Tito 3:12 - Mixtec Jamiltepec

¹² Cutachi chi ra Artemas, o chi ra Tíquico nu nyaún. Quɨvɨ chaa ra, ndu̱cu cuhva ta cu̱hun ñuu Nicópolis vatyi cuñihi tahan yo yucuan. Vatyi tyaí cuhva cuyahi yoo vichin yucuan.

Tito 3:12 ပူးပေါင်းရင်းမြစ်များ

Hechos 20:4

Ta cuaha̱n ra Sópater, ra ñuu Berea chihin ra. Ta cuaha̱n ra Aristarco ta ra Segundo, ta uvi tahan ra ihya, Tesalónica cuví ñuu ra. Ta cuaha̱n ra Gayo, noo ra ñuu Derbe, ta ra Timoteo, ta uvi tahan ra ityi Asia, ra Tíquico ta ra Trófimo.

1 Corintios 16:6

Ta tatu chahá chi cuhva cundoi chihin ndo nyacua nya yahá yoo vichin. Tyicuan ta cuví tyinyeé ndo chiin chii ta cuhin inga ñuu.

Efesios 6:21

Ta ra Tíquico yañi yo, cunacatyi ra tandɨhɨ tuhin chi ndo. Maa ra nɨɨ iñi ra sahá tyiño ra cuenda Sutu Mañi yo. Ta cuñi xaan yo chi ra.

Colosenses 4:7

Ra Tíquico, yañi yo, ra sahá tyiño tyiño Sutu Mañi yo chihin, maa ra cunacatyi ra chi ndo yoso caa cuahán nyaí.

2 Timoteo 4:12

Tachi̱ chi ra Tíquico ñuu Éfeso.

2 Timoteo 4:21

Sa̱nɨñun ta qui̱chun cha nɨ cumañi ca chaa yoo vichin. Vachi nocumi chuun sahá ra Eubulo ta ra Pudente ta ra Lino ta cu Claudia ta tandɨhɨ ca ñáyɨvɨ tahan yo cuenda Nyoo ihya.

2 Timoteo 4:9

Sa̱nɨñɨ ta qui̱chun cha numi ri, qui̱chi nyehun nu nyai.