1 Yɔhana 3:15 - Nyaa Shɔɔ Ɓɔɔ Laa a Ɓɛɛ

¹⁵ Zang ɓɔɔ kasɛ ruu ɓeezung kpang, wukɔ zang ɓɔɔ nyɔ zang vɔrɔ ɓɛɛ. Nɔɔ ti zi tɔ nɛɛ, suru bii ɓɔɔ waa nyaa kpang, ɓi kagn bii zang ɓɔɔ nyɔ zang vɔrɔ ɓɛɛ kpang.

1 Yɔhana 3:15 ပူးပေါင်းရင်းမြစ်များ

Matiyu 5:28

A kãntang keɓe n kɔ̀ɔ́ nɔɔ, zang ɓɔɔ nɛɛ zi zang soro, a suru bii daa wu nɛɛ wu, ɓang bii ɓi tɔ nɛɛ wu ka yeti ɓiɓɛ.

Maraku 6:19

Hirodiya mang Yɔhana ɓɔɔ pàlɛ́ zang batizima ka yeti, kasɛ nɛɛ wu nyɔ wu vɔrɔ katɔ, a walɛ gbalang kpang.

Yɔhana 4:14

Zang piti ɓɔɔ ɓoo mii ɓɔɔ n a wu, sutu mãa wu takpang, ka ruu ɓɔɔ, mii ɓɔɔ n a wu, nwàng kaa naa sɔlɔng mii ka yeti ɓiɓɛ ɓɛɛ. Sɔlɔng mii ɓɔɔ nwangsɛ mii ɓɔɔ á wu suru bii ɓɔɔ waa nyaa kpang ɓɛɛ.”

Yɔhana 8:44

Nɔɔ manɛ wujɛ daa manɛ sheetang, a nɔɔ ti kasɛ manɛ nɛɛ nɔ́ɔ palɛ vuu ɓɔɔ daa manɛ kasɛ ɓɛɛ. Daa manɛ nyɔ̀kɔ̀ zang vɔrɔ ɓi doo ka tĩng. Ruu ɓiɓɛ hãa ɓi kagn nɛɛ ruu ɓɔɔ niizang kpang. Ka ruu ɓɔɔ, niizang ɓi kagn yeti ɓiɓɛ kpang ɓɛɛ. Náa suu sèé, palɛ ɓi vuu ɓɔɔ ka yeti ɓiɓɛ kɔ nwani, ka ruu ɓɔɔ ɓi zang sèé, a sèé ti nwàng ɓi nɛɛ bìí ɓiɓɛ kɔ nwani ɓɛɛ.

Zang Shonang Yeesɔ 23:12

Ɓɔɔ nɔng naa gãntɛ zang Yahudi ri tɔ̀ng zɔɔ, a ri tũng zɔɔ vuu nɛɛ naa ri nyɔ Bulu vɔrɔ gn kpang, ri shaa vuu shaanang kpang, ri ti ɓoo mii kpang.

Zang Shonang Yeesɔ 23:14

A ri daa ka bìí rɛɛ zang bang bang zang ɓɔɔ ri dɔɔ vuu ka Gãa Laa nɛɛ rɛɛ zang bang bang zang Yahudi, ri kɔɔ ri tɔɔ, “Ruu tũng zɔɔ vuu tɔ gbãng gbãng nɛɛ ruu nɛɛ nyɔ Bulu vɔrɔ gn kpang, nyaa ɓuru lèe vuu shaanang kpang.

Yakubu 1:15

Rɛ̃rɛnang keɓe nɛɛ ɓaa mɔɔ saara tɔ ka yeti, wu shing mɔɔ, mɔɔ palɛ vuu shi kpang. Vuu shi kpang nɛɛ nwang vuu bii ɓaaɓɛ tɔ, wu nwàng mɔɔ vɔrɔ kati.

1 Bituru 1:23

Nɔɔ zi tɔ nɛɛ Laa yi nɔɔ tɔ shɔɔ tɔkn, nɛɛ bii ruu ɓiɓɛ ɓɔɔ a zang suru bii ɓɛɛ. Ruu ɓiɓɛ keɓe shing zang katɔ, zang palɛ vuu wu nwang ɓi dòndòng. Ɓi shɔnzang ɓɔɔ vɔ katɔ kɔ yi nɔɔ kpang, ɓi Laa ɓɔɔ vɔ ɓi jong kpang kɔ a nɔɔ suru bii keɓe nɛɛ yuu ɓiɓɛ.

1 Yɔhana 2:11

Zang ɓɔɔ kasɛ ruu ɓeezung kpàng, nwàng ɓi doo ka nɔng ɓɔɔ tɔ̀ɔ katɔ ɓɛɛ. Ra ɓi ka nɔng ɓɔɔ tɔ̀ɔ katɔ ɓɛɛ. Zi nɔng ɓɔɔ wu daa ɓi kpang, ka ruu ɓɔɔ, nɔng ɓɔɔ tɔ̀ɔ katɔ, tɔ̀ɔ wu jĩng katɔ ɓɛɛ.

1 Yɔhana 2:9

Zang ɓɔɔ tɔɔ wu ka nɔng yakɛnang, a kasɛ ruu ɓeezung kpang, ɓi dòo ka nɔng ɓɔɔ tɔ̀ɔ katɔ ɓɛɛ.

Vuu ɓɔɔ zang nwangsɛ Yɔhana 21:8

A ɓɔɔ zang ɓɔɔ ri kaa vɔrɔ, nɛɛ zang ɓɔɔ ri shing danggn ka bii Laa kpang ɓɛɛ, nɛɛ zang ɓɔɔ shi kpang kagn bii ɓarɛ ɓɛɛ, nɛɛ zang ɓɔɔ ri nyɔ zang vɔrɔ ɓɛɛ, nɛɛ zang ɓɔɔ ri palɛ dũndũng, nɛɛ zang ɓɔɔ ri shaa nvaa, nɛɛ zang ɓɔɔ ri bang vaka, nɛɛ zang sèé nandon, zang naa tasɛ ri ɓarɛ ka too waa, ɓɔɔ tari ɓɔɔ ri shaa waa katɔ kagn ɓɛɛ. Wee kɔ vɔrɔ ɓɔɔ zang vɔrɛ daa kaa doo ziti ɓɛɛ kɔ.”