1 Koranti 12:3 - Nyaa Shɔɔ Ɓɔɔ Laa a Ɓɛɛ

³ Ka ruu nɔngkɔ, n kasɛ nɔɔ zi tɔ̃ɔ tɔ̃ɔ. Naa zang ɓɔɔ rang yee, nɛɛ naa vuu palɛnang ɓɔɔ Suru Laa a wu, zang kaɓa ràng yee shi kpang ka yuu Yeesɔ kpang. Zang ɓɔɔ ti zunung kɔɔnang katɔ nɛɛ, “Yeesɔ kɔ Kpanti ɓuru.” Kpang, naa Suru Laa kɔ a wu naa kɔɔnang kpang ɓɛɛ.

1 Koranti 12:3 ပူးပေါင်းရင်းမြစ်များ

Matiyu 22:43

Yeesɔ hɛ̃ɛ ri tɔɔ, “A ka ruu vi, Suru Laa tusu Dawuda gbalang, a zirɛ, a ɓaa Kirisi nɛɛ, ‘Kpanti’ viya? Ka ruu ɓɔɔ, Dawuda kɔɔyi tɔɔ,

Maraku 9:39

A Yeesɔ kɔɔ ri tɔɔ, “Nɔ́ɔ zãa wu kpang, ka ruu ɓɔɔ, zang ɓɔɔ nɛɛ palɛ vuu ɓɔɔ zang zirɛ, zang mã naa ka danggn nɛɛ nung mɛɛ, ti raa nyaa tantɛnang, wu naa rang yee shi kpang ka yuu mɛɛ tɔkn kpang.

Yɔhana 13:13

Nɔɔ ɓáa m nɛɛ maalang, a nɔɔ ɓaa m nɛɛ kpanti. Nɔɔ ɓaa waasɛ̃, ka ruu ɓɔɔ, n maalang, a n ti Kpanti niizang ɓɛɛ.

Yɔhana 13:14

Wee n maalang, n ti Kpanti manɛ, n sɔɔ nɔɔ doo tɔ ɓee, nɔ́ɔ sɔɔ zɔɔ doo jong dòo nɔngkɔ.

Yɔhana 15:26

“Danggn wu ning nɔɔ kpang, zang ɓɔɔ naa yi nɔɔ naa ka bii a ditɔ. N nɛɛ dàá tɔ bii Daa mɛɛ, n shong nɔɔ wu ditɔ. Zang keɓe wukɔ Suru ɓɔɔ a nɛɛ bii Laa ɓɛɛ, wukɔ tusu zang ruu ɓɔɔ niizang ka yuu Laa. Wukɔ naa kɔ̀ɔ́ zang ruu ka yuu mɛɛ.

Zang Shonang Yeesɔ 8:37

[Filibu kɔɔ wu tɔɔ, “Naa mɔɔ shing danggn ka bii Laa nɛɛ yeti ɓaaɓɛ nandon, n palɛ mɔɔ batizima katɔ.” Yɔɔ kasɛ wu nyaa tɔɔ, “N shing danggn tɔ, nɛɛ Yeesɔ Kirisi wukɔ Jaa Laa.”]

Rooma 10:9

Naa mɔɔ kɔɔ nɛɛ nyaa ɓaaɓɛ nɛɛ, “Yeesɔ kɔ Kpanti,” a mɔɔ ti shing danggn nɛɛ Laa wisi wu paa nɛɛ sàa. Laa ta yuu ɓaaɓɛ katɔ.

Rooma 9:3

Naa nɛ̀ɛ́ yi ri naa ka bii katɔ, n nɛ̀ɛ́ gàa Laa wu kù m nyaa. Ń nwàng tɔ̀ɔ́ zang Kirisi kpang, ka ruu rɛɛ manzung ɓɔɔ zɔ̃ng ɓuru gbete ɓɛɛ.

1 Koranti 16:22

Zang ɓɔɔ nɛɛ kagn ɓɔɔ kasɛ ruu Kpanti Yeesɔ Kirisi kpang, Laa wu shingnɛ wu shaarɛ dòndòng. Kpanti ɓuru Yeesɔ Kirisi, a ta.

1 Koranti 8:6

Ruu zi ɓuru tɔ, Laa ɓi gbete. Wukɔ Daa, wukɔ mãa vuu piti, wukɔ ti mãa ruu nɛɛ, tɔ̀ɔ, ruu a wu bannang. Kpanti ti gbete kɔ nwani, wukɔ Yeesɔ Kirisi. Laa mãa vuu piti nɛɛ bìí ɓiɓɛ kɔ. Rùu ti nwang ningkãari ka ruu ɓiɓɛ kɔ.

2 Koranti 11:4

N kàá nɔɔ vɔrɔ, ka ruu ɓɔɔ, n zirɛ zang ɓɔɔ nɛɛ a tɔ ka bii manɛ, nɔɔ tantɛ wu tanang ɓɛɛ. Nɔɔ tantɛ danggn shinnang ka vuu ɓɔɔ ri kɔ̀ɔ́ nɔɔ ka yuu Yeesɔ ɓɔɔ ɓɛɛ, naa dòo náabm̀ nɛɛ Yeesɔ ɓɔɔ ruu kɔɔ nɔɔ ɓɛɛ. Nɔɔ ti tá suru ɓɔɔgn naa doo Suru Laa ɓɔɔ nɔɔ ta nɛɛ bii ɓuru kpang ɓɛɛ. A nɔɔ ti ta Ruu Tɔ̃ɔ ɓɔɔgn ka yuu Laa, naa doo náabm̀ nɛɛ ɓɔɔ ruu kɔɔ nɔɔ ɓɛɛ.

2 Koranti 3:5

Vuu ɓɔɔ kagn ka bii ɓuru, ɓɔɔ shingnɛ ruu kɔɔyi nɛɛ, ruu zunung shonang keɓe palɛnang katɔ kpang. Kaka ɓuru a ɓi nɛɛ bii Laa.

Galati 3:13

Yeesɔ Kirisi ta yuu ɓuru tɔ, ka nyaa ɓɔɔ Laa nɛɛ kù ruu, ka ruu ɓɔɔ, ruu dũng nyaa dannang kpang ɓɛɛ. Ka ruu ɓɔɔ, Laa kù Kirisi nyaa jong ka nung ɓɔɔ wu nɛɛ kù ruu ɓɛɛ. Ka ruu ɓɔɔ, zang bee ka yeti labeenang Laa tɔɔ, “Zang ɓɔɔ zang nɛɛ haatɛ wu ka lapa, Laa ku wu nyaa tɔ ɓɛɛ.”

Vuu ɓɔɔ zang nwangsɛ Yɔhana 1:10

Ka nɔng kaɓa, ka lee Laadi, Suru Laa a ka bii mɛɛ, a n nwang kaa naa n rɔ̃kɔ katɔ. N tãa yee zang mɛɛ nyaa ka knti mɛɛ nabm naa gboo.