San Lucas 9:8 - Mixtec Jamiltepec

⁸ Ta yɨhɨ́ ñu catyí ñu vatyi ra Elías, ican ra nandoto̱. Ta yɨhɨ́ ñu catyí ñu vatyi inga ra profeta Nyoo ta cha naha, ican nandoto̱.

San Lucas 9:8 ပူးပေါင်းရင်းမြစ်များ

San Mateo 16:14

Ta canacaha̱n ra ta catyí ra: ―Yɨhɨ́ ñu catyí ñu tyi ra Juan ra sacondutya chi ñáyɨvɨ cuvún. Ta inga ñu catyí ñu tyi ra Elías, ta yɨhɨ́ tucu ñu catyí ñu tyi ra Jeremías, o inga ra cuví profeta Nyoo ta cha naha.

San Mateo 17:10

Tyicuan ta candaca̱ tuhun ra cachicá noo chihin ra chi ra, ―¿Ñáá tuhun cha catyí ra casacuahá ley vehe ñuhu vatyi xihna ca ra Elías tahán chi quichi?

San Marcos 6:15

Inga ñu catyí ñu: ―Ra Elías profeta Nyoo ta cha naha cuví ra ihya ―catyí ñu. Ta inga ñu catyí ñu: ―Inga profeta Nyoo cuví ra, tari ra profeta Nyoo ra chiyo̱ ta cha naha.

San Marcos 8:28

Ta canacaha̱n ra ta catyí ra: ―Yɨhɨ́ ñu catyí ñu tyi ra Juan ra sacondutyá chi ñáyɨvɨ cuvún. Inga ñu catyí ñu tyi ra Elías cuvún. Ta inga ñu catyí ñu tyi inga ra profeta Nyoo cuvún ―cacatyí ra chi ra.

San Lucas 9:19

Tyicuan ta nacaha̱n ra cachicá noo chihin ra, ta catyí ra: ―Yɨhɨ́ ñu catyí ñu vatyi ra Juan ra sacondutya̱ chi ñáyɨvɨ cuvún. Ta yɨhɨ́ ñu catyí ñu vatyi ra Elías cuvún. Ta yɨhɨ́ ñu catyí ñu vatyi inga ra profeta Nyoo ta cha naha cuvún ―catyí ra.

San Juan 1:21

Tyicuan ta candaca̱ tuhun ra inga chaha chi ra: ―¿Yóó ra cuví yoho? ¿Atu ra Elías, ra cuvi̱ profeta Nyoo ta cha naha cuvún? ―catyí ra chi ra. Ta ra Juan nacahan ra: ―Ñima ra cuan cuví. Ta sañihi̱ ca ra candaca̱ tuhun ra chi ra, ta catyí ra: ―Tu tyicuan caa, ¿atu icon cuví ra profeta Nyoo cha nyaá cha quichi? Ta nacaha̱n tucu ra Juan ta catyí ra: ―Ñima.