1 Yɔhana 2:28 - Nyaa Shɔɔ Ɓɔɔ Laa a Ɓɛɛ

²⁸ Wujɛ seseere, nɔɔ nwang nɛɛ wu, ka ruu ɓɔɔ nɛɛ nwang nyaa tɔ, ruu naa kaa vɔrɔ kpang ɓɛɛ. Yusɛ̃ɛ ti naa tuu ruu ka tĩng ɓiɓɛ, ka diki ɓɔɔ wu gbãayu ɓɛɛ kpang.

1 Yɔhana 2:28 ပူးပေါင်းရင်းမြစ်များ

Matiyu 16:27

Jaa Shɔnzang naa a ditɔ nɛɛ bannang diiɓɛ, nɛɛ zang nyaa shonang ɓiɓɛ ɓɔɔ ka lapa ɓɛɛ. Tɔ̀ɔ, wu naa alɛ zang vuu, ka naa vuu ɓɔɔ ri palɛ ɓɛɛ.

Matiyu 16:28

N kɔɔ nɔɔ ruu ɓɔɔ niizang kɔ nwani, zang dɔɔli ka teteng zang keɓe, ri vɔ kpang. Ri zi naa ɓɔɔ Jaa Shɔnzang naa a ka yeti bannang kpanti roonang ɓiɓɛ ka gbongkarɛ.”

Maraku 8:38

Shɔnzang piti ɓɔɔ yusɛ̃ɛ mɛɛ nɛɛ ɓɔɔ Ruu mɛɛ, nɛɛ tuuru wu ka tĩng zang shi kpang kɔ ri palɛ vuu shi kpang ɓee. Jaa Shɔnzang naa tuuru yusɛ̃ɛ ɓiɓɛ doo nɔngkɔ, ka diki ɓɔɔ wu naa a nɛɛ bannang ɓɔɔ Daa ɓiɓɛ a wu ɓɛɛ. Ti naa a nɛɛ rɛɛ zang nyaa shonang Laa ɓɔɔ ka lapa ning ɓɛɛ.”

Luka 17:30

Naa nwáng doo nɔngkɔ, ka diki ɓɔɔ Jaa Shɔnzang nwang nyaa ɓɛɛ.

Rooma 9:33

Zang bee ka yeti labeenang Laa nɛɛ, “Nɔɔ ɓaa shoo, ǹ shing tari ka Siyona, ɓɔɔ zang kpaa doo kagn ɓɛɛ. Tari bang ɓɔɔ shíng zang, zang watɛ ɓɛɛ. Zang piti ɓɔɔ nɛɛ shing danggn ka bii ɓiɓɛ yusɛ̃ɛ tuu wu kpang.”

1 Koranti 1:7

Ka ruu nɔngkɔ, vuu ɓɔɔ yàa nɔɔ tɔ̀ɔ́ kagn ka vuu ɓɔɔ Laa a zang kpang. Ka wee nɔɔ gã diki ɓɔɔ Kpanti ɓuru Yeesɔ Kirisi naa nwàngsɛ́ ruu yuu ɓiɓɛ tɔkn ɓee.

1 Koranti 15:23

Vuu keɓe piti ri palɛ ka laa ɓarɛ. Kirisi kɔ yupaa shɔɔnang nɛɛ sàa. Ka diki ɓɔɔ wu naa gbã́ayu ka koo keɓe, Laa naa wisi zang ɓɔɔ ri ɓarɛ ɓɔ̀ɔ́ Kirisi paa ditɔ nandon.

Afisa 3:12

Ka yuu ɓɔɔ ruu ɓakɛ nɛɛ wu, a ɓɔɔ danggn ɓɔɔ ruu shing ka bii ɓiɓɛ, ruu daa katɔ ka tĩng Laa, bii zaa ruu kpang. Zang ɓɔɔ ti zãa ruu kpang.

Kolosi 3:4

Suru bii manɛ ɓɔɔ niizang ɓi Yeesɔ Kirisi. Nɛɛ nwang nyaa tɔ, nɔɔ naa nwang nyaa jong nɛɛ wu, nɔɔ walɛ bannang kaa jong.

