San Lucas 17:6 - Mixtec Jamiltepec

⁶ Tyicuan ta catyí ra Jesús chi ra: ―Tatu chinó iñi ndo chi yuhu vasɨ chiin ri tari cuhva noo chɨtɨ mostaza luhlu, cuví catyí ndo chi yutun sicómoro cha nanyaá ihya nacoyo tun, ta cucuinanyaa tun nu tyañuhu. Ta cucuvi nu cahan ndo ―catyí ra Jesús.

San Lucas 17:6 ပူးပေါင်းရင်းမြစ်များ

San Mateo 14:29

Ta ra Jesús catyí ra chi ra: ―Ña̱ha. Tyicuan ta noo̱ ra Pedro nu canoa cuan, ta quichaha̱ chica ra nu ndutya vatyi cuhun ra nu vachi ra Jesús.

San Mateo 17:20

Ta ra Jesús nacaha̱n ra ta catyí ra: ―Cha cuenda cha chiin xaan chinó iñi ndo chii. Cha ndicha catyí chi ndo vatyi tyehe ta chinó iñi ndo chii, tari cuhva cha cahnu noo chɨtɨ mostaza, cuví catyi ndo chi yucu ihya na canyaha chi ta cuhun chi inga ityi, ta yucu ihya cuhun chi inga ityi. Ta ñahri cha ma cuvi sacuvi ndo tatu ndicha cha chinó iñi ndo chii.

San Mateo 21:21

Ta nacaha̱n ra Jesús ta catyí ra: ―Cha ndicha catyí chi ndo, vatyi tatu chinó iñi ndo ta ma nacaca uvi iñi ndo, ñima ihya ri cha sacuvi̱ chi tu higo ihya cuví sacuvi ndo, soco cuví catyi ndo chi yucu ihya tyehe caa: “Ca̱nyaha chuun ihya ta cua̱han nya chichi tyañuhu.” Ta tyicuan caa cucuvi.

San Marcos 4:31

Cuví chi tari noo chɨtɨ mostaza cha tachi̱ yo nu ñuhú. Ican chɨtɨ cuan, lee ca cha nuu tandɨhɨ chɨtɨ iyó sɨquɨ ñuhu ñayɨvɨ̱.

San Marcos 9:23

Ta catyí ra Jesús chi ra: ―Tatu chinó iñun, tandɨhɨ ta cuví cha cuenda ñu chino iñi ―catyí ra Jesús.

San Lucas 13:19

Tari noo chɨtɨ mostaza, tyicuan caa cuví. Vatyi noo ra tachi̱ ra noo chɨtɨ nu ñuhú, ta chahnu̱ tun. Ta cuví tun noo yutun cahnu vavaha. Tyicuan ta chaá coyo saa nuu yutun cuan. Ta yucuan savahá tɨ taca tɨ.

San Lucas 17:7

Ta catyí ra Jesús: ―Tatu noo nyoho ta iyó noo musu ndo. Ta nachaa ra cha chaha̱n ra nu chiqui chi sahatyiño ra, o chi saha cumi ra quɨtɨ sana ndo, ¿atu catyí ndo chi ra: “Cu̱nyaa ta cachun”? Ña catyí ndo chi ra tyicuan caa.

San Lucas 19:4

Yucuan ta chino vavaha ra cuahan ra ityi nuu, ta ndaa̱ ra nu noo yutun cha nañí sicómoro cha nanyaá yuhu ityi nu cua yaha ra Jesús, tacuhva cuvi nyehe ra chi ra.

San Lucas 7:13

Ta cha nanyehe̱ ra Jesús chi ña, ta cundahvi cuñí nyehe ra chi ña. Ta quichaha̱ catyi ra chi ña: ―Ma cuacun.

San Lucas 7:19

Ta tachi̱ ra chi ra nu nyaá ra Jesús, vatyi cundaca tuhun ra chi ra tatu ican ra cuví Cristo ra cha cusaquichi Nyoo. Vatyi tatu ñima ra, tyi cuatu ra inga ra.

1 Corintios 13:2

Tatu cuví cuhva cuende tuhun cahan Nyoo, o tatu cutuñí iñi tandɨhɨ tuhun xehe ca, ta chité tandɨhɨ, ta ña cuñí chi Nyoo ta chi ñáyɨvɨ, ñahri maa tuhun. Tatu chinó vavaha iñi chi Nyoo nyacua cuví catyi chi ra na tohon ra noo yucu cuan ta natyaa ra inga ityi, ta sacuví ra cha chiquén, soco tatu ña cuñí chi Nyoo ta chi ñáyɨvɨ, ñahri ra cuví.