1 Koranti 11:16 - Nyaa Shɔɔ Ɓɔɔ Laa a Ɓɛɛ

¹⁶ Naa zang ɓɔɔ kagn ɓɔɔ bɛ̃ɛ ruu keɓe, wu zirɛ nɛɛ ruu nandon nɛɛ zang Gãa Laa ɓɔɔ ka bm bm nandon, ruu palɛ ɓuru nɔngkɔ.

1 Koranti 11:16 ပူးပေါင်းရင်းမြစ်များ

Zang Shonang Yeesɔ 21:21

Ri ti tãa nyaa nɛɛ mɔɔ tusu zang Yahudi ɓɔɔ ri nwang ka teteng zang ɓɔɔ ri zang Isirela kpang ɓɛɛ, nɛɛ ri dũ̀ng nyaa ɓɔɔ Musa dang ɓɛɛ takpang. Mɔɔ nɛɛ ri yee wujɛ ɓarɛ shaa kpang, nɛɛ ri dũ̀ng vuu ɓɔɔ dabang ɓuru ri kpɛ̃ɛrɛ ruu kpang.

Zang Shonang Yeesɔ 21:24

Daa nɛɛ ri, mɔɔ pálɛ́ vuu ɓɔɔ zang pálɛ̀, tɔɔ zang nwang zang tɔ̃ɔ tɔkn ka tĩng Laa ɓɛɛ. Mɔkɔ mɔɔ shu vuu ɓɔɔ ri nɛɛ shu ɓɛɛ nandon, tɔ̀ɔ, zang kpɛ̃ɛ ri yuu kati. Tɔ̀ɔ, ri zi kati nandon, nɛɛ vuu ɓɔɔ zang kɔɔrɔ ri ka yuu ɓaaɓɛ ɓi niizang kpang. Nɛɛ mɔɔ dũng ɓaa doo nyaa ɓɔɔ Musa dang ɓɛɛ kɔ.

1 Koranti 11:15

Ɓɔɔ zang soro suuyuu beebang ɓi vuu jasang, ka ruu ɓɔɔ, Laa a wu suuyuu beebang tɔɔ, wu zuu yuu ɓiɓɛ nɛɛ mani ɓɛɛ.

1 Koranti 16:1

Ka ruu saka ɓɔɔ nɔɔ kpalɛ nɛɛ nɔɔ yi zang ɓɔɔ ri dũng doo Laa kɔ, ɓɔɔ ri ka Urushalima naa nɛɛ mani ka bii ɓɛɛ. Nɔɔ pálɛ́ doo naa ɓɔɔ n kɔɔrɔ zang ɓɔɔ ri ka rɛɛ Gãa Laa ɓɔɔ ka tipi Galati nɛɛ ri palɛ ɓɛɛ kɔ.

1 Koranti 4:5

Ka ruu nɔngkɔ, daa naa ɓɔɔ nɔɔ dɔng zang ruu ɓɛɛ kpang. Nɔɔ yaa gbongkarɛ diki ɓiɓɛ wu arɛ. Diki ɓɔɔ Kpanti Yeesɔ gbãayu kagn ɓɛɛ. Naa nwangsɛ dĩiri vuu ɓɔɔ zang waasɛ̃ katɔ kãntang keɓe ditɔ. Ti naa nwangsɛ rɛ̃rɛnang ɓɔɔ zang ɓu rɛ̃rɛ ka yeti ɓiɓɛ ditɔ. Ka diki kaɓa kɔ, Laa naa dɔ̀ɔ zang ɓu nɛɛ dɔɔnang ɓɔɔ daa teetee nɛɛ zang ɓu ɓɛɛ.

1 Koranti 7:17

Zang ɓu wu nwang naa ɓɔɔ Laa ɓaa wu nyaa nɛɛ wu nwang ɓɛɛ. Zang ɓu wu ti nwang naa ɓɔɔ wu nwáng ka tĩng a Laa ɓaa wu nyaa nɛɛ wu naa dũng Yeesɔ Kirisi ɓɛɛ. Wee vuu ɓɔɔ n tusu ka teteng zang Laa nandon nɛɛ zang ri palɛ ɓɛɛ kɔ.

1 Koranti 9:1

N zi m tɔ nɛɛ vuu ɓɔɔ zang zãa m katɔ kagn kpang. N m zang shonang Yeesɔ Kirisi. N ti zi Yeesɔ Kirisi ɓɔɔ wukɔ Kpanti ɓuru tɔ nɛɛ jĩng mɛɛ. Nɔɔ manɛ zang ɓɔɔ n atɛ ri nɛɛ ri naa dũng Kpanti Yeesɔ Kirisi ɓɛɛ, ka ruu shonang ɓɔɔ n pàlɛ̀ wu ɓɛɛ.

1 Koranti 9:6

Nɔɔ kɔɔ manɛ nɛɛ ɓi nkɔ nɛɛ Baranaba ruu palɛ shonang nɛɛ naa ɓuru tɔ̀ɔ ruu walɛ vuu shaanang ɓɔɔ ruu shaa ɓɛɛ ya?

1 Tesalonika 2:14

Rɛɛ manzung ɓuru, vuu kɔ pálɛ̀ nɔɔ ɓee, pálɛ́ zang ɓɔɔ ri dũng Laa ɓɔɔ ri ka tipi Yahudi ɓɔɔ ri ɓakɛ yuu ɓarɛ tɔ nɛɛ Yeesɔ Kirisi ɓɛɛ doo nɔngkɔ. Zang tipi manɛ dãng nɔɔ jĩng doo nɔngkɔ, naa ɓɔɔ zang Yahudi dang ri jĩng jong ɓɛɛ.