1 Tesalonika 2:19

Ruu kasɛ nɛɛ ruu naa leng nɔɔ, ka ruu ɓɔɔ, nɔkɔ zang ɓɔɔ ruu shing gn ka bii ɓarɛ ɓɛɛ. Ka ruu ɓɔɔ, ka diki ɓɔɔ kpanti ɓuru Yeesɔ Kirisi a tɔkn, nɔkɔ shing ruu, rùu rangkɛ yee bang bang ka yuu ɓuru, ruu ti tãa tĩnang ka tĩng ɓiɓɛ ɓɛɛ.

1 Tesalonika 3:13

Laa wu shingnɛ nɔɔ shii gbãng gbãng, tɔ̀ɔ, zang ɓɔɔ wu tɔɔ kaa takpang nɛɛ nɔɔ palɛ vuu shi kpang tɔ kpang, ka tĩng Laa ɓɔɔ wukɔ Daa ɓuru ɓɛɛ, ka diki ɓɔɔ Kpanti ɓuru Yeesɔ naa a nɛɛ zang ɓiɓɛ ɓɛɛ.

1 Tesalonika 5:23

Laa ɓɔɔ shing zang, zang ri nwang ka nyaa zɔɔ, wu palɛ nɔɔ, nɔɔ nwang zang tɔ̃ɔ dɔ̃ɔ gbete. Wu shingnɛ zang ɓɔɔ wu tɔɔ kpang nɛɛ nɔɔ palɛ vuu shi kpang tɔ kpang, ka diki ɓɔɔ Kpanti Yeesɔ Kirisi a kagn ɓɛɛ.

1 Timoti 6:14

dũng nyaa ɓɔɔ zang dang mɔɔ ɓɛɛ nandon, tɔ̀ɔ, zang ɓɔɔ wu kɔɔ kaa tɔ̀ɔ́ nɛɛ mɔɔ pálɛ́ vuu shi kpang tɔ kpang, diki ɓɔɔ Yeesɔ Kirisi nwang nyaa kagn wu a nɛɛ mani.

2 Timoti 4:8

Kãntang keɓe, Laa shing vuu ɓɔɔ wu a m ɓɛɛ tɔ, vuu ɓɔɔ wu a zang ɓɔɔ palɛ vuu ɓɔɔ wu kasɛ ɓɛɛ. Kpanti Yeesɔ Kirisi ɓɔɔ jɛ̃ɛ zang ruu ɓi tɔ̃ɔ, naa a m vuu keɓe ka diki ɓɔɔ wu jɛ̃ɛ zang ruu kagn ɓɛɛ. A nkɔ ka bm kpang, a zang piti ɓɔɔ ri kasɛ wu, ri gãng jĩng diki ɓɔɔ wu gbãayu kagn ɓɛɛ.

Titu 2:13

Ka wee ruu nwangnɛ, ruu gã diki tĩnang tãanang ɓɔɔ ruu shing gn nɛɛ naa a ɓɛɛ. Diki ɓɔɔ bannang Laa ɓuru Yeesɔ Kirisi ɓɔɔ wukɔ ɓa zang piti, ɓɔɔ wukɔ ti ta yuu ɓuru naa nwangsɛ bii ɓɛɛ.

Yahudi 9:28

Kirisi dòo nɔngkɔ, á zang yuu ɓiɓɛ nɛɛ zang nyɔ wu vɔrɔ doo gbete kak, nɛɛ tɔ̀ɔ, wu kɔsɔ zang dɔɔli vuu shi kpang ɓarɛ kati. Nwang nyaa ditɔ tɔkn, daa kaa doo ziti. Wu ka ruu ɓɔɔ wu naa kɔsɔ zang vuu shi kpang ɓarɛ kpang, nɛɛ tɔɔ wu ta ɓi kaa yuu zang ɓɔɔ ri gã wu ɓɛɛ.

