1 Koranti 1:9 - Nyaa Shɔɔ Ɓɔɔ Laa a Ɓɛɛ

⁹ Laa pálɛ̀ vuu ɓɔɔ wu kɔɔyi nɛɛ wu palɛ ɓɛɛ ɓi katɔ diki diki. Wukɔ ɓàa nɔɔ nyaa nɛɛ nɔ́ɔ naa ɓakɛ zɔɔ nɛɛ Jaa ɓiɓɛ, ɓɔɔ zang ɓaa nɛɛ Yeesɔ Kirisi ɓɔɔ wukɔ Kpanti ɓuru ɓɛɛ.

1 Koranti 1:9 ပူးပေါင်းရင်းမြစ်များ

Matiyu 24:35

Lapa nɛɛ tipi ri naa shaarɛ ditɔ nandon, a ruu mɛɛ shaarɛ ɓi kpang.

Yɔhana 17:21

N gaa mɔɔ nɛɛ ri nwang ka nyaa zɔɔ gbete. Daa mɛɛ, n gaa mɔɔ nɛɛ ri nwang nɛɛ ruu, naa ɓɔɔ mɔɔ nwang nɛɛ n, a n ti nwang nɛɛ mɔɔ ɓɛɛ. Tɔ̀ɔ, zang koo ri shing danggn kati nɛɛ mɔkɔ shong m niizang.

Rooma 11:17

Zang dɔlɔ nasãng laa inabi ɓɔɔ zang ɓaa katɔ ɓɛɛ tɔ, a zang atɛ nasãng laa inabi ɓɔɔ ta nɛɛ yuu ɓiɓɛ ka waala zang naa tiisi ka nɔng ɓarɛ. A nɔɔ ɓɔɔ nɔɔ nwang naa laa inabi ɓɔɔ ta ka waala ɓɛɛ, kãntang keɓe nɔɔ wàlɛ́ manɛ kaa vuu tɔ̃ɔ ɓɔɔ a nɛɛ bii laa inabi ɓɔɔ zang ɓaa katɔ ɓɛɛ.

Rooma 8:28

Ruu zi tɔ nɛɛ, ka yeti vuu piti, Laa palɛ shonang ka ruu zang ɓɔɔ ri kasɛ wu katɔ ɓɛɛ. Tɔ̀ɔ, vuu keɓe wu nwàng ri tɔ̃ɔ kati. Rikɔ zang ɓɔɔ Laa ɓaa ri nyaa nɛɛ tɔ̀ɔ, ri palɛ vuu ɓɔɔ wu kasɛ nɛɛ wu pàlɛ́ nɛɛ ri ɓɛɛ.

Rooma 8:30

A Laa tá (shɛ̃ɛrɛ) rɛɛ zang ɓɔɔ wu ɓàa ri nyaa dang gbete. Zang kɔ wu ɓaa ri nyaa ɓee, risi ri nɛɛ ri nwang zang tɔ̃ɔ ka tĩng ɓiɓɛ. A á zang kɔ wu risi ri nɛɛ ri nwang zang tɔ̃ɔ ɓee, bannang kati.

Rooma 9:24

Ka ruu ɓɔɔ, ɓi rukɔ zang ɓɔɔ wu zɔ̃ngkɔ ruu ɓɛɛ. Zɔ̃ngkɔ ruu ka teteng zang Yahudi kɔ shɛ̃ɛning kpang, zɔ̃ngkɔ jong ka teteng zang ɓɔɔ ri zang Yahudi kpang ɓɛɛ.

1 Koranti 1:30

Nɔɔ ɓákɛ̀ zɔɔ nɛɛ Yeesɔ Kirisi, ka Ruu Laa kɔ gbete. Ti doo Laa kɔ shingnɛ Yeesɔ Kirisi a ruu zũnang ɓɔɔ niizang ɓɛɛ. Ti ka ruu Yeesɔ Kirisi kɔ, Laa zí ruu naa zang ɓiɓɛ ɓɔɔ ri tɔ̃ɔ ɓɛɛ. A ti tá yuu ɓuru tɔ ka vuu shi kpang nandon, risi ruu, ruu nwang zang ɓiɓɛ.

