vuu tɔ naa shoko. Nɔkɔ shing m n palɛ nɔngkɔ. Nɔkɔ nɛ̀ɛ́ kɔɔ ruu tɔ̃ɔ ka yuu mɛɛ. Naa n doo vuu ɓɔɔ kpang piti, zang shonang Yeesɔ manɛ ɓɔɔ bang bang kaɓa, ri ɓa m kpang.

Galati 5:16

Vuu ɓɔɔ n kɔɔ nɔɔ keɓe. Nɔɔ yaa Suru Laa wu tusu nɔɔ naa ɓɔɔ nɔɔ nwang nwannang ɓɛɛ. Nɔ́ɔ tɔɔ kpang nɛɛ nɔɔ palɛ vuu ɓɔɔ bii shɔnzang manɛ kasɛ ɓɛɛ kpang.

Galati 5:22

A Suru Laa shing zang ɓiri, zang wu kasɛ zang, zang wu tãa tĩnang, yeti zang wu valɛ katɔ, zang wu mã danggn, zang wu palɛ zang tɔ̃ɔ, zang wu pàlɛ̀ vuu ɓɔɔ tɔ̃ɔ ɓɛɛ, zang wu nwang zang ɓɔɔ zang shing danggn katɔ bii ɓiɓɛ.

Galati 6:3

Naa zang ɓɔɔ tuu yuu ɓiɓɛ nɛɛ wu vuu ɓɔɔ, a ɓeekpang wu ɓi vuu ɓɔɔ kpang, zang keɓe nwãarɛ ɓi yuu ɓiɓɛ.

Afisa 3:4

naa nɔɔ gã vuu ɓɔɔ n bee ɓɛɛ, nɔɔ zi vuu ɓɔɔ n zirɛ ka yeti vuu ɓɔɔ zang waasɛ katɔ ka yuu Kirisi katɔ.)

Afisa 6:19

A nɔ́ɔ gaa m Laa jong, wu hãa m ruu ka nyaa, n nɛɛ kpalɛ bii tɔ, nɛɛ n kɔɔ zang kaa ruu ɓɛɛ. Tɔ̀ɔ, n rang yee, n nwàngsɛ̀ zang ruu niizang ɓɔɔ zang waasɛ katɔ ka yuu Ruu Tɔ̃ɔ Laa ɓɛɛ, ń kaa vɔrɔ kpang.

Kolosi 1:26

Ɓɔɔ wu waasɛ shɔnzang katɔ doo tɛ̃ɛ tɛ̃ɛ ɓɛɛ, a kãntang keɓe nwangsɛ kaa zang ɓiɓɛ ɓɛɛ.

1 Timoti 3:16

Ruu niizang ɓɔɔ Laa nwangsɛ ka yuu gbalang ɓiɓɛ kɔ ruu dũng ɓee, bang dɔɔli. Wu vuu ɓɔɔ zang laa nyaa ɓiɓɛ kpang. Yeesɔ tuu bii shɔnzang a nɔng ka koo. Suru Laa tusu nɛɛ wu ɓi zang ɓɔɔ shi kpang ka bii ɓiɓɛ kpang ɓɛɛ. Zang nyaa shonang Laa ɓɔɔ ri ka lapa, ri zi wu nɛɛ jĩng ɓarɛ. Zang ri kɔɔ ruu ɓiɓɛ ka koo piti. A zang dɔɔli ka koo ri shing danggn tɔ ka bii ɓiɓɛ. Zang tuu wu tɔ, zang daa nɛɛ wu ka lapa, ka tĩng Laa.

1 Yɔhana 4:8

Zang ɓɔɔ kasɛ ruu zang kpang, zi Laa ɓi kpang, ka ruu ɓɔɔ, vuu piti ɓɔɔ Laa palɛ, palɛ ɓi ka ruu zang kasɛnang ɓɔɔ ka yeti ɓiɓɛ ɓɛɛ.