San Juan 4:19 - Mixtec Jamiltepec

¹⁹ Cha chiñi̱ ña tuhun caha̱n ra, quichaha catyí ña chi ra: ―Tata, tuví iñi vatyi noo profeta cuenda Nyoo cuvún.

San Juan 4:19 ပူးပေါင်းရင်းမြစ်များ

San Mateo 21:11

Ta ñáyɨvɨ catyí ñu: ―Ra Jesús, ra chahá cuenda tuhun cahan Nyoo, ra ñuu Nazaret nu cuví Galilea cuví ra ―catyí ñu.

San Lucas 24:19

Tyicuan ta catyí ra Jesús chi ra: ―¿Ñáá cha cuvi̱? Ta quichaha canacatyi̱ ra chi ra: ―Tuhun ra Jesús ra ñuu Nazaret. Vatyi cuvi̱ ra noo ra profeta Nyoo. Ta chihin tunyee iñi cahnu Nyoo sacuvi̱ ra cha vaha nuu Nyoo ta nuu ñáyɨvɨ.

San Lucas 7:16

Cha nanyehe̱ ñu cha tyicuan caa ta yuhvi xaan ñu cuvi. Ta quichaha sacahnu ñu chi Nyoo. Ta catyí ñu: ―Cahnu xaan ra profeta Nyoo tuví nu nyicú yo ihya. Ta catyí tucu ñu: ―Maa Nyoo, ican vachi nu nyicú yo, vachi tyinyee ra chi yo ―catyí ñu.

San Lucas 7:39

Cuhva cha nyehe̱ ra fariseo cuan cha tyicuan caa, ndichí xiñi ra: “Tatu ndicha ndicha cha Nyoo saquichi chi ra ihya, coto ra yóó ñaha tɨɨ́n chaha ra, vatyi ñaha cuan, ñaha iyó cuatyi cuví ña.”

San Juan 4:18

Vatyi cha ohon tahan yɨun chiyo̱, ta ra nyaá chuhun vityin ñima yɨun cuví chi ra. Ndicha tuhun cha cahún ―catyí ra chi ña.

San Juan 4:29

―Ña̱ha ndo cunyehe ndo chi noo ra cha catyi̱ tandɨhɨ cha cai. ¿Atu ñima ra Cristo cuví ra? ―catyí ña chi ñu.

San Juan 6:14

Tyicuan ta cha yaha̱ nyehe ñáyɨvɨ cuan milagru cha savaha̱ ra Jesús, ta catyí ñu: ―Ican ndicha cuii ra ihya cuví profeta, ra chahá cuenda tuhun cahan Nyoo cha nyaá cha quichi sɨquɨ ñuhu ñayɨvɨ̱ ihya ―catyí ñu.

San Juan 7:40

Suhva ñáyɨvɨ cha chiñi̱ ñu tuhun ihya, catyí ñu: ―Ndicha vatyi ra ihya profeta Nyoo cha nyaá quichi cuví ra ―catyí ñu.

San Juan 9:17

Ta candaca̱ tuhun tucu ra inga chaha chi ra cha cucuaa̱ cuan, ta catyí ra chi ra: ―¿Ta yoho, ñáá catyún cuenda ra cha sanduvaha̱ chɨtɨ nuun? ―catyí ra. Ta nacaha̱n ra ta catyí ra: ―Yuhu catyí vatyi noo profeta cuenda Nyoo cuví ra ―catyí ra.