1 Koranti 10:13

Vuu gãsɛnang ɓɔɔ kagn ɓɔɔ zang gãsɛ nɔɔ nɛɛ mani, ɓɔɔ ɓi náabm̀ nɛɛ ɓɔɔ zang gãsɛ zang nandon nɛɛ mani ɓɛɛ kpang. Laa palɛ vuu ɓɔɔ wu a nyaa ɓɛɛ, ɓi katɔ. Yaa vuu gãsɛnang ɓɔɔ ɓa kaka manɛ katɔ, wu a ka bii manɛ kpang. Naa vuu gãsɛnang a ka bii manɛ, a nɔɔ kaka katɔ, ɓɔɔ nɔɔ taarɛ yuu, tɔ̀ɔ, nɔɔ walɛ gbalang ɓɔɔ nɔɔ wɔ ɓɛɛ kati.

1 Koranti 10:16

Ka laa ɓɔɔ ruu nandon ruu shaa vuu shaanang ɓɔɔ ruu kpaa danggn Kpanti Yeesɔ kagn ɓɛɛ. Ruu zã̀a Laa ka yuu juwa. Naa ruu ɓooyi ruu ɓakɛ zɔɔ nɛɛ Kirisi ka zĩi ɓiɓɛ. Ruu nɛɛ sha borodi tɔ, ruu shaayi ruu ɓakɛ zɔɔ nɛɛ Kirisi nɛɛ bii ɓiɓɛ.

2 Koranti 1:18

Nɔɔ zi tɔ nɛɛ Laa suu sèé ɓi kpang. Doo nɔngkɔ, ruu ɓɔɔ ruu kɔ̀ɔ nɔɔ, ɓi ruu ɓɔɔ zang kɔɔ nɛɛ, “Nn” zang ti kɔ̃sɔ nyaa nɛɛ, “Kpang” ka làa gbete kpang.

Galati 1:15

A Laa palɛ m tɔ̃ɔ, zɔ̃ng m bɛ̀ɛ́ zang yi m gn kpang, a ɓaa m nyaa nɛɛ n naa palɛ wu shonang. A ɓɔɔ wu naa kasɛ ka yeti ɓiɓɛ,

Galati 2:20

Zang ɓaa m naa m tɔ laa nɛɛ Kirisi, ɓi tɔ̀ɔ́ nkɔ nwang ningkãari kpang. Ɓi kaa Kirisi ɓɔɔ ka bii mɛɛ kɔ nwang ningkãari. Nwannang kɔ n nwang kãntang ɓee, n nwang m kaa nɛɛ danggn ɓɔɔ n shing ka bii Jaa Laa ɓɔɔ kasɛ m, a á zang yuu ɓiɓɛ, nɛɛ zang nyɔ wu vɔrɔ ka ruu mɛɛ ɓɛɛ.

Afisa 3:6

Vuu waasɛnang keɓe, ɓi ka wukɔ, nɛɛ bìí Ruu Tɔ̃ɔ Laa, Laa shingnɛ zang ɓɔɔ ri zang Isirela kpang, ri nwang wujɛ Daa kaa jong nɛɛ zang Isirela. Ri nandon ri nwang kaa gbete ka nyaa ɓɔɔ Laa a nɛɛ bìí Yeesɔ Kirisi ɓɛɛ.

Kolosi 1:24

Kãntang keɓe, n tãa kaa tĩnang ka jĩng ɓɔɔ n dang ka ruu manɛ ɓɛɛ. Jĩng kɔ n dang ɓee, hangsɛ ɓi nyaa vuu ɓɔɔ yàa m ka jĩng dannang ɓɔɔ Kirisi shing m, nɛɛ n dang ka ruu zang ɓɔɔ ri dũng wu, ɓɔɔ rikɔ kaa bii ɓiɓɛ ɓɛɛ.

1 Tesalonika 2:12

Ruu tusu nɔɔ vuu ɓɔɔ daa bii katɔ ɓɛɛ. Ruu mã nɔɔ danggn, ruu yi tĩng, ruu kɔɔ nɔɔ nɛɛ nɔɔ nwang zɔ̃ng nwannang ɓɔɔ shing Laa, Laa tãa tĩnang ɓɛɛ. Laa ɓɔɔ ɓáa nɔɔ nyaa nɛɛ nɔɔ naa nwang jong ka teteng zang ɓɔɔ wu nwang kpanti ɓarɛ ɓɛɛ, nɔɔ zi bannang ɓiɓɛ.

