1 Bituru 3:11 - Nyaa Shɔɔ Ɓɔɔ Laa a Ɓɛɛ

¹¹ Wu yaa vuu shi kpang palɛnang, wu palɛ vuu ɓɔɔ daa bii katɔ ɓɛɛ. Wu kãa gbalang ɓɔɔ wu nwang nɛɛ zang ka nyaa zɔɔ ɓɛɛ, wu shing jĩng ka wukɔ shɛ̃ɛning.

1 Bituru 3:11 ပူးပေါင်းရင်းမြစ်များ

Matiyu 5:45

tɔ̀ɔ nɔɔ nwang wujɛ Daa manɛ ɓɔɔ ka lapa kati. Ka ruu ɓɔɔ Kpanti Laa shingnɛ laa ɓiɓɛ wu nwang ka yuu zang shi kpang nɛɛ zang tɔ̃ɔ piti ɓɛɛ. Ti a zang ɓɔɔ tɔ̃ɔ nɛɛ zang shi kpang mii lapa katɔ ɓɛɛ.

Matiyu 5:9

Tĩnang Tãanang ɓi ɓɔɔ zang ɓɔɔ ri kasɛ nɛɛ zang nwang ka nyaa zɔɔ ɓɛɛ. Zang naa ɓaa rikɔ nɛɛ wujɛ Laa.

Matiyu 6:13

Mɔɔ yaa Sheetang wu gãsɛ ruu nɛɛ vuu ɓɔɔ ɓa kaka ɓuru katɔ ɓɛɛ kpang. Ta ruu katɔ kɔ jong nɛɛ naa ɓiɓɛ.

Maraku 14:7

Zang ɓɔɔ vuu ka naa kpang nwalɛ nɛɛ nɔɔ diki diki. Diki ɓɔɔ nɔɔ kasɛ piti nɔɔ naa pàlɛ́ ri tɔ̃ɔ manɛ ditɔ, n nwáng m nɛɛ nɔɔ sasak kpang.

Luka 1:79

Wu yakɛ nɔng kati. Tɔ̀ɔ, zang ɓɔɔ ri nwang ka nɔng ɓɔɔ tɔ̀ɔ katɔ, nɛɛ zang ɓɔɔ ri nwang ka nɔng vɔrɔ ɓɔɔ tɔ̀ɔ katɔ, ri zi nɔng kati. Wukɔ naa tusu ruu gbalang ɓɔɔ ruu nwang nɛɛ Laa waasɛ̃ ɓɛɛ.”

Luka 6:35

Nɔɔ kasɛ ruu zang ɓɔɔ ri shing jĩng nɛɛ nɔɔ kpang katɔ. Nɔɔ palɛ ri tɔ̃ɔ. Nɔ́ɔ ti a zang vuu nyaa kɔ́pɔ́ nɛɛ zang wu naa sɔɔrɔ nɔɔ tɔkn kpang. Tɔ̀ɔ, nɔ́ɔ naa walɛ vuu ɓɔɔ Laa shing nɔɔ ɓɛɛ kati. Nɔ́ɔ ti naa nwáng wujɛ Kpanti Laa kati. Ka ruu ɓɔɔ, gn zang ɓɔɔ zãa wu kpang, nɛɛ zang ɓɔɔ yeti ɓarɛ shi kpang kɔng wu katɔ ɓɛɛ.

Luka 6:9

A Yeesɔ kɔɔ zang tɔɔ, “Ń hɛ̃ɛ nɔɔ karɛ, ‘Ruu Laa ɓɔɔ Musa beeyi, kasɛ katɔ nɛɛ ruu pàlɛ̀ zang tɔ̃ɔ ka Diki Ɔ̃sɔnang ya, kɔ nɛɛ ruu palɛ vuu shi kpang? Nɛɛ ruu masɛ zang ya, kɔ nɛɛ ruu nyɔ zang vɔrɔ katɔ kɔ jong?’ ”

Yɔhana 17:15

N gaa mɔɔ nɛɛ mɔɔ see ri katɔ, ri yaa koo kpang. N gaa mɔɔ nɛɛ mɔɔ yiti ri waasɛ̃. Mɔ́ɔ yaa sheetang, zang shi kpang, wu lee ri naa ka bii kpang.

Rooma 12:18

Palɛ vuu piti ɓɔɔ mɔɔ zunung katɔ ɓɛɛ, mɔɔ nwang ka nyaa zɔɔ nɛɛ zang piti.

Rooma 14:17

Ka ruu ɓɔɔ, vuu ɓɔɔ Laa kasɛ, wukɔ vuu shaanang nɛɛ vuu ɓoonang kpang. Laa kasɛ nɛɛ zang nwang zang tɔ̃ɔ ka tĩng ɓiɓɛ, ti kasɛ nɛɛ zang nwang ka nyaa zɔɔ nɛɛ wu, a zang ti tãa tĩnang ɓɔɔ Suru Laa shingnɛ ɓɛɛ.

Rooma 14:19

Ka ruu nɔngkɔ, diki diki, rúu shing jĩng ka vuu ɓɔɔ shingnɛ zang ri nwang ka nyaa zɔɔ ɓɛɛ. Ruu ti yì zɔɔ naa kagn, ruu shing danggn gbãng gbãng.

