San Marcos 1:2 - Mixtec Jamiltepec

² Ra Isaías profeta Nyoo tyaa̱ ra tuhun ra Cristo ta tuhun ra Juan. Tyehe caa catyí Nyoo chi ra Cristo: Cumañi ca cuhun sɨquɨ ñuhu ñayɨvɨ̱ ta cutachi chi noo ra cusacoto chi ñáyɨvɨ vatyi nyaá cuhun nu nyicú ñu, catyí Nyoo chi ra Cristo.

San Marcos 1:2 ပူးပေါင်းရင်းမြစ်များ

San Mateo 11:10

Vatyi ican ra Juan ihya, cuví cha cahán tuhun nu tutu Nyoo tyehe caa: Yuhu cuví Nyoo ta tachí chi noo ra cahan tuhin ityi nuu nu cuhun. Vatyi cucahan ra tuhun chihin ñáyɨvɨ nanasama ñu cuhva iyo ñu ta cuatu tuhva ñu quɨvɨ quichun.

San Mateo 2:5

Ta canacaha̱n ra cuan ta cacatyí ra tyehe caa: ―Ñuu Belén ityi Judea, yucuan tahán chi cacu ra vatyi tyehe caa catyaa̱ ra profeta Nyoo nu tutu ta cha naha:

San Mateo 26:24

Yuhu Rayɨɨ cha quichi̱ nya gloria, cuahin ityi cha catyí nu tutu tuhun Nyoo. Soco ndahvi ra ndahvi cha cunacuhva cuenda chii. Quitá vihi ca cuenda chi ra, tyehe ta ña cacu taxin ra ―catyí ra Jesús.

San Mateo 26:31

Tyicuan ta quichaha̱ catyi ra Jesús chi ra: ―Tandɨhɨ nyoho ta cucaca uvi iñi ndo cha nyicón ndo chii vityin cha cuaa. Vatyi nu tutu Nyoo catyí chi tyehe caa: “Cucahñi chi ra sahá cumi mbee, ta mbee cuquɨtɨ cuatyi tɨ”, catyí chi.

San Lucas 1:70

Tyicuan caa caha̱n Nyoo chihin yuhu ra cacuví profeta cuenda ra ta cha naha.

San Lucas 1:76

Ta catyí ra Zacarías chi cha lee cuan tyehe caa: ―Ta yoho sehi, profeta Nyoo cahnu cucatyí ñáyɨvɨ chuun. Vatyi cuhun ityi nuu Sutu Mañi yo. ta cucahun tuhun ra chihin ñáyɨvɨ vatyi cha cuñí quichi ra.

San Lucas 18:31

Ta cana̱ sɨɨn ra Jesús chi ndɨ uchi uvi ra cachicá noo chihin ra, ta catyí ra chi ra: ―Vityin cuhun yo nya Jerusalén. Vatyi yucuan cuchino cava tandɨhɨ tuhin cha tyaa̱ ra profeta Nyoo ta cha naha. Vatyi yuhu Rayɨɨ cha quichi̱ nya gloria cuví.