2 Tesalonika 2:14

Laa ɓaa nɔɔ nyaa nɛɛ nɔɔ nwang zang ɓiɓɛ nɛɛ Ruu Tɔ̃ɔ ɓɔɔ ruu kɔɔ nɔɔ ɓɛɛ. Ɓaa nɔɔ nyaa nɛɛ nɔɔ naa tãa tĩnang jong ka ruu bannang Kpanti ɓuru Yeesɔ Kirisi.

2 Tesalonika 3:3

A Laa ɓi zang ɓɔɔ mɔɔ shing gn katɔ ka bii ɓiɓɛ ɓɛɛ, mã mɔɔ danggn katɔ, wu shingnɛ vuu ɓɔɔ wu lee mɔɔ naa ka bii kpang.

2 Timoti 1:9

Wukɔ ɓàa ruu nyaa, a tà yuu ɓuru, nɛɛ ruu nwang nwannang tɔ̃ɔ. Wu ka ruu vuu ɓɔɔ ruu pálɛ̀ ɓɛɛ kpang, ɓi ka ruu tɔ̃ɔ ɓɔɔ wu mang ka yeti ɓiɓɛ ɓɛɛ. Laa pàlɛ̀ ruu tɔ̃ɔ ɓiɓɛ nɛɛ bii Yeesɔ Kirisi bɛ̀ɛ́ zang mãa koo gn kpang.

2 Timoti 2:13

Naa ruu ɓuru zang ɓɔɔ zang shing gn ka bii ɓuru kpang, Yaa nyaa ɓɔɔ wu kɔ̀ɔ ɓi kpang. Ka ruu ɓɔɔ, sùu yuu ɓiɓɛ sèé ɓi kpang ɓɛɛ.

Titu 1:2

Tɔ̀ɔ, ri shing gn ka suru bii ɓɔɔ waa nyaa kpang, ɓɔɔ Laa ɓɔɔ suu sèé kpang a zang nyaa bɛ̀ɛ́ zang mãa koo gn kpang ɓɛɛ.

Yahudi 10:23

Rúu yiti vuu ɓɔɔ ruu kɔ̀ɔ ka yuu danggn ɓɔɔ ruu shing ɓɛɛ gbãng gbãng, rɛ̃rɛnang ɓuru wu vãarɛ kpang. Ka ruu ɓɔɔ, zang ɓɔɔ a nyaa, ɓi zang ɓɔɔ palɛ vuu ɓɔɔ wu a nyaa kagn katɔ ɓɛɛ.

Yahudi 11:11

Danggn shinnang Saratu shingnɛ, Laa a wu naa, a tuu jaa ka ɓɔɔ bɛ̀ɛ́ saa ɓiɓɛ ɓa tɔ ɓɛɛ. Ka ruu ɓɔɔ, zi ɓi tɔ zang ɓɔɔ a nyaa, palɛ vuu ɓɔɔ wu a nyaa kagn katɔ ɓɛɛ.

Yahudi 2:17

Ka ruu nɔngkɔ, wu nwang naa rɛɛ ɓeezung kɔ gbãng gbãng ka vuu piti, tɔ̀ɔ, wu nwang kpanti zang ɓɔɔ ri dɔɔ vuu ka Gãa Laa kati. Ɓɔɔ gn zang kɔng wu katɔ, a ti zang ɓɔɔ zang shing gn katɔ ka bii ɓiɓɛ ɓɛɛ, ka shonang ɓɔɔ wu pàlɛ́ Laa ɓiɓɛ ɓɛɛ. Tɔ̀ɔ, wu a zang yuu ɓiɓɛ, zang nyɔ wu vɔrɔ, vuu keɓe wu shingnɛ, Laa wu kɔsɔ zang vuu shi kpang ɓarɛ kati.

