1 Bituru 2:19 - Nyaa Shɔɔ Ɓɔɔ Laa a Ɓɛɛ

¹⁹ Zang ɓɔɔ nɛɛ mã danggn ka jĩng ɓɔɔ wu dang ɓɛɛ, ka ruu ɓɔɔ, wu zi tɔ nɛɛ Laa tãa tĩnang nwannang ɓɔɔ naa weɓe katɔ, naa nɛɛ dang jĩng ka ruu vuu shi kpang ɓɔɔ wu palɛ ɓɛɛ kpang, zang dɔ̀ɔ́ zang keɓe kɔ.

1 Bituru 2:19 ပူးပေါင်းရင်းမြစ်များ

Luka 6:32

“Naa nɔɔ kasɛ ruu zang ɓɔɔ ri kasɛ ruu manɛ kɔ shɛ̃ɛning, nɔɔ naa walɛ ɓu vi ka bii Kpanti Laa viya? Ka ruu ɓɔɔ, zang ɓɔɔ ri dũng Kpanti Laa kpang, ri kàsɛ́ ruu zang ɓɔɔ kasɛ ruu ɓarɛ katɔ ɓɛɛ.

Yɔhana 15:21

Ri palɛ nɔɔ vuu keɓe piti, ka ruu ɓɔɔ, nɔɔ zang mɛɛ ɓɛɛ. A ri ti zi zang ɓɔɔ shong m kpang ɓɛɛ.

Zang Shonang Yeesɔ 11:23

Ɓɔɔ daa shɛ̃ɛ nɔng, a zi naa ɓɔɔ Laa á ri tĩnang tãanang tɔ, tãa tĩnang jong. A mã ri danggn nɛɛ ri dũng Laa nɛɛ yeti ɓarɛ nandon.

Rooma 13:5

Ka ruu nɔngkɔ, ɓaa shoo ka nyaa rɛɛ zang bang. Wu ka ruu ɓɔɔ mɔɔ kaa vɔrɔ, Laa dang mɔɔ jĩng ɓɛɛ kɔ shɛ̃ɛning kpang. Ka ruu ɓɔɔ, mɔɔ zi tɔ ka yeti ɓaaɓɛ nɛɛ, mɔɔ nɛ̀ɛ́ pálɛ̀ nɔngkɔ ɓɛɛ.

1 Koranti 15:10

A gn mɛɛ naa kɔng Laa. Ka ruu tɔ̃ɔ ɓɔɔ wu palɛ zang, palɛ m tɔ̃ɔ, a shing m n raa zang ɓɔɔ nɔɔ zi m kãntang keɓe. Tɔ̃ɔ ɓɔɔ wu palɛ m, wu waati kpang. Nwáng vuu tɔ̃ɔ tɔ, ka ruu ɓɔɔ, n palɛ shonang nɛɛ kaka mɛɛ, n ɓa zang shonang ɓɔɔ nimbang nandon ɓɛɛ. N palɛ vuu keɓe wu nɛɛ yuu mɛɛ kpang, ɓi tɔ̃ɔ ɓiɓɛ ɓɔɔ ka bii mɛɛ palɛ.

2 Koranti 1:12

Vuu ɓɔɔ shingnɛ ruu tuu yuu ɓuru kagn gbete, rɛ̃rɛnang ɓuru kɔɔ ruu nɛɛ, nwannang ɓuru ka koo keɓe, nɛɛ vuu ɓɔɔ rùu palɛ nɛɛ nɔɔ, rùu palɛ niizang nɛɛ yeti gbete, naa ɓɔɔ Laa kasɛ ɓɛɛ. Ruu palɛ wu ka doo zũnang yuu ɓuru kpang, ruu palɛ nɛɛ naa vuu palɛnang tɔ̃ɔ ɓɔɔ Laa pàlɛ́ ruu ɓɛɛ.

2 Koranti 8:1

Manzung ɓuru ɓɔɔ ri dũng dòo Laa kɔ ɓɛɛ, ruu tɔɔ ruu kɔ̀ɔ́ nɔɔ ruu vuu tɔ̃ɔ ɓɔɔ Laa pàlɛ̀ zang ɓɔɔ ri dũng wu ka tipi Makidoniya ɓɛɛ.

2 Timoti 1:12

N dang jĩng ka ruu rɛɛ vuu keɓe kɔ. A n yaa gn naa m gn kpang tingkiring, ka ruu ɓɔɔ, n zi zang ɓɔɔ n shing danggn ka bii ɓiɓɛ tɔ ɓɛɛ. A n ti zi m tɔ nɛɛ, zunung ɓɔɔ wu yìtí m vuu ɓɔɔ wu a m ka naa tɔ, diki ɓɔɔ koo waa nyaa wu a nɛɛ mani.

Yahudi 10:2

Naa nɛ̀ɛ́ nɔngkɔ kpang, zang nɛɛ yaa vuu dɔɔnang tɔ, ka ruu ɓɔɔ zang ɓɔɔ ri a Laa bannang, ɓɔɔ zang kɔsɔ ri vuu shi kpang ɓarɛ, ri nɛɛ rɛ̃rɛ tɔ̀ɔ́ ka yuu shi kpang ɓarɛ kpang.

1 Bituru 2:20

Naa zang ɓɔɔ palɛ vuu shi kpang, a mã danggn ka ɓɔɔ zang nyɔ wu, ka ruu vuu shi kpang ɓɔɔ wu palɛ ɓɛɛ, zang dɔ̀ɔ́ wu katɔ ya? Zang pálɛ̀ wu ɓi vuu ɓɔɔ daa naa ɓɔɔ zang nɛɛ palɛ wukɔ nwani. Naa zang ɓɔɔ palɛ tɔ̃ɔ, a zang dang wu jĩng ka ruu tɔ̃ɔ ɓɔɔ wu palɛ, a mã danggn, zang keɓe daa naa ɓɔɔ Laa dɔ̀ɔ́ wu tɔ.

1 Bituru 4:15

Naa zang ɓɔɔ ka teteng manɛ dang jĩng ka ruu vuu shi kpang ɓɔɔ wu palɛ, naa nyɔ zang vɔrɔ, naa ɓɔɔ zang viri, naa zang ɓɔɔ kàsɛ́ nyaa ka ruu kɛɛm kɛɛm ɓɛɛ, zang dɔɔ zang ɓɔɔ dang jĩng ka ruu rɛɛ vuu keɓe katɔ ya? Zang gbete ka teteng manɛ wu dang jĩng ɓi nɔngkɔ kpang.