San Lucas 1:49 - Mixtec Jamiltepec

⁴⁹ Vatyi Nyoo, cahnu xaan cuví ra. Ta cahnu cha sacuví ra chihin. Ta ii xaan sɨvɨ ra.

San Lucas 1:49 ပူးပေါင်းရင်းမြစ်များ

San Marcos 5:13

Tyicuan ta chaha̱ ra Jesús, ta tatyi cuan quita̱ coyo chi ra cuan, ta quɨhvɨ̱ chi quɨnɨ cuan. Ta cha uvi mil quɨnɨ nyicú cuan, cachino̱ tɨ, ta canacoyo̱ tɨ chichi noo xahva yuhu miñi cuan, ta cachihi̱ tɨ chichi ndutya cuan.

San Lucas 1:48

Vatyi cuví yuhu noo ñaha ndahvi ta Nyoo tɨɨn cuenda ra chii. Ta vityin tandɨhɨ quɨvɨ cucatyi ñáyɨvɨ chii vatyi cahnu xaan tumañi iñi ñihi̱.

San Lucas 1:50

Ta tyicuan ri ndahvi cuñí ra chi tandɨhɨ ñáyɨvɨ cha sahá ñáyɨvɨ chi ra.

Efesios 3:20

Ta vityin na sacahnu yo chi Nyoo, ra cha iyó xaan ca tunyee iñi chii. Vatyi cuaha vavaha ca cha cuví sacuvi ra cha nuu cuhva cha chicán maa yo chi ra o cha nuu cuhva cha chicá xiñi yo. Vatyi suri chihin tunyee iñi ra cha iyó chi yo, sacuví ra tandɨhɨ.

Apocalipsis 15:4

¿Yóó cha ma yuhvi chuun, yoho Sutu Mañi nyuhu? ¿Yóó cha ma sacahnu chuun? Vatyi noo tuhun ri maun cuví ra ii. Ta cuquichi coyo ñáyɨvɨ tandɨhɨ ñuu, ta cusacahnu ñu chuun. Vatyi cha nyehe̱ ñu cha vaha cha sacuvún, catyí ñu chitá cuan.

Apocalipsis 4:8

Ta ndɨ cumi tahan cha nyitó ihya, tahan tahan chi ta nyaá iñu tahan ndichin chi. Ta nɨcahnu maa chi nyaá chɨtɨ nuu chi, tari ityi chata chi ta tari ityi chichi ndichin chi. Ta ndiyaca ta ñiyaca ta ña chicuita chi catyí chi tyehe caa: Ra ii xaan cuvún, ra ndɨɨ xaan cuvún, ra ñahri cuatyi cuvún, Sutu Mañi yuhu, Nyoo, iyó tandɨhɨ tunyee iñi chuun. Ra cha iyó nu quichaha tandɨhɨ cuvún, Ta ra iyó vityin. Ta ra cha nyaá cha cuquichi.