1 Koranti 1:2 - Nyaa Shɔɔ Ɓɔɔ Laa a Ɓɛɛ

² Ruu bèé zang ɓɔɔ ri dũng Laa, ɓɔɔ ri ka Koranti ɓɔɔ nɔɔ shing danggn tɔ ka bii Yeesɔ Kirisi ɓɛɛ. Laa zɔ̃ngkɔ nɔɔ nɛɛ nɔ́ɔ nwang zang ɓiɓɛ nɛɛ tɔɔ, nɔ́ɔ arɛ nɔ́ɔ nwang naa zang piti ɓɔɔ ri a nɛɛ dalɛ koo piti ɓɔɔ ri ɓaarɛ nung Kpanti ɓuru Yeesɔ Kirisi, ɓɔɔ wukɔ Kpanti ɓuru nɛɛ ri ɓɛɛ.

1 Koranti 1:2 ပူးပေါင်းရင်းမြစ်များ

Zang Shonang Yeesɔ 10:36

Laa shòng zang Isirela nyaa nɛɛ ruu ɓiɓɛ. Zang kɔɔ ri Ruu Tɔ̃ɔ Laa ɓɔɔ shing ri, ri nwang ka nyaa zɔɔ ɓɛɛ nɛɛ bii Yeesɔ Kirisi ɓɔɔ wukɔ kpanti zang piti ɓɛɛ.

Zang Shonang Yeesɔ 15:9

Basɛ teteng ɓarɛ nɛɛ ruu kpang. Yàa ri gbalang vuu shi kpang ɓarɛ, ka ruu ɓɔɔ, ri shing danggn ka bii ɓiɓɛ ɓɛɛ.

Zang Shonang Yeesɔ 18:1

Nɛɛ knti, Bulu yaa Ataniya daa ka gari Koranti.

Zang Shonang Yeesɔ 22:16

Mɔɔ gã ɓu kaa vi kãntang viya? Yupaa zang palɛ mɔɔ batizima, zang kɔsɔ mɔɔ vuu shi kpang ɓaaɓɛ, ka ruu ɓɔɔ, mɔɔ ɓàa nung ɓiɓɛ ɓɛɛ.’

Zang Shonang Yeesɔ 26:18

Mɔ́ɔ pùu ri jĩng, ri yaa nɔng ɓɔɔ tɔ̀ɔ katɔ, ri a ka nɔng ɓɔɔ yakɛ katɔ ɓɛɛ. Ri ti yaa nɔng ɓɔɔ sheetang roo kpanti kagn, ri a ka bii Laa. Tɔ̀ɔ, ka ruu danggn ɓɔɔ ri shing ka bii mɛɛ, Laa wu kɔsɔ ri vuu shi kpang ɓarɛ kati. Wu ti a ri nɔng nwannang jong ka teteng zang ɓɔɔ wu zɔ̃ngkɔ ri katɔ ɓɛɛ.’

Zang Shonang Yeesɔ 9:13

A Hananiya kasɛ nyaa tɔɔ, “Kpanti, zang dɔɔli ri kɔɔ m ruu tɔ ka yuu yɔɔ keɓe, ka ruu vuu shi kpang ɓɔɔ wu palɛ zang ɓaaɓɛ ka Urushalima ɓɛɛ.

Zang Shonang Yeesɔ 9:14

Wee à ka Damasiku ɓee, ɓi rɛɛ zang bang bang zang ɓɔɔ ri dɔɔ vuu ka Gãa Laa, a wu naa nɛɛ wu naa yiki zang ɓɔɔ ri ɓaa nung ɓaaɓɛ ɓɛɛ nandon.”

Zang Shonang Yeesɔ 9:21

Zang ɓɔɔ ri tãa vuu ɓɔɔ wu kɔɔyi, ri mã naa ka danggn, a ri hɛ̃ɛyi nɛɛ, “Wee ɓi yɔɔ ɓɔɔ nyɔ̀kɔ́ zang ɓɔɔ ri ɓaa nung Yeesɔ vɔrɔ ka Urushalima ɓɛɛ kpang ya? Ti a ka nihn ka ruu ɓɔɔ wu yiki ri, wu daa nɛɛ ri ka Urushalima, wu daa a rɛɛ zang bang bang zang ɓɔɔ ri dɔɔ vuu ka Gãa Laa kpang ya?”