Yahudi 3:1

Ka ruu nɔngkɔ, rɛɛ manzung ɓɔɔ nɔɔ doo zang Laa kɔ ɓɛɛ, ɓɔɔ Laa ɓáa nɔɔ nyaa tɔ jong ɓɛɛ. Nɔɔ shing rɛ̃rɛnang manɛ ka bii Yeesɔ, ɓɔɔ wukɔ zang shonang nɛɛ kpanti zang ɓɔɔ ri dɔɔ vuu ka Gãa Laa ɓɔ̀ɔ́ danggn kɔ ruu shing ɓee.

Yahudi 3:14

Ka ruu ɓɔɔ, ruu ɓuru kaa zang ɓɔɔ ri walɛ vuu ka bii Kirisi ɓɛɛ. Ruu nɛɛ yaa gn ɓɔɔ ruu gaayu, ruu shingnɛ kpang, diki ɓɔɔ koo waa nyaa wu a nɛɛ mani ɓɛɛ.

Yahudi 6:18

Vuu keɓe ziti, vuu ɓɔɔ Laa tũng, nɛɛ nyaa ɓɔɔ wu a ɓɛɛ, ri kɔ̃sɔ kpang, a Laa ti suu sèé ka yuu ɓarɛ kpang. Ka ruu nɔngkɔ, rùu ɓɔɔ rùu yurɛ, ruu walɛ nɔng waanang, zang mã ruu danggn gbãng gbãng nɛɛ ruu yiti gn vuu ɓɔɔ zang shing ruu ka tĩng keɓe gbatagbata.

1 Bituru 5:10

Nɔɔ nɛɛ dang jĩng tɔ nɔngkɔ tɔkɔlɔng, Laa ɓɔɔ tɔ̃ɔ piti a nɛɛ bii ɓiɓɛ kɔ, ɓɔɔ wukɔ ɓaa nɔɔ nyaa nɛɛ nɔ́ɔ naa nwang nɛɛ Yeesɔ, ka nɔng bannang ɓiɓɛ dòndòng ɓɛɛ. Laa kɔ nɛɛ yuu ɓiɓɛ naa gbarɛ nɔɔ tɔkn, wu ti naa shingnɛ nɔɔ shii nɛɛ kaka ka yeti vuu piti.

1 Yɔhana 1:3

Vuu ɓɔɔ ruu zirɛ, ruu ti tãayi, ruu kɔ̀ɔ́ nɔɔ wukɔ. Tɔ̀ɔ, nɔ́ɔ nwang kaa jong nɛɛ ruu ka nyaa zɔɔ tɔ̃ɔ. Ruu nwàng ɓuru ka nyaa zɔɔ tɔ̃ɔ nɛɛ Daa ɓuru Laa, nɛɛ Jaa ɓiɓɛ Yeesɔ Kirisi.

1 Yɔhana 1:7

Ruu nɛɛ nwang ka nɔng ɓɔɔ yakɛ katɔ naa wukɔ, ruu nwang katɔ nyaa zɔɔ tɔ̃ɔ tɔ̃ɔ. Zĩi Jaa ɓiɓɛ Yeesɔ sɔɔ ruu vuu shi kpang ɓuru katɔ nandon.

1 Yɔhana 4:13

Suru ɓiɓɛ ɓɔɔ wu a ruu, wukɔ tusu ruu nɛɛ, ruu nwang nɛɛ Laa, a Laa ti ka yeti ɓuru.

Vuu ɓɔɔ zang nwangsɛ Yɔhana 19:11

Vuu keɓe ɓa tɔ, a n zi nyaa gãa puu ka lapa. Gbantang puru nwangnɛ. Zang ɓaa nung zang ɓɔɔ vang kagn nɛɛ, “Zang ɓɔɔ palɛ vuu ɓɔɔ wu kɔɔ ɓɛɛ katɔ, ɓɛɛ.” A ɓɔɔ, “Zang ɓɔɔ kɔɔ ɓi ruu ɓɔɔ niizang diki diki,” ɓɛɛ. Palɛ ɓi vuu tɔ̃ɔ, ka ɓɔɔ wu jɛ̃ɛ zang ruu, nɛɛ ɓɔɔ wu ta sĩiri ɓɛɛ.