San Lucas 4:35 - Mixtec Jamiltepec

³⁵ Ta cahan ra Jesús chihin tatyi ña vaha cuan, ta catyí ra: ―Ta̱xi ri. Sa̱ña chi ra ndahvi chiña ―catyí ra. Tyicuan ta tatyi ña vaha cuan sanduva̱ chi ra cuan nu ñuhú. Ta quita̱ tatyi cuan chi ra ta cuahan. Ta ñahri ca sacuvi chi chi ra ndahvi cuan.

San Lucas 4:35 ပူးပေါင်းရင်းမြစ်များ

San Mateo 17:18

Tyicuan ta tava̱ ñehe ra Jesús chi tatyi ña vaha cuan, ta quita̱ cuan chi ra tyivaa cuan. Ta caa cuhva ri cuan ta nduvaha̱ ra.

San Mateo 8:26

Ta catyí ra Jesús chi ra: ―¿Ñáá tuhun cha yuhví xaan ndo? ¡Nyoho chiin xaan chinó iñi ndo chii! Tyicuan ta nacanda̱ ra ta sacutaxi̱n ra tatyi nu miñi cuan, ta tandɨhɨ cutaxi̱n.

San Marcos 1:26

Ta tatyi ña vaha cuan, chihi̱ tañi ra cuhví cuan saha̱ chi, ta iyo canachaa̱ tatyi cuan quita̱ chi ra.

San Marcos 4:39

Tyicuan ta ndɨcuita̱ ra Jesús ta cahan ra chi tatyi cuan na cutaxin. Ta catyí ra chi ndutya miñi cuan tyehe caa: ―¡Taxi ri! ¡Taxi cu̱nyaun! ―catyí ra. Ta tatyi cuan cutaxin, ta taxi taxi cuví.

San Marcos 9:26

Ta tatyi cuan quiñi xaan canachaa̱ ta na quɨsɨ chi chi cue inga chaha ta quita̱. Ta sandoo̱ tatyi cuan chi cue tari noo ndɨyɨ. Ta cuaha ñu catyí vatyi cha chihi̱ cue.

San Lucas 11:22

Soco tatu quichi inga ra cha cuaha ca fuerza iyó chi, ta cañi tahan ra chihin ra, ta cuvi chasaha ra chi ra, tyicuan ta tinyaa ra ndaha tyiño ra, ta sacha ra chi ra tahan ra.

San Lucas 4:23

Ta quichaha catyí ra Jesús chi ñu: ―Chité cha nacacá iñi ndo. Vatyi tyehe caa cua catyi ndo chii: “Tatu ra sanduvahá cuvún, sa̱nduvaha xihna ca chi maun. Tandɨhɨ cha chiñi̱ ndi cha sacuvu̱n ñuu Capernaum. Sa̱cuvi tucu ñuu maun vityin.”

San Lucas 4:39

Ta nanyehe noo ra nu catuví ña. Ta quichaha catyí ra chi cahñi cuan vatyi na quita. Ta caa cuhva ri cuan ta quita cahñi cuan chi ña. Ta nducuita ri ña. Ta quichaha tyiñuhu ña chi ra.

San Lucas 4:41

Ta chichi cha tandɨhɨ ñu yɨhɨ́ ñu cha yɨhɨ́ tatyi ña vaha chi, ta quita̱ chi. Ta suri cana chaa chi cuahan coyo chi, ta catyí chi: ―Yoho Sehe Nyoo cuví chuun ―catyí chi. Soco ña chaha̱ ca ra Jesús cha cahan chi. Vatyi chitó chi vatyi ra Cristo, ra cha saquichi̱ Nyoo cuví ra.

San Lucas 8:24

Tyicuan ta casandoyo̱ ra chi ra Jesús. Ta quichaha catyi ra: ―¡Maestro! ¡Maestro! Cha cuñí nyee yo chichi ndutya ―catyí ra. Tyicuan ta nducuita̱ ra Jesús. Ta quichaha catyí ra chi tatyi cuan ta chi ndutya cuan, na cutaxin chi. Ta cutaxi̱n ri.

San Lucas 9:39

Ta yɨhɨ́ ndɨhɨ tatyi ña vaha chi ra. Ta sacanachaa chi chi ra. Ta tuchí chi chi ra nyasava. Ta quitá tɨñɨ yuhu ra. Ta quiñi xaan nyacuví chi chihin ra. Ta ña cuñí maa tatyi ña vaha cuan saña chi ra.

San Lucas 9:42

Ta cuhva cha cua tuhva ra cuehe cuan nu nyaá ra Jesús, ta tuchi̱ tatyi ña vaha cuan chi cue nya sava. Soco ra Jesús tava̱ ra chi tatyi ña vaha cuan. Ta sanduvaha̱ ra chi cue. Tyicuan ta nacuhva̱ cuenda ra chi cue chi sutu cue.

Apocalipsis 12:12

Yucuan chaha cu̱sɨɨ cuñi nyoho cha iyó ndo andɨvɨ. Soco ¡ndahvi nyoho ñu iyó sɨquɨ ñuhu ñayɨvɨ̱ ta nu tyañuhu! Vatyi cuihna canacava̱ ra nya andɨvɨ ta nyacua nya sɨquɨ ñuhu ñayɨvɨ̱ nu nyicú ndo. Ta xaan xaan ra vatyi chitó ra vatyi suhva ri ca quɨvɨ ra nyaá.