Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Bituru 3:15 - Nyaa Shɔɔ Ɓɔɔ Laa a Ɓɛɛ

15 Shing jĩng ɓaa ka ɓɔɔ mɔɔ a Yeesɔ Kirisi bannang kɔ jong gbete. Wu nwáng kpanti ɓaaɓɛ ka vuu piti. Nɔɔ kpalɛ bii manɛ katɔ diki diki, nɔ́ɔ kɔɔ zang ɓɔɔ ri hɛ̃ɛ nɔɔ vuu ɓɔɔ palɛ, nɔɔ shing danggn ka bii Yeesɔ Kirisi ɓɛɛ.

အခန်းကိုကြည့်ပါ။ ကော်ပီ




1 Bituru 3:15
34 ပူးပေါင်းရင်းမြစ်များ  

A Bulu kasɛ wu nyaa tɔɔ, “N m zang Yahudi, zang yi m ka gari Taasu ka tipi Silisiya. Zang zi gari ɓuru tɔ dɔɔli. Yàa m gbalang jong n ràng zang kɔ ri kpalɛ ɓee yee.”


Ɓɔɔ Bulu kɔɔ ruu ka yuu tɔ̃ɔ palɛnang nɛɛ naa ɓɔɔ zang yiti yuu zang waasɛ̃ ɓɛɛ, a ɓɔɔ ruu diki ɓɔɔ Laa naa jɛ̃ɛ zang ruu kagn ɓɛɛ. Filiku kaa vɔrɔ, a kɔɔ Bulu tɔɔ, “Dita gbongkarɛ, n nɛɛ walɛ diki tɔ, n ɓaa mɔɔ nyaa ditɔ tɔkn.”


Nɔɔ yi tĩng manɛ ka danggn ɓɔɔ nɔɔ shing ɓɛɛ. Vuu ɓɔɔ wu kɔsɔ nɔɔ ka vuu gn shinnang ɓɔɔ nɔɔ walɛ ka ɓɔɔ nɔɔ tãa Ruu Tɔ̃ɔ Laa ɓɛɛ kpang. Ka ruu Ruu Tɔ̃ɔ keɓe kɔ, n Bulu n raa zang shonang. Ruu Tɔ̃ɔ ɓɔɔ zang kɔɔ zang tɔ nandon ka koo ɓɛɛ.


Vuu ɓɔɔ Laa mang ka yeti ɓiɓɛ keɓe, kasɛ nɛɛ wu nwàngsɛ̀ zang ɓiɓɛ vuu ɓɔɔ bɛ̀ɛ́ wu waasɛ katɔ ka teteng zang ɓɔɔ ri zi wu kpang ɓɛɛ. Vuu ɓɔɔ wu waasɛ katɔ, ɓɔɔ bannang kagn, ɓɔɔ wu shìng zang piti ɓɛɛ. Vuu ɓɔɔ wu waasɛ katɔ keɓe kɔɔyi nɛɛ, “Kirisi kagn yeti manɛ, ruu zi ka wukɔ nɛɛ Laa naa a nɔɔ bannang ɓiɓɛ katɔ.”


Nɔɔ palɛ naa wee waati kpang, nɔɔ palɛ ka ruu gn ɓɔɔ nɔɔ shing ka yuu vuu ɓɔɔ zang shing nɔɔ ka lapa, nɔɔ tãa nyaa vuu keɓe tɔ ka ting nɛɛ bìí Ruu Tɔ̃ɔ Laa ɓɔɔ zang kɔ̀ɔrɔ̀ nɔɔ ɓɛɛ.


Yee manɛ wu nwang tɔ̃ɔ diki diki, nyaa manɛ wu tɛ̃ɛ tãa kɔ shɛ̃ɛning. Nɔ́ɔ ti zi naa ɓɔɔ nɔɔ kasɛ zang ɓu nyaa tɔ̃ɔ ɓɛɛ.


Tɔ̀ɔ, ri shing gn ka suru bii ɓɔɔ waa nyaa kpang, ɓɔɔ Laa ɓɔɔ suu sèé kpang a zang nyaa bɛ̀ɛ́ zang mãa koo gn kpang ɓɛɛ.


A Yeesɔ nwáng zang ɓɔɔ zang shing gn katɔ ka bii ɓiɓɛ ka Gãa Laa nandon, ka ruu ɓɔɔ, wu ɓi Jaa ɓɛɛ. Rukɔ Gãa keɓe, ruu nɛɛ yiti danggn ɓɔɔ ruu mãrɛ gbãng gbãng, nɛɛ gn ɓɔɔ ruu shingnɛ kɔ, ruu dɔɔ bii nɛɛ mani ɓee ɓɛɛ.


Ka ruu nɔngkɔ, ruu ɓa nɔɔ vuu tĩng shɔɔnang ɓɔɔ zang tusu ruu ka yuu Kirisi ɓɛɛ, ruu kpɛ̃ɛrɛ kaa vuu ɓɔɔ kpãa katɔ ɓɛɛ, tɔ̀ɔ, ruu zũng danggn kati. Ruu gàa nɔɔ yuu tusunang tɔkn nɛɛ, zang ri kɔ̃sɔ yeti, zang yaa vuu shi kpang palɛnang ɓɔɔ raa zang vɔrɔ, zang ri shing danggn ka bii Laa ɓɛɛ kpang.


Nɔɔ nɛɛ gàá Laa, nɔɔ ɓáa wu nɛɛ, “Daa” nɛɛ nɔngkɔ, nɔɔ kaa vɔrɔ ɓiɓɛ ka nwannang tɔ̃ɔ manɛ ka vuu piti ɓɔɔ nɔɔ palɛ, ka wee nɔɔ nwang zanti ka koo keɓe ɓee. Ka ruu ɓɔɔ, Laa ɓɔɔ wukɔ Daa manɛ, dɔ̀ng zang ruu ɓi gn dang gbete kpang, ka naa ɓɔɔ wu palɛ vuu ɓiɓɛ ɓɛɛ.


Ka ruu ɓɔɔ, varɛ manɛ ri zìlí nwannang tɔ̃ɔ manɛ, ri ti zìlí naa ɓɔɔ nɔɔ kaa vɔrɔ Laa ɓɛɛ.


Shinang manɛ wu tusu bii ka nwannang tɔ̃ɔ manɛ kɔ jong. Nwang kikiri mɔɔ tuu yuu ɓaaɓɛ kpang, zɔ̃ng shinang keɓe kɔ lasɛ ɓi kpang, ti nwǎng mɔɔ vuu tɔ̃ɔ katɔ ka tĩng Laa.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