Rooma 5:1

Wee ruu nwang zang tɔ̃ɔ tɔ ka tĩng Laa, ka ruu danggn ɓɔɔ ruu shing ka bii ɓiɓɛ ɓɛɛ. Ruu nwàng kaa nyaa zɔɔ nɛɛ Laa ka ruu Kpanti ɓuru Yeesɔ Kirisi.

Rooma 7:19

N pálɛ̀ tɔ̃ɔ ɓɔɔ n kasɛ palɛnang kpang. N palɛ vuu shi kpang ɓɔɔ n kasɛ palɛnang kpang ɓɛɛ kɔ jong.

Rooma 7:21

Ka ruu nɔngkɔ, vuu ɓɔɔ n zi ka bii mɛɛ keɓe. Naa n kasɛ n tɔɔ n palɛ tɔ̃ɔ, n palɛ m vuu ɓɔɔ shi kpang kɔ gbete.

Rooma 8:6

Naa zang rɛ̃rɛ shi kpang, naa ɓɔɔ bii shɔnzang kasɛ ɓɛɛ kɔ shɛ̃ɛning, nwǎng zang ɓi vɔrɔ. Naa zang rɛ̃rɛ ka yuu vuu ɓɔɔ Suru Laa kasɛ, Laa shingnɛ zang walɛ suru bii ɓɔɔ waa nyaa kpang, a yeti zang ti valɛ katɔ.

Galati 5:22

A Suru Laa shing zang ɓiri, zang wu kasɛ zang, zang wu tãa tĩnang, yeti zang wu valɛ katɔ, zang wu mã danggn, zang wu palɛ zang tɔ̃ɔ, zang wu pàlɛ̀ vuu ɓɔɔ tɔ̃ɔ ɓɛɛ, zang wu nwang zang ɓɔɔ zang shing danggn katɔ bii ɓiɓɛ.

Galati 6:10

Ka ruu nɔngkɔ, diki diki naa ɓɔɔ ruu zunung katɔ ɓɛɛ, ruu pàlɛ̀ zang piti tɔ̃ɔ. Ruu pàlɛ̀ manzung ɓuru ɓɔɔ ri shing danggn tɔ ka bii Laa kɔ tɔ̃ɔ gbãng gbãng.

Kolosi 3:15

Yeti valɛnang ɓɔɔ Yeesɔ Kirisi a zang, wukɔ wu nwang ka yeti manɛ gbãng gbãng. Ka ruu ɓɔɔ, Laa ɓaa nɔɔ nyaa nɛɛ nɔɔ nwang bii gbete, tɔ̀ɔ, wu a nɔɔ yeti valabm keɓe kɔ ɓɛɛ. Nɔ́ɔ ti zãa wu katɔ.

1 Timoti 6:18

Kɔɔ ri nɛɛ ri palɛ vuu ɓɔɔ tɔ̃ɔ ɓɛɛ. Ri nwang zang ying nɛɛ vuu tɔ̃ɔ ɓɔɔ ri palɛ ɓɛɛ. Ri mung naa kpang, ri a zang vuu, ri basɛ vuu ɓarɛ katɔ nɛɛ zang ɓɔɔ ɓɔ̀ɔ́ ɓarɛ kagn kpang.

Yahudi 12:14

Kãa gbalang mɔɔ nwang ka nyaa zɔɔ nɛɛ zang piti, mɔɔ ti nwang zang ɓɔɔ shi kpang, ka bii ɓaaɓɛ kpang ɓɛɛ. Naa mɔɔ nwàng zang ɓɔɔ shi kpang, ka bii ɓaaɓɛ kpang ɓɛɛ kpang, mɔɔ zi Laa kpang.

Yahudi 13:16

Danggn wu ti ning nɔɔ tɔ̃ɔ palɛnang nɛɛ vuu basɛnang nɛɛ zɔɔ kpang, ka ruu ɓɔɔ, Laa tãa tĩnang zɔ̃ng vuu keɓe ɓa vuu ɓɔɔ ruu dɔ̀ɔ́ wu katɔ ɓɛɛ.

Yakubu 4:17

Ka ruu nɔngkɔ, zang ɓɔɔ nɛɛ zi vuu tɔ̃ɔ naa ɓɔɔ wu nɛɛ palɛ, a nɛɛ palɛ kpang, palɛ ɓi vuu shi kpang.

1 Bituru 3:12

Laa gãng jĩng ɓi ka zang ɓɔɔ ri palɛ vuu ɓɔɔ daa bii katɔ ɓɛɛ. Ti ɓáa shoo katɔ ka ɓɔɔ ri gaa wu ɓɛɛ. Bɛ̃ɛ zang ɓɔɔ ri palɛ vuu shi kpang ɓi katɔ”.

3 Yɔhana 1:11

Masang ɓɔɔ n kasɛ mɔɔ dɔɔli ɓɛɛ, mɔ́ɔ màsɛ̀ zang ɓɔɔ ri palɛ vuu shi kpang, kpang. Màsɛ̀ zang ɓɔɔ ri pálɛ̀ vuu tɔ̃ɔ ɓɛɛ, zang ɓɔɔ palɛ vuu tɔ̃ɔ, wukɔ zang Laa. Zang ɓɔɔ pálɛ̀ vuu shi kpang, zi Laa nung ɓi gn kpang.