Rooma 1:7

Ka ruu nɔngkɔ, n bèé nɔɔ nandon laa keɓe, ɓɔɔ nɔɔ ka gari Rooma, ɓɔɔ Laa kasɛ ruu manɛ katɔ, a zɔ̃ngkɔ nɔɔ nɛɛ nɔ́ɔ naa nwang zang ɓiɓɛ ɓɛɛ. Daa ɓuru Laa nɛɛ, Kpanti ɓuru Yeesɔ Kirisi ri yi nɔɔ naa ka bii, a ri ti shing yeti manɛ ri valɛ katɔ.

Rooma 10:12

Ruu keɓe muku zang piti, ka ruu ɓɔɔ, gbalang ɓɔɔ zang ta yuu zang Yahudi nɛɛ zang ɓɔɔ ri zang Yahudi kpang, ɓi gbete ɓɛɛ. Laa ɓi wukɔ Kpanti zang piti, shing zang piti ɓɔɔ ri gaa wu, ri walɛ vuu tɔ̃ɔ dɔɔli.

Rooma 3:22

Laa shíng zang, zang nwáng zang tɔ̃ɔ ka tĩng ɓiɓɛ, ka ruu danggn ɓɔɔ zang shing ka bii Yeesɔ Kirisi ɓɛɛ. Ɓi ɓɔɔ zang piti ɓɔɔ ri shing danggn ka bii Kirisi ɓɛɛ, ka ruu ɓɔɔ, Laa shɛ̃ɛrɛ zang ɓi kpang ɓɛɛ.

Rooma 8:28

Ruu zi tɔ nɛɛ, ka yeti vuu piti, Laa palɛ shonang ka ruu zang ɓɔɔ ri kasɛ wu katɔ ɓɛɛ. Tɔ̀ɔ, vuu keɓe wu nwàng ri tɔ̃ɔ kati. Rikɔ zang ɓɔɔ Laa ɓaa ri nyaa nɛɛ tɔ̀ɔ, ri palɛ vuu ɓɔɔ wu kasɛ nɛɛ wu pàlɛ́ nɛɛ ri ɓɛɛ.

1 Koranti 1:30

Nɔɔ ɓákɛ̀ zɔɔ nɛɛ Yeesɔ Kirisi, ka Ruu Laa kɔ gbete. Ti doo Laa kɔ shingnɛ Yeesɔ Kirisi a ruu zũnang ɓɔɔ niizang ɓɛɛ. Ti ka ruu Yeesɔ Kirisi kɔ, Laa zí ruu naa zang ɓiɓɛ ɓɔɔ ri tɔ̃ɔ ɓɛɛ. A ti tá yuu ɓuru tɔ ka vuu shi kpang nandon, risi ruu, ruu nwang zang ɓiɓɛ.

1 Koranti 10:32

Palɛ waasɛ̃, mɔɔ pálɛ̀ vuu ɓɔɔ lasɛ zang ɓɔɔ yeti kpang, naa zang keɓe ri doo zang Yahudi, naa doo zang ɓɔɔ ri dũ̀ng Laa kpang, naa doo zang ɓɔɔ ri dũng Laa ɓɛɛ.

1 Koranti 12:27

Ɓɔɔ manɛ, nɔɔ nandon nɔɔ ɓakɛ zɔɔ tɔ, nɔkɔ manɛ kaa bii Kirisi ɓɔɔ ɓi gbete ɓɛɛ. Zang ɓu ka teteng manɛ, ka bii keɓe kɔ.

