San Lucas 11:39 - Mixtec Jamiltepec

³⁹ Soco ra Jesús catyí ra chi ra: ―Nyoho, ra cacuví fariseo, tari cha chata ri vaso ta coho sanduvii nyoho. Soco ityi chichi, quiñi caa. Vatyi ña nacatyá ndo. Tyicuan caa nyoho. Vatyi cuñí ñáyɨvɨ vatyi vaha ñáyɨvɨ cuví ndo. Soco xehe ri suhu ndo ta ña sacuví ndo cha vaha.

San Lucas 11:39 ပူးပေါင်းရင်းမြစ်များ

San Mateo 15:19

Vatyi nya chichi añima ñu quitá cha quiñi caá chicá xiñi ñu. Ta cuñun, cha chahñi ñu chi ñáyɨvɨ, cha quichi cuvi iñi ñu coo ñu chihin inga ñu cha ñima ñasɨhɨ ñu cuví. Ta tandɨhɨ ca cha quiñi caa cha sacuvi ñu chihin coño ñuhu ñu. O yɨhɨ́ ñu cha suhu ñu cha chii ñáyɨvɨ. O sandaví ñaha ñu. O cahán ndasɨ ñu.

San Mateo 7:15

’Sa̱ha ndo cuenda chi ra cuendu. Vatyi cacatyí ra vatyi cuenda Nyoo cahán ra. Soco ña ndicha. Vatyi vachi coyo ra tari noo mbee nu nyicú ndo. Sahá ra tyi ra vaha cacuví ra. Soco tari noo ñaña xaan cacuví ra.

San Lucas 16:15

Tyicuan ta quichaha catyí ra Jesús chi ra: ―Vaha xaan sahá ndo chi ndo nuu ñáyɨvɨ. Soco chitó Nyoo vatyi añima ndo ña vaha. Ta tandɨhɨ cha catyí ñáyɨvɨ vatyi cahnu xaan ihya sɨquɨ ñuhu ñayɨvɨ̱, Nyoo ña cuñí nyehe ra.

San Lucas 7:13

Ta cha nanyehe̱ ra Jesús chi ña, ta cundahvi cuñí nyehe ra chi ña. Ta quichaha̱ catyi ra chi ña: ―Ma cuacun.

San Lucas 7:19

Ta tachi̱ ra chi ra nu nyaá ra Jesús, vatyi cundaca tuhun ra chi ra tatu ican ra cuví Cristo ra cha cusaquichi Nyoo. Vatyi tatu ñima ra, tyi cuatu ra inga ra.

San Juan 12:6

Soco ra Judas ña catyí ra tuhun ihya cha cuenda cha ndahvi cuñí ra nyehe ra chi ñu ndahvi, soco vatyi ra suhu cuví ra. Ta vatyi ndaha maa ra nyaá yɨtɨn xuhun ta tuhvá ra suhu ra cha tyihí ñu chichi yɨtɨn cuan.

San Juan 13:2

Ta cuxiñí ra Jesús chihin ra cachicá noo chihin ra. Ta cha quɨhvɨ̱ cuihna añima ra Judas Iscariote sehe ra Simón tyiyuhu̱ ra chi ra, naxico tuhun ra chi ra Jesús ta nacuhva cuenda ra chi ra chi ra xaan iñi chi ra.

Hechos 5:3

Tyicuan ta catyí ra Pedro chi ra: ―Yoho Ananías, ¿ñáá tuhun cha chahu̱n cha quɨhvɨ ra ña vaha añimon, vatyi cuñún sandavi ñahun chi Tatyi Ii, ta catyún vatyi tandɨhɨ xuhun cha quiyahvi ñuhu cuví ihya ta ndoún chihin suhva?

Gálatas 1:14

Ta ñohi̱ cuenda ñu Israel, yuhu cuvi̱ ra cuahan ityi nuu ca ta ñima ca suhva ca ra tahin cha ɨɨn ri cuiya ndi. Vatyi cuñi̱ xaan que sacuvi yoso cuhva chinyacuvi maa sutu chahni ta ityi chata ca.

2 Timoteo 3:5

Cunyicon ñu noo cuhva tari cha chinó iñi ñu chi Nyoo, soco ña ndicha ñu. Vatyi chasɨ́ ñu cha sañahá Nyoo tunyee iñi ra. Ma cutahun chihin ñu caa tyicuan caa.

Tito 1:15

Cha cuenda ñáyɨvɨ cha vaha chicá xiñi, tandɨhɨ ta vaha chi ñu. Soco cha cuenda ñu cha ña chinó iñi ta ña vaha chica xiñi, ñahri maa cha vaha chi ñu vatyi nyacua nya cuhva chicá xiñi ñu ta cuhva tuví iñi ñu ta ña vaha ta quiñi caa.

Santiago 4:8

Tu̱hva yatyin ndo chi Nyoo ta maa ra tuhva yatyin ra chi ndo. Nyoho ñu iyó cuatyi, sa̱ndundɨɨ ndo chi ndo. Ta nyoho cha uvi nyaa xiñi ndo sa̱ndunɨɨ ndo iñi ndo ta cu̱hva ndo na sacutu Nyoo añima ndo chihin cha vaha, tyicuan ta cundundɨɨ ndo nuu ra.