Romanos 7:2 - Mixtec Jamiltepec

^2-3 Ta cuñun, noo ñaha tandaha, catyí ley vatyi coo ña chihin yɨɨ ña nyacua nya cúvi ra. Ta tatu iyó ña chihin inga rayɨɨ cha nɨ ri cha iyó yɨɨ ña, chicoo̱ cuatyi ña nuu Nyoo. Soco tatu cha yaha̱ chihi yɨɨ ña, ña nyacá ñaha ca ley cuenda ñu tandaha chi ña, ta cuví tandaha ña chihin inga ra, ta ma coo cuatyi ña nuu Nyoo.

Romanos 7:2 ပူးပေါင်းရင်းမြစ်များ

Romanos 7:6

Soco vityin ña nyacá ñaha ca ley chahnu cuan chi yo, vatyi cha yaha̱ chihi cha quiñi caa yo chihin ra Cristo. Ta vityin cuví sacuvi yo tyiño nuu Nyoo vatyi iyó yo ñayɨvɨ̱ chaa cha chahá Tatyi Ii Nyoo chi yo, ta ña sacuví ca yo tari sacuvi̱ yo quɨvɨ nyico̱n xaan yo ley chahnu cuan.

1 Corintios 7:39

Soco catyí nu ley Nyoo chi yo vatyi tahán chi cunyacá ñaha rayɨɨ chi ñasɨhɨ ra cha nɨ ri ca cha iyó ra. Soco tatu chihi̱ ra, iyó ityi chi ña cha tandaha ña yóó chihin cuñí maa ña. Soco tatu ra yɨhɨ́ cuenda Nyoo cuví ra.

1 Corintios 7:4

Ñaha sɨhɨ cuan ma cuvi cunyaca ñaha ri maa ña coño ñuhu ña. Vatyi chi yɨɨ ña cuví coño ñuhu ña. Tyicuan caa tucu maa yɨɨ ña, ma cuvi cunyaca ñaha ri maa ra coño ñuhu ra vatyi chi ñasɨhɨ ra cuví coño ñuhu ra.