San Juan 12:13 - Mixtec Jamiltepec

¹³ Tyicuan ta chahnya̱ ñu ndaha tunducaha ta cuahan coyo ñu cuasatahan ñu chi ra Jesús. Ta canachaa ñu, ta catyí ñu: ―¡Cahnu xaan ca cuví maa Nyoo! ¡Nasoco xaan Nyoo chi ra vachi ihya chihin tunyee iñi Nyoo! ¡Nasoco xaan Nyoo chi Rey cuenda yo ñu Israel! ―cacatyí ñu, canachaa ñu.

San Juan 12:13 ပူးပေါင်းရင်းမြစ်များ

San Mateo 23:39

Vatyi catyí chi ndo, vatyi ma nyehe ca ndo chii nyacua nya chaa chi quɨvɨ cucatyi ndo tyehe caa: “Cahnu xaan ra cuví ra vachi chihin tunyee iñi sɨvɨ Sutu yo Nyoo”, cucatyi ndo ―catyí ra Jesús.

San Mateo 27:42

―Sacacu̱ ra chi inga ñu, soco ña cuví sacacu ra chi maa ra. Tatu Rey cuenda ñu Israel cuví ra, na noo ra nu cruzi cuan, tacuhva chino iñi yo chi ra.

San Juan 1:49

Tyicuan ta quichaha̱ catyí ra Natanael: ―Sutu Mañi yuhu, yoho cuvún Sehe Nyoo. Yoho cuvún rey cuenda ndi ñu Israel.

San Juan 12:14

Ta ra Jesús ñihi̱ ra noo burru ta chicoso̱ ra chi tɨ tari cuhva catyí maa nu tutu Nyoo tyehe caa:

San Juan 12:15

Ma yuhvi ndo ñáyɨvɨ ñuu Sión Nye̱he ndo, vachi Rey ndo. Yosó ra noo burru ―catyí chi nu tutu Nyoo.

San Juan 19:15

Soco maa ra Israel canachaa̱ ra ta cacatyí ra: ―¡Na cúvi ra! ¡Na cúvi ra! ¡Ca̱hñi chi ra nu cruzi! ―cacatyí ra. Ta ra Pilato catyí ra chi ra: ―¿Atu cahñi nu cruzi chi rey ndo? Soco ra cacuví nuu chi tata sutu cacatyí ra: ―Yori ca rey iyó. Noo tuhun ri ra César, cha cuví rey cahnu ―catyí ra.

Apocalipsis 15:3

Ta chitá ñu yaa ra Moisés, ra sacuvi̱ tyiño nuu Nyoo, ta yaa ra cuví Mbee Luhlu. Ta tyehe caa catyí ñu: Cahnu ta iyo xaan caá tandɨhɨ maa cha sacuvún. Nyoo, Sutu ndi, iyó tandɨhɨ tunyee iñi chuun. Ndoo xaan ta ndicha xaan ityun. Yoho Rey cuvún cuenda tandɨhɨ ñáyɨvɨ iyó sɨquɨ ñuhu ñayɨvɨ̱.

Apocalipsis 19:16

Ta nu sahma ra ta nu sɨhɨn ra cuan nyaá letra cha catyí tyehe caa: “Ihya cuví Ra cuví nuu chi tandɨhɨ rey. Ta ican ra cuví nuu chi tandɨhɨ ra nyacá ñaha.”

Apocalipsis 7:9

Cha yaha̱ tuhun cuan ta nanyehi̱ ta nyehi̱ cuaha xaan ñáyɨvɨ nyicú. Ta yori cuví nacahvi chi ñu, vatyi nyicú ñáyɨvɨ tandɨhɨ ri ñuu nyihi ta ñuu nahnu iyó sɨquɨ ñuhu ñayɨvɨ̱. Ta nyicú ñáyɨvɨ sɨɨn sɨɨn sahan cahan. Ta nyicú ñáyɨvɨ tandɨhɨ ri tata. Ta catayucú ñu nuu ra nyaá nu tyayu, ta nuu ra cuví Mbee Luhlu. Ta cañihnó ñu sahma cuichin. Ta cayɨhɨ́ ndaha ñu ndaha ñoo.