1 Bituru 1:7

Vuu gãsɛnang alɛ ka bii manɛ, tɔ̀ɔ, zang ri zi kati nɛɛ danggn ɓɔɔ nɔɔ shing ka bii Laa ɓi ɓɔɔ niizang kɔ nwani. Zinariya ɓɔɔ lasɛ katɔ ɓɛɛ, zang dɔɔ ka waa, tɔ̀ɔ, zang zirɛ nɛ́ɛ ɓɔɔ tɔ̃ɔ ɓɛɛ. Zang palɛ danggn shinnang manɛ ɓɔɔ ɓa zinariya shinang katɔ doo nɔngkɔ. Zang gãsɛ danggn ɓɔɔ nɔɔ shing ka bii Laa kãntang keɓe, ka ruu ɓɔɔ, ka diki ɓɔɔ Yeesɔ Kirisi naa nwang nyaa, zang wu dɔɔ nɔɔ, zang ti a nɔɔ bannang ka ruu danggn ɓɔɔ nɔɔ shing ɓɛɛ.

1 Bituru 5:4

Naa nɔɔ palɛ nɔngkɔ, ka diki ɓɔɔ Yeesɔ Kirisi ɓɔɔ wukɔ kpanti jagãng tusu yuu ɓiɓɛ nɛɛ tɔ̀ɔ, zang piti ri zi wu nɛɛ jĩng, naa a nɔɔ bannang. Zang kãng nɔɔ lapoo yuu kpanti ɓɔɔ kɔlɔ katɔ ɓɛɛ ka yuu. Kɔlɔnang lapoo keɓe tù ɓi kpang dòndòng.

1 Yɔhana 2:1

Wujɛ mɛɛ, n bèé nɔɔ ruu keɓe, ka ruu ɓɔɔ, nɔɔ nɛ̀ɛ́ pàlɛ́ vuu shi kpang ɓɛɛ. Zang ɓɔɔ nɛɛ palɛ vuu shi kpang, wu zirɛ nɛɛ, zang ɓɔɔ rang ruu yee nɛɛ Daa ɓuru Laa kagn. Wukɔ Yeesɔ Kirisi ɓɔɔ zang tɔ̃ɔ ɓɛɛ.

1 Yɔhana 3:2

Rɛɛ masang ɓɔɔ n kasɛ nɔɔ dɔɔli ɓɛɛ, ruu kaa wujɛ Laa. Naa ɓɔɔ ruu naa nwangnɛ, ruu zi gn kpang. Ruu zi tɔ nɛɛ, naa Yeesɔ nwang nyaa, ruu naa nwang kaa naa wukɔ doori. Ka ruu ɓɔɔ, ruu naa zi wu ka naa ɓɔɔ wu nwang ɓɛɛ.

1 Yɔhana 3:21

Masang ɓɔɔ n kasɛ nɔɔ dɔɔli ɓɛɛ, naa rɛ̃rɛnang ɓuru tusu ruu nɛɛ, ruu pálɛ̀ vuu ɓɔɔ shi kpang, kpàng, rùu kaa vɔrɔ ka tĩng Laa kpang.

1 Yɔhana 4:17

Ruu nɛɛ nwàng naa weɓe, rúu zang kasɛnang Laa kagn yeti ɓuru niizang. Ka ruu nɔngkɔ, rùu naa kaa vɔrɔ ka diki ɓɔɔ Laa naa jɛ̃ɛ zang koo keɓe ruu ɓɛɛ kpang. Ka ruu ɓɔɔ, nwannang ɓuru ka koo keɓe nwàng naa nwannang Kirisi.

1 Yɔhana 5:14

Ruu shing danggn ka Laa gaanang ɓɔɔ ruu gaayi, ka ruu ɓɔɔ, naa ruu gàa vuu ka gbalang ɓɔɔ wu kasɛ, a ruu katɔ ɓɛɛ.

Vuu ɓɔɔ zang nwangsɛ Yɔhana 1:7

Nɔɔ zirɛ, náa a ka yeti sãmbong, zang piti ri naa zi wu jĩng ka bii. Zang ɓɔɔ ri shu wu nɛɛ shalang, ri ti naa zi wu jong. Zang tipi koolaa keɓe nandon, ri naa káa ka ruu ɓiɓɛ. Vuu keɓe naa nwáng ditɔ nɔngkɔ niizang. Nɔngkɔ.