1 Koranti 8:6

Ruu zi ɓuru tɔ, Laa ɓi gbete. Wukɔ Daa, wukɔ mãa vuu piti, wukɔ ti mãa ruu nɛɛ, tɔ̀ɔ, ruu a wu bannang. Kpanti ti gbete kɔ nwani, wukɔ Yeesɔ Kirisi. Laa mãa vuu piti nɛɛ bìí ɓiɓɛ kɔ. Rùu ti nwang ningkãari ka ruu ɓiɓɛ kɔ.

2 Koranti 1:1

Labeenang keɓe a nɛɛ bii mɛɛ nkɔ Bulu, ɓɔɔ Laa kasɛ m katɔ, a n nwang zang shonang Yeesɔ Kirisi ɓɛɛ. A ɓɔɔ manzung ɓuru Timoti, ɓɔɔ dũng doo Laa kɔ ɓɛɛ. Ruu bèé zang ɓɔɔ ri dũng Laa ɓɔɔ ri ka Koranti, nɛɛ zang Laa nandon ɓɔɔ ri ka tipi Akaya nandon ɓɛɛ.

2 Koranti 4:5

Ka ruu ɓɔɔ, ruu kɔɔ nɔɔ ruu ka yuu ɓuru kpang ɓɛɛ. Ruu kɔɔ nɔɔ ka yuu Yeesɔ Kirisi, nɛɛ wukɔ Kpanti, a ruu ɓuru kaa zang shonang manɛ ka ruu Yeesɔ.

Galati 1:2

Rɛɛ manzung ɓuru ɓɔɔ ri nɛɛ n ka nihn nandon, ruu jee nɔɔ ɓɔɔ nɔɔ dũng Laa ka tipi Galati nyaa.

Afisa 5:26

Nɛɛ tɔ̀ɔ, wu shing ri, ri nwang zang Laa nɛɛ naa vuu palɛnang ruu ɓiɓɛ, ka knti ɓɔɔ wu sɔɔ ri tɔ nɛɛ mii ɓɛɛ.

1 Tesalonika 1:1

Labeenang keɓe, nɛɛ bii mɛɛ Bulu, a ɓɔɔ Siila nɛɛ Timoti. Ruu bee zang ɓɔɔ ri dũng Yeesɔ Kirisi ka gari Tesalonika, ɓɔɔ ri zang Daa ɓuru Laa nɛɛ Kpanti Yeesɔ Kirisi ɓɛɛ. Laa wu palɛ nɔɔ tɔ̃ɔ, wu ti shingnɛ yeti manɛ wu valɛ katɔ.

1 Tesalonika 4:7

Laa ɓaa ruu nyaa nɛɛ ruu naa nwang ka yeti dũndũng palɛnang kpang, nɛɛ ruu nwang ɓuru naa ɓɔɔ wu kasɛ ɓɛɛ.

2 Tesalonika 1:1

Labeenang keɓe nɛɛ bii mɛɛ Bulu, a ɓɔɔ kaa Siila nɛɛ Timoti. Ruu bee zang ɓɔɔ ri dũng Laa ɓɔɔ ri ka gari Tesalonika ɓɛɛ. Ɓɔɔ ri zang Daa ɓuru Laa, nɛɛ Kpanti ɓuru Yeesɔ Kirisi ɓɛɛ.

1 Timoti 2:8

N kasɛ zang varɛ, ri nɛɛ gaa Laa ka nɔng piti ɓɔɔ zang kpalɛ yuu zang gaa Laa ɓɛɛ, ri tuu naa ɓarɛ ka lapa. Yeti ɓarɛ wu lasɛ katɔ kpang, ri ti pálɛ̀ naa ri laa nyaa nɛɛ zɔɔ kpang.

1 Timoti 3:15

Vuu ɓɔɔ nɛɛ suu m kã̀ng anang, labeenang keɓe, wu kɔ̀ɔ mɔɔ naa ɓɔɔ zang ri nwang ka yeti Gãa Laa ɓɛɛ. Gãa Laa keɓe, ɓi wukɔ zang ɓɔɔ ri dũng Laa ɓɛɛ. Laa ɓɔɔ nwang ɓi ningkãari dòndòng ɓɛɛ. Zang keɓe, kaa rikɔ doo gãa nɛɛ vuu ɓɔɔ yiti ruu ɓɔɔ niizang ɓɛɛ.

