Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Koranti 12:4 - Nyaa Shɔɔ Ɓɔɔ Laa a Ɓɛɛ

4 Vuu ɓɔɔ Suru Laa a zang naa nɛɛ zang ri palɛ, ɓi kagn ka zɔ̃ng zɔ̃ng. A Suru Laa ɓi kaa gbete kɔ nwani.

အခန်းကိုကြည့်ပါ။ ကော်ပီ




1 Koranti 12:4
11 ပူးပေါင်းရင်းမြစ်များ  

Manzung, ruu rɛ̃rɛ nɔɔ kaa yuu vuu ɓɔɔ Suru Laa a zang ɓɛɛ. N kasɛ nɔɔ zi vuu keɓe katɔ tɔ̃ɔ tɔ̃ɔ.


Ka teteng zang ɓɔɔ ri dũng Laa ɓɛɛ, Laa kɔɔyi, nɛɛ zang ɓu wu nwangnɛ, shonang ɓiɓɛ kagn. Gaayu zɔ̃ngkɔ zang ɓɔɔ nɛɛ ri nwang zang shonang Yeesɔ Kirisi. A naa zɔ̃ngkɔ zang ɓɔɔ nɛɛ ri kɔɔ zang ruu ɓɔɔ Laa tusu ri ɓɛɛ. Ri ɓang knti zang tĩng. A zɔ̃ngkɔ zang ɓɔɔ nɛɛ ri màsɛ̀ zang kɔnang, ri ɓang knti. Zɔ̃ngkɔ zang ɓɔɔ nɛɛ ri yi zang naa ka bii. Nɛɛ zang ɓɔɔ ri nwang ɓarɛ zang bang ɓɔɔ ri yiti zang ɓɛɛ. A zang ɓɔɔ ri rang yee nɛɛ nyaa zang ɓɔɔ ri kpɛ̃ɛrɛ katɔ kpang nɛɛ náa ɓɔɔ Suru Laa a ri ɓɛɛ.


Shonang ɓɔɔ zang ti pàlɛ́ Yeesɔ kagn ka zɔ̃ng zɔ̃ng, a Kpanti Yeesɔ ɓɔɔ zang ri palɛ wu shonang keɓe, ɓi kaa gbete kɔ nwani.


Ka jĩng mɛɛ, naa zang ri gee soro kpang, naa wee n gee kpang ɓee, wukɔ tɔ̃ɔ. A Laa palɛ zang kaa bm bm. A zang ɓɔɔ naa, wu palɛ vuu hn, a ti a zang ɓɔɔ naa, wu palɛ vuu ɓi kaa naa ɓɔɔgn.


Wukɔ alɛ shɔnzang vuu Suru. Zɔ̃̀ng zang ɓɔɔ nɛɛ ri nwang zang shonang ɓiɓɛ. Zang ɓɔɔ nɛɛ ri nwang zang nyaa shonang Laa. Zang ɓɔɔ nɛɛ ri nwang ɓarɛ zang ɓɔɔ ri rakɛ, ri kɔɔrɔ zang Ruu Laa ɓɛɛ. A shing zang ɓɔɔ nɛɛ ri ɓarɛ kaa zang ɓɔɔ ri gãng jĩng ka zang Laa ɓɛɛ. A zang ɓɔɔ nɛɛ ri ɓarɛ zang ɓɔɔ ri tusu zang vuu ɓɛɛ.


Laa ti tusu jong nɛɛ ruu keɓe niizang naa ɓɔɔ ri tusu ɓɛɛ, ka ɓɔɔ wu palɛ vuu ɓɔɔ zang zirɛ zang mã naa ka danggn ka zɔ̃ng zɔ̃ng ɓɛɛ. A ti basɛ zang vuu ɓɔɔ Suru ɓiɓɛ a zang ka naa ɓɔɔ wu kasɛ ɓɛɛ.


Laa palɛ nɔɔ tɔ̃ɔ tɔ ka gbalang náabm̀ náabm̀. Laa a zang ɓu naa vuu palɛnang wu palɛ vuu ka zɔ̃ng zɔ̃ng. Ka ruu nɔngkɔ, zang ɓu wu palɛ tɔ̃ɔ, wu palɛ shonang nɛɛ naa ɓɔɔ Laa a wu, wu yi zang ɓɔɔ naa ka bii.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