San Juan 8:53 - Mixtec Jamiltepec

⁵³ ¿Atu cahnu ca ra cuví yoho ican saha sutu ndi ra Abraham? Maa ra chihi̱ ra ta ra cuví profeta Nyoo ñandɨhɨ. ¿Yóó ra cuví yoho cuñí maun? ―catyí ra chi ra.

San Juan 8:53 ပူးပေါင်းရင်းမြစ်များ

San Mateo 12:6

Ta catyí chi ndo, vatyi ihya nyaá yuhu cha cuví noo ra cahnu ca ican saha vehe ñuhu.

San Mateo 3:9

Ta ma cuyaa ndo catyí ndo vatyi tata ra Abraham vachi ndo. Vatyi nyacua nya chihin yuu ihya ta cuví savaha Nyoo ñáyɨvɨ tata ra Abraham.

San Juan 10:33

Ta ra cacuví nuu chi ñu Israel cuan cacatyí ra: ―Ñima cha cuenda noo cha vaha sacuvu̱n cutuchi ndi yuu chuun, soco cha cuenda vatyi yahun nuu Nyoo chihin tuhun cahún. Noo rayɨɨ ri cuvún, soco sahún tari Nyoo chuun ―cacatyí ra chi ra.

San Juan 12:34

Ta ñáyɨvɨ nacaha̱n ñu ta catyí ñu chi ra: ―Tuhvá ndi chiñi ndi sacuaha ra nu libru ley yo vatyi ra cuví Cristo tyicuan ri maa cucoo ra. ¿Yoso caa cha catyí yoho tyi cusandaa ñu chi Rayɨɨ quichi nya gloria nu cruzi? ¿Yóó ra cuví Rayɨɨ cha quichi nya gloria cha cahún tuhun? ―catyí ñu, ndacá tuhun ñu chi ra.

San Juan 19:7

Soco nacaha̱n ra Israel cuan ta cacatyí ra: ―Iyó noo ley chi ndi, ta cuhva catyí ley ndi, cuñí chi cha cúvi ra vatyi nasahá ra Sehe Nyoo chi ra ―cacatyí ra.

San Juan 4:12

Vatyi sutu chahnu yo, ra Jacob sandoo̱ ra yavi ihya chi yo. Ta suri ihya chihi̱ tucu maa ra ndutya. Ta suri ihya chihi̱ tucu sehe ra ta quɨtɨ sana ra. ¿Atu cahnu ca ra cuví yoho ican saha ra cuan? ―catyí ña chi ra.

San Juan 5:18

Ta cha cuenda cha caha̱n ra tuhun ihya, xaan ca cuñí ra Israel cuan. Ta ñihi ca cuñí ra cahñi ra chi ra vatyi cuñí maa ra vatyi ña sahá ra ñáyɨvɨ quɨvɨ nyitatu ñu, ta sɨɨn rí tyi sahá ra tuhun tyi ɨɨn ri cuví ra chihin Nyoo vatyi catyí ra tyi sutu ra cuví chi Nyoo.

San Juan 8:58

Ta ra Jesús nacaha̱n ra ta catyí ra: ―Cha ndicha catyí chi ndo vatyi nyata ni cumañi coo ra Abraham ta cha iyó yuhu ―catyí ra Jesús chi ra.

Romanos 9:5

Tata ñu sutu chahnu yo cuví chi ñu, ta tata ñu, ican cuví chi ra Cristo cuenda coño ñuhu ra. Ican ra cuví Nyoo. Ta ican ra cuví ra nyacá ñaha tandɨhɨ cha iyó. ¡Na sacahnu yo chi ra tyicuan ri maa! ¡Ta na cuvi chi tyicuan caa!