1 Yɔhana 2:15 - Nyaa Shɔɔ Ɓɔɔ Laa a Ɓɛɛ

¹⁵ Nɔɔ kasɛ koolaa keɓe kpang. Nɔɔ ti kasɛ vuu ɓɔɔ ka yeti ɓiɓɛ kpang. Zang ɓɔɔ kasɛ ruu koolaa keɓe piti, kasɛ Daa ka yeti ɓiɓɛ kpang.

1 Yɔhana 2:15 ပူးပေါင်းရင်းမြစ်များ

Matiyu 4:8

A Sheetang tuu wu tɔkn daa nɛɛ wu ka yuu kɔpɔ ɓɔɔ beebang ɓɛɛ, a tusu wu koolaa ɓɔɔ ka bm bm nandon, nɛɛ vuu tɔ̃ɔ ɓɔɔ kagn piti.

Matiyu 6:24

“Zang gbete pàlɛ̀ zang ziti shonang ka laa gbete kpang, ka ruu ɓɔɔ, kasɛ ruu zang gbete wu bɛ̃ɛ ɓɔɔ gbete. Ɓaa shoo ka nyaa ɓɔɔ gbete wu risi ɓɔɔ gbete naa vuu ɓɔɔ kpang ɓɛɛ. Ka ruu nɔngkɔ, zang wu ɓakɛ Laa dũnnang ɓi nɛɛ vuu naa kãanang kpang.

Luka 16:13

“Zang shonang ɓɔɔgn shǒng zang gãa ziti kpang. Kàsɛ́ ruu zang gbete, wu yaa ɓɔɔ gbete. Wu ti shing jĩng ka ɓɔɔ gbete, wu yaa ɓɔɔ gbete. Zang ɓakɛ Laa dũnnang ɓi nɛɛ vuu koo keɓe kãanang kpang.”

Yɔhana 15:19

Naa nɔɔ nɛ̀ɛ́ zang ɓɔɔ ri zi Laa kpang, ri nɛɛ kàsɛ́ nɔɔ katɔ. N shɛ̃ɛrɛ nɔɔ nɛɛ koo keɓe kɔ, nɔɔ manɛ tɔ̀ɔ́ zang ɓarɛ kpang, ka ruu nɔngkɔ, ri kasɛ nɔɔ kpang.

Rooma 12:2

Nɔ́ɔ yi tĩng nɛɛ vuu ɓɔɔ zang koo keɓe kasɛ palɛnang ɓɛɛ kpang. Nɔɔ yaa Laa wu kɔ̃sɔ nɔɔ yeti manɛ, wu a nɔɔ rɛ̃rɛnang ɓɔɔ shɔɔ. Tɔ̀ɔ, nɔ́ɔ zi vuu ɓɔɔ Laa kasɛ ɓɛɛ kati. Vuu ɓɔɔ tɔ̃ɔ, a ti shing wu tãa tĩnang, nɛɛ vuu ɓɔɔ daa naa katɔ ɓɛɛ.

Galati 1:10

Ruu keɓe nwang naa ɓɔɔ n kãayi nɛɛ nyaating mɛɛ wu puu ka bii shɔnzang ya? Kpang, n kasɛ nyaating mɛɛ wu puu ka bii Laa. N kasɛ nɛɛ tɔ zang piti ri zi m nung ya? Naa n nɛɛ palɛ nɔngkɔ, n nɛɛ tɔ̀ɔ́ zang ɓɔɔ palɛ Kirisi shonang kpang.

Afisa 2:2

Ka laa kaɓa, nɔɔ nwang manɛ nwannang keɓe kɔ, nɔɔ dũlu manɛ gbalang vuu shi kpang ɓɔ̀ɔ́ koo keɓe. Nɔɔ ɓaa shoo manɛ ka nyaa kpanti rɛɛ suru shi kpang. Suru keɓe kɔ ka yeti zang ɓɔɔ ri dũng nyaa ɓɔɔ Laa dang ɓɛɛ kpang ɓɛɛ.

1 Timoti 6:10

Kasɛnang saka wukɔ dĩiri vuu shi kpang nandon. Zang ɓɔɔ ri làabìi walɛnang, ri yaa gbalang danggn ɓɔɔ ri shing ka bii Laa tɔ. A ri atɛ yuu ɓarɛ yeti lasɛnang ɓɔɔ kɔ̀ng dɔɔli tɔ.

Yakubu 1:27

Laa dũnnang ɓɔɔ Daa ɓuru Laa zirɛ nɛɛ wukɔ kalang kalang, a ti tɔ̃ɔ ka jĩng ɓiɓɛ keɓe, nɛɛ zang lengke jĩng ka rɛɛ javɔ, nɛɛ rɛɛ suvɔ ɓɔɔ ri dang jĩng ɓɛɛ. Zang wu lee naa ka vuu shi kpang ɓɔɔ ka koo keɓe kpang.

Yakubu 4:4

Nɔɔ zi kpang nɛɛ naa nɔɔ yi wusang nɛɛ vuu koo keɓe nɔɔ nwang naa zang ɓɔɔ palɛ dũndũng ɓɛɛ kpang ya? Zang keɓe nwang ɓi kaa zang ɓɔɔ gaa nyaa nɛɛ Laa ɓɛɛ. Ka ruu nɔngkɔ, zang ɓɔɔ nɛɛ kasɛ ruu koo keɓe risi yuu ɓiɓɛ kaa zang ɓɔɔ gaa nyaa nɛɛ Laa ɓɛɛ.

1 Yɔhana 3:17

Naa zang ɓɔɔ vuu naa ɓiɓɛ dɔɔli, zi ɓeezung ɓɔɔ dang jĩng, a raa wu yuu knti, ruu zang kasɛnang ɓɔɔ Laa a shɔnzang, kagn yeti ɓiɓɛ ya?

1 Yɔhana 4:5

Ri ɓarɛ zang koo keɓe, ka ruu nɔngkɔ, ri rang yee naa zang koolaa keɓe. Zang koo keɓe, ri ɓaa shoo katɔ ka nyaa ɓarɛ.

1 Yɔhana 5:10

Ka ruu nɔngkɔ, zang ɓɔɔ shing danggn ka bii Jaa Laa, zi katɔ ka yeti ɓiɓɛ nɛɛ ruu keɓe ɓi niizang. Zang ɓɔɔ ta vuu ɓɔɔ Laa kɔɔ kpang, ɓaa Laa sèé tɔ. Ka ruu ɓɔɔ, kasɛ vuu ɓɔɔ Laa kɔɔ ka yuu Jaa ɓiɓɛ kpang ɓɛɛ.