1 Yɔhana 3:21 - Nyaa Shɔɔ Ɓɔɔ Laa a Ɓɛɛ

²¹ Masang ɓɔɔ n kasɛ nɔɔ dɔɔli ɓɛɛ, naa rɛ̃rɛnang ɓuru tusu ruu nɛɛ, ruu pálɛ̀ vuu ɓɔɔ shi kpang, kpàng, rùu kaa vɔrɔ ka tĩng Laa kpang.

1 Yɔhana 3:21 ပူးပေါင်းရင်းမြစ်များ

Rooma 14:22

Vuu ɓɔɔ mɔɔ shing ka yeti ɓaaɓɛ, ka yuu vuu keɓe ɓi ka teteng ɓaaɓɛ nɛɛ Laa. Tĩnang tãanang ɓi ɓɔ̀ɔ́ zang ɓɔɔ zi tɔ, ka yeti ɓiɓɛ nɛɛ vuu ɓɔɔ wu pálɛ̀ ɓi tɔ̃ɔ ɓɛɛ.

1 Koranti 4:4

Niizang, n zi vuu ɓɔɔ jĩng kpantɛ m, n palɛ ɓɛɛ kpang. Ɓi ti nkɔ dɔ̌ng yuu mɛɛ ruu nɛɛ zang yaa m tɔ kpang. Ɓi Laa dɔ̌ng m ruu ɓiri.

2 Koranti 1:12

Vuu ɓɔɔ shingnɛ ruu tuu yuu ɓuru kagn gbete, rɛ̃rɛnang ɓuru kɔɔ ruu nɛɛ, nwannang ɓuru ka koo keɓe, nɛɛ vuu ɓɔɔ rùu palɛ nɛɛ nɔɔ, rùu palɛ niizang nɛɛ yeti gbete, naa ɓɔɔ Laa kasɛ ɓɛɛ. Ruu palɛ wu ka doo zũnang yuu ɓuru kpang, ruu palɛ nɛɛ naa vuu palɛnang tɔ̃ɔ ɓɔɔ Laa pàlɛ́ ruu ɓɛɛ.

Afisa 3:12

Ka yuu ɓɔɔ ruu ɓakɛ nɛɛ wu, a ɓɔɔ danggn ɓɔɔ ruu shing ka bii ɓiɓɛ, ruu daa katɔ ka tĩng Laa, bii zaa ruu kpang. Zang ɓɔɔ ti zãa ruu kpang.

1 Timoti 2:8

N kasɛ zang varɛ, ri nɛɛ gaa Laa ka nɔng piti ɓɔɔ zang kpalɛ yuu zang gaa Laa ɓɛɛ, ri tuu naa ɓarɛ ka lapa. Yeti ɓarɛ wu lasɛ katɔ kpang, ri ti pálɛ̀ naa ri laa nyaa nɛɛ zɔɔ kpang.

Yahudi 10:22

Rúu a nɔɔ ta, ka bii Laa nɛɛ yeti tɔ̃ɔ. Ruu yaa gn naa kpang, ka ruu ɓɔɔ, Kirisi sɔɔ yeti ɓuru tɔ kalang kalang, rɛ̃rɛnang shi kpang kagn kpang. A zang ti sɔɔ ruu bii katɔ nɛɛ mii ɓɔɔ kalang kalang ɓɛɛ.

Yahudi 4:16

Ka ruu nɔngkɔ, rúu a ka bii Laa, ruu yaa gn naa kpang. Laa ɓɔɔ palɛ zang tɔ̃ɔ waati ɓɛɛ. Tɔ̀ɔ, gn ɓuru wu kɔng wu, wu ti palɛ ruu tɔ̃ɔ ɓɔɔ yi ruu naa ka bii, ka diki ɓɔɔ ruu kasɛ nɛɛ wu yi ruu naa ka bii ɓɛɛ.

1 Yɔhana 2:28

Wujɛ seseere, nɔɔ nwang nɛɛ wu, ka ruu ɓɔɔ nɛɛ nwang nyaa tɔ, ruu naa kaa vɔrɔ kpang ɓɛɛ. Yusɛ̃ɛ ti naa tuu ruu ka tĩng ɓiɓɛ, ka diki ɓɔɔ wu gbãayu ɓɛɛ kpang.

1 Yɔhana 2:7

Masang ɓɔɔ n kasɛ nɔɔ katɔ dɔɔli ɓɛɛ, nyaa ɓɔɔ Laa dangnɛ kɔ n bèé nɔɔ ɓee, wu ɓɔɔ shɔɔ kpang. Ɓi dòo ɓɔɔ gbaala ɓɔɔ nɔɔ tãa ka diki ɓɔɔ nɔɔ gaayu Ruu Laa tãanang ɓɛɛ.

1 Yɔhana 3:2

Rɛɛ masang ɓɔɔ n kasɛ nɔɔ dɔɔli ɓɛɛ, ruu kaa wujɛ Laa. Naa ɓɔɔ ruu naa nwangnɛ, ruu zi gn kpang. Ruu zi tɔ nɛɛ, naa Yeesɔ nwang nyaa, ruu naa nwang kaa naa wukɔ doori. Ka ruu ɓɔɔ, ruu naa zi wu ka naa ɓɔɔ wu nwang ɓɛɛ.

1 Yɔhana 3:20

Ka ruu nɔngkɔ, naa rɛ̃rɛnang ɓuru tusu ruu nɛɛ ruu palɛ vuu shi kpang, Laa ɓɔɔ ɓa rɛ̃rɛnang ɓuru katɔ, zi vuu piti ɓi tɔ.

1 Yɔhana 4:17

Ruu nɛɛ nwàng naa weɓe, rúu zang kasɛnang Laa kagn yeti ɓuru niizang. Ka ruu nɔngkɔ, rùu naa kaa vɔrɔ ka diki ɓɔɔ Laa naa jɛ̃ɛ zang koo keɓe ruu ɓɛɛ kpang. Ka ruu ɓɔɔ, nwannang ɓuru ka koo keɓe nwàng naa nwannang Kirisi.

1 Yɔhana 5:14

Ruu shing danggn ka Laa gaanang ɓɔɔ ruu gaayi, ka ruu ɓɔɔ, naa ruu gàa vuu ka gbalang ɓɔɔ wu kasɛ, a ruu katɔ ɓɛɛ.