1 Koranti 12:9 - Nyaa Shɔɔ Ɓɔɔ Laa a Ɓɛɛ

⁹ Suru Laa a zang ɓɔɔ naa, ri shing danggn ka bii kpanti Yeesɔ, wu ti a zang ɓɔɔ naa ri masɛ zang kɔɔnang.

1 Koranti 12:9 ပူးပေါင်းရင်းမြစ်များ

Matiyu 10:8

Nɔ́ɔ ti masɛ zang kɔnang, nɛɛ zang ɓɔɔ vuu bii shaa ri katɔ ɓɛɛ. Nɔ́ɔ ti wisi zang ɓɔɔ ri vɔ katɔ paa. Nɔ́ɔ ti nwangsɛ suru shi kpang. Nɔɔ tà waati, nɔɔ á zang doo waati kɔ.

Matiyu 21:21

A Yeesɔ kasɛ ri nyaa tɔɔ, “N kɔ̀ɔ́ nɔɔ ruu ɓɔɔ niizang kɔ nwani, naa nɔɔ shing danggn ka bii mɛɛ, nɔɔ yaa danggn naa kpang, nɔɔ palɛ wu vuu kɔ n palɛ laa sĩiri ɓee kɔ shɛ̃ɛning kpang. Nɔɔ zunung ɓɔɔ nɔɔ kɔɔ kɔpɔ keɓe katɔ nɛɛ, ‘Rúu ta nɛɛ bii ɓaaɓɛ, mɔɔ daa watɛ ka mii waapo.’ Ti palɛ katɔ nɔngkɔ.

Maraku 16:18

Naa ri yi sɔkɔ nɛɛ naa, kɔ ri ɓoo zɔ̃pɔ ɓɔɔ nyɔ zang katɔ, palɛ ri vuu ɓɔɔ kpang. Ri naa shing naa ɓarɛ ka bii zang ɓɔɔ vuu palɛ ri katɔ, bii zang kɔnang, wu ti yaa ri nɔng.”

Maraku 6:13

Ri ti nwangsɛ suru shi kpang dɔɔli. A ri ti tungku zang kɔnang dɔɔli nung ka yuu. A ri masɛ ri kati.

Luka 10:9

Nɔɔ masɛ zang kɔnang ɓɔɔ ka yeti gari kaɓa katɔ. Nɔɔ ti kɔɔ ri nɛɛ, ‘Diki ɓɔɔ Laa roo Kpanti a tɔ kaa naabm.’

Luka 9:2

A shong ri nɛɛ ri dita ri daa rang zang yee Kpanti roonang Laa nɛɛ ri ti masɛ zang kɔnang.

Zang Shonang Yeesɔ 10:38

Ruu keɓe ɓi ruu Yeesɔ yɔɔ Nazara. Ɓɔɔ Laa a wu Suru ɓiɓɛ, nɛɛ naa vuu palɛnang ɓɛɛ. Yeesɔ keɓe daarɛ nɛɛ nɔng piti piti, pàlɛ́ zang tɔ̃ɔ, ti masɛ zang ɓɔɔ suru shi kpang ka bii ɓarɛ nandon, ka ruu ɓɔɔ, Laa nɛɛ wu ɓɛɛ.

Zang Shonang Yeesɔ 5:15

Ka ruu vuu ɓɔɔ rɛɛ zang shonang Yeesɔ ri pálɛ̀, zang dɔɔli ri ãatɛ zang kɔnang ɓarɛ ka nyaa gbalang, ri wɔɔ ri ka yuu latãng nɛɛ siri, ka ruu ɓɔɔ, Bituru nɛɛ tɛɛnang, jasuru ɓiɓɛ kɔ̀ wu ti a ka yuu ɓarɛ shɛ̃ɛning wu másɛ́ ri kati.

1 Koranti 12:28

Ka teteng zang ɓɔɔ ri dũng Laa ɓɛɛ, Laa kɔɔyi, nɛɛ zang ɓu wu nwangnɛ, shonang ɓiɓɛ kagn. Gaayu zɔ̃ngkɔ zang ɓɔɔ nɛɛ ri nwang zang shonang Yeesɔ Kirisi. A naa zɔ̃ngkɔ zang ɓɔɔ nɛɛ ri kɔɔ zang ruu ɓɔɔ Laa tusu ri ɓɛɛ. Ri ɓang knti zang tĩng. A zɔ̃ngkɔ zang ɓɔɔ nɛɛ ri màsɛ̀ zang kɔnang, ri ɓang knti. Zɔ̃ngkɔ zang ɓɔɔ nɛɛ ri yi zang naa ka bii. Nɛɛ zang ɓɔɔ ri nwang ɓarɛ zang bang ɓɔɔ ri yiti zang ɓɛɛ. A zang ɓɔɔ ri rang yee nɛɛ nyaa zang ɓɔɔ ri kpɛ̃ɛrɛ katɔ kpang nɛɛ náa ɓɔɔ Suru Laa a ri ɓɛɛ.

1 Koranti 12:30

Wu zang piti, ri màsɛ́ zang kɔnang kpang, wu ti zang piti, ri kɔɔ ruu nɛɛ nyaa ɓɔɔ ri kpɛ̃ɛrɛ katɔ kpang ɓɛɛ kpang, wu zang piti nwangsɛ zang dĩiri ruu kaɓa kpang.

1 Koranti 13:2

Naa Laa a m naa vuu palɛnang, naa ɓɔɔ n kɔɔrɔ vuu ɓɔɔ Laa tusu m ɓɛɛ. Naa n ti zi vuu piti. Vuu ɓɔɔ Laa waasɛ katɔ ka yuu ɓiɓɛ n ti zi tɔ jong. Naa Laa a m dòo zɔ̃ng danggn shinnang ɓɔɔ naa n zunung katɔ, n kɔɔ kɔpɔ wu dɔ̃sɔ ka nɔng ɓɔɔgn. Naa n kasɛ zang kpang, n m vuu ɓɔɔ kpang tingkiring.

2 Koranti 4:13

Wee Suru ɓɔɔ shing zang, zang shing danggn a zang bee vuu keɓe nɛɛ, “N shing danggn tɔ, ka ruu nɔngkɔ, n rang yee.” Wukɔ ti kagn yeti ɓuru. Ka ruu nɔngkɔ, ruu rang yee jong.

Afisa 2:8

Ka ruu ɓɔɔ, zang ta yuu manɛ ɓi ka ruu tɔ̃ɔ ɓɔɔ Laa palɛ nɔɔ, ka ruu danggn ɓɔɔ nɔɔ shing ɓɛɛ. Ɓi vuu ɓɔɔ nɔkɔ palɛ nɛɛ yuu manɛ kpang, ɓi Laa a nɔɔ waati.

Yahudi 11:33

Ɓɔɔ ri, ka ruu danggn shinnang ɓarɛ, ri shaa rɛɛ tipi kpanti dɔɔli nɛɛ sĩiri ɓɛɛ. Ri dɔ̀ng zang ruu gn dang gbete kpang, a ri walɛ vuu ɓɔɔ zang a nyaa ka yuu ɓarɛ ɓɛɛ. Zang ɓɔɔ ri nɔɔ nyaa zing.