San Lucas 3:14 - Mixtec Jamiltepec

¹⁴ Yucuan ta quichaha candaca̱ tuhun tucu suhva sɨndaro chi ra, ta catyí ra: ―Ta nyuhu tucu, ¿yoso caa sacuvi ndi? ―catyí ra. Ta nacaha̱n ra Juan ta catyí ra: ―Ma tinyaa ca ndo cha chii ñáyɨvɨ. Ta ma tyanaha ndo chi ñu. Ma tyaa ndo cuatyi sɨquɨ ñu tatu ñahri cuatyi ñu. Ta ndo̱o ndo vaha yoso cuhva yahvi ndo ―catyí ra Juan.

San Lucas 3:14 ပူးပေါင်းရင်းမြစ်များ

San Mateo 8:5

Cuhva cha chaa̱ ra Jesús Capernaum, noo capitán, ra ñuu Roma, chaa̱ ra nu nyaá ra Jesús ta chacu̱ ndahvi ra nuu ra,

San Lucas 19:8

Nu canyicú ra chichi vehe cuan, ra Zaqueo nɨcuinanyaa̱ ra. Ta quichaha catyí ra chi ra Jesús: ―Sutu Mañi yuhu, yuhu cua cuhve sava cha iyó chii chi ñu ndahvi. O tatu suhi chi ñáyɨvɨ chihin cha sandavi ñahi chi ñu, vityin cunacuhva cuende nya cumi ca tahan chaha chi ñu ―catyí ra chi ra.

San Lucas 3:10

Yucuan ta quichaha ndaca tuhun ñáyɨvɨ chi ra: ―¿Yoso caa sacuvi ndi, cuñí yoho? ―catyí ñu.

San Lucas 3:13

Ta catyí ra Juan chi ra: ―Tari cuhva catyí ley ta̱va ndo xuhun. Ta ma tava ndo cuaha ca.

Hechos 10:7

Ta cha yaha̱ cuahan ángel cuan, ra Cornelio cana̱ ra chi uvi tahan musu ra, ta chi noo sɨndaro cha chinó xaan iñi chi Nyoo. Ta cuví tucu ra noo ra sahá cuenda chi ra Cornelio ñandɨhɨ.

Filipenses 2:15

Tyicuan ta ma coo ni noo cuatyi ndo. Cu̱vi ndo noo ñáyɨvɨ cachi iyó, cu̱vi ndo ñáyɨvɨ ñahri cuatyi, tari tahán chi coo ñáyɨvɨ cuenda Nyoo mahñu ñáyɨvɨ quiñi iyó ihya. Cuñí chi cha cuví ndo tari noo ñuhu̱ cha sandichín nu ñaa iñi sɨquɨ ñuhu ñayɨvɨ̱ ihya.

Filipenses 4:11

Ñima tyi catyí chi ndo tyehe caa ta cuñí ndo tyi iyó cha chiñuhú chii, vatyi yuhu cha cutuhve cha cusɨɨ cuñí chihin ñáá ri cha iyó chi.

Tito 2:3

Ta tyicuan caa tucu ñu chahnu. Ca̱tyi chi ñu na coo ñu noo cuhva cha tahán iñi Nyoo. Ta ma ñɨɨ ñu cuendu. Ma coho ñu ndixi. Ta na sañaha ñu cha vaha iyó ñu,

Apocalipsis 12:10

Tyicuan ta chiñi̱ noo ndusu ñihi nya andɨvɨ. Catyí chi tyehe caa: ―Cha chaa̱ nu cacu̱ añima yo vityin. Cha saha̱ ganaa tunyee iñi Nyoo. Cha nyacá ñaha Nyoo yo vityin chihin ra Cristo Sehe ra. Vatyi cha tava̱ ñehe ra chi ra cha tyaa̱ xaan cuatyi sɨquɨ ra yañi yo ndiyaca ta ñiyaca nuu Nyoo.