2 Timoti 1:9

Wukɔ ɓàa ruu nyaa, a tà yuu ɓuru, nɛɛ ruu nwang nwannang tɔ̃ɔ. Wu ka ruu vuu ɓɔɔ ruu pálɛ̀ ɓɛɛ kpang, ɓi ka ruu tɔ̃ɔ ɓɔɔ wu mang ka yeti ɓiɓɛ ɓɛɛ. Laa pàlɛ̀ ruu tɔ̃ɔ ɓiɓɛ nɛɛ bii Yeesɔ Kirisi bɛ̀ɛ́ zang mãa koo gn kpang.

2 Timoti 2:19

A doo gãa ɓɔɔ Laa loo ɓɛɛ, shii ɓi katɔ katakata, zang zĩiti kpang. Zang bee vuu keɓe ka bii ɓiɓɛ nɛɛ, “Laa zi rɛɛ zang ɓɔɔ ri ɓarɛ ɓɔɔ ɓiɓɛ tɔ”. A “Zang ɓɔɔ nɛɛ kɔɔyi nɛɛ, wu ɓɔɔ Kpanti Laa, wu yaa gbalang vuu shi kpang ɓɔɔ wu palɛ katɔ.”

2 Timoti 2:22

Yaa vuu ɓɔɔ bii jasang kasɛ ɓɛɛ, mɔɔ kãa ɓaa gbalang ɓɔɔ mɔɔ nwang tɔ̃ɔ ka tĩng Laa ɓɛɛ, mɔɔ shing danggn ka bii Laa. Mɔ́ɔ kasɛ ruu zang ɓɔɔ ri dũng dòo Laa kɔ ɓɛɛ. Mɔ́ɔ nwang ka nyaa zɔɔ nɛɛ ri. Palɛ vuu keɓe nɔng gbete nɛɛ zang ɓɔɔ ri dũng Laa nɛɛ yeti gbete ɓɛɛ.

Yahudi 10:10

Laa kɔ kasɛ a zang shingnɛ ruu nwàng zang tɔ̃ɔ ka tĩng Laa. Ka ɓɔɔ Yeesɔ Kirisi, a Laa yuu ɓiɓɛ zang nyɔ wu vɔrɔ doo gbete kak ɓɛɛ.

Yahudi 13:12

Yeesɔ dang jĩng doo nɔngkɔ ka yuu knti gari, nɛɛ tɔ̀ɔ, wu sɔɔ zang vuu shi kpang ɓarɛ kati nɛɛ zĩi ɓiɓɛ.

Yahudi 2:11

Zang ɓɔɔ shingnɛ zang nwang zang tɔ̃ɔ, nɛɛ zang ɓɔɔ zang shing ri, ri nwàng zang tɔ̃ɔ piti, Daa ɓarɛ gbete. Ka ruu nɔngkɔ, yusɛ̃ɛ tuu Yeesɔ ka ɓɔɔ wu ɓaa ri nɛɛ rɛɛ ɓeezung ɓɛɛ kpang.

Yahuza 1:1

Labeenang keɓe nɛɛ bii mɛɛ Yahuza, zang shonang Yeesɔ Kirisi, ɓɔɔ ti jaa nàá Yakub ɓɛɛ. N bèé zang ɓɔɔ Laa ɓaa ri nyaa ɓɛɛ. Ɓɔɔ Laa ɓɔɔ wukɔ Daa, kasɛ ri katɔ, a Yeesɔ Kirisi ti gãng jĩng ka ri ɓɛɛ.

Vuu ɓɔɔ zang nwangsɛ Yɔhana 19:16

Ka fɔ̃ɔrɔ ɓiɓɛ, nɛɛ doo sãng ɓiɓɛ, zang bee nung ɓiɓɛ kagn nɛɛ, “Kpanti ɓɔɔ ka yuu rɛɛ kpanti nandon ɓɛɛ, kpanti roonang ɓiɓɛ ɓa ɓɔɔ kpanti piti.”