Apocalipsis 14:7 - Mixtec Jamiltepec

⁷ Ta ñihi xaan caha̱n ra ta catyí ra: ―Na yuhvi ndo chi Nyoo, ta sa̱cahnu ndo chi ra. Vatyi cha chaa̱ cuhva cha cua cutuñi chi ñáyɨvɨ. Sa̱cahnu ndo chi ra savaha̱ andɨvɨ ta ñuhu ñayɨvɨ̱, ta tyañuhu ta ndohyo ndutya.

Apocalipsis 14:7 ပူးပေါင်းရင်းမြစ်များ

San Mateo 25:13

Tyicuan ta quichaha catyí ra Jesús: ―Cua̱tu tuhva ri nyoho, vatyi ña chitó ndo nya quɨvɨ ta ñáá cuhva cuquichi yuhu Rayɨɨ cha quichi Nya gloria.

San Lucas 17:18

¿Ñáá tuhun cha noo tuhun ri maa ra inga ñuu nandichi chata ra ta sacahnu ra chi Nyoo? ―catyí ra Jesús.

Hechos 14:15

ta catyí ra: ―Nyoho tata, ¿ñáá tuhun cha nyacuví ndo tyehe caa? Nyuhu rayɨɨ ri cuví ndi tari maa ndo. Ta vachi ndi vatyi catyi ndi chi ndo vatyi na saña ndo cha sacuvi ndo tyehe caa. Vatyi ña chiñuhu maa cha tyehe caa. Ta na cunyicon ndo chi Nyoo nyitó. Vatyi ican ra savaha̱ andɨvɨ ta ñuhu ñayɨvɨ̱. Ta savaha̱ ra tyañuhu ta tandɨhɨ cha iyó chichi tyañuhu cuan.

1 Pedro 4:7

Soco cha cuyatyin cha cundɨhɨ tandɨhɨ maa. Yucuan chaha cachi co̱o ndo ta cunyaa vaha ndo tyiño cha chicán tahvi ndo.

Apocalipsis 11:13

Ta cuhva cuan quichi̱ noo cha taa̱n cahnu. Ta chichi ñuu cuan canacoyo cuaha xaan vehe. Ta chichi cha uchi uchi tahan vehe, canacoyo noo noo. Ta cha tandɨhɨ chichi ñuu cuan chihi̱ ucha mil ñáyɨvɨ cha cuenda cha taa̱n cuan. Ta ñáyɨvɨ ña chihi̱, casacahnu̱ ñu chi Nyoo, ra nyaá andɨvɨ, cha cuenda cha yuhvi̱ ñu.

Apocalipsis 11:18

Ta ñáyɨvɨ tandɨhɨ ñuu nahnu cuxaa̱n ñu. Soco cha chaa̱ quɨvɨ cha tachi tuñun chi ñu. Ta cha chaa̱ quɨvɨ cha cucutuñi chi ñu ndɨyɨ. Ta cucuhvon cha vaha cha tahán chi chi ñu sacuvi̱ tyiño nuun, ñu chaha̱ cuenda tuhun cahún, ñu cha nacuhva̱ cuenda añima chi maun, ta sacahnú ñu sɨvun. Vasɨ cahnu ñu cuví ñu ta vasɨ ndahvi ñu. Ta chaa̱ cuhva cha sanaun chi ñu satɨvɨ̱ chi ñáyɨvɨ sɨquɨ ñuhu ñayɨvɨ̱, cacatyí ra.

Apocalipsis 15:4

¿Yóó cha ma yuhvi chuun, yoho Sutu Mañi nyuhu? ¿Yóó cha ma sacahnu chuun? Vatyi noo tuhun ri maun cuví ra ii. Ta cuquichi coyo ñáyɨvɨ tandɨhɨ ñuu, ta cusacahnu ñu chuun. Vatyi cha nyehe̱ ñu cha vaha cha sacuvún, catyí ñu chitá cuan.

Apocalipsis 16:9

Ta tandɨhɨ ñu, quiñi xaan chahmi̱ ñanyii chi ñu. Soco ña canasama̱ ñu cuhva iyó ñu, ni ña casacahnu̱ ñu chi Nyoo. Ta caha̱n ña vaha ñu sɨquɨ Nyoo ra cuví sanyehe tɨndoho chi ñu tyehe caa.

Apocalipsis 18:10

Ta nya sava ri cucuitayucu ra cha cuenda cha cayuhvi ra tɨndoho cuan. Ta cucatyí ra: ―¡Ndahvi yoho, ñuu cahnu Babilonia, ñuu cha chiyo̱ xaan tunyee iñi chii! Vatyi noo tuhun cuhva ta chaa̱ tɨndoho nyehún ―cucacatyí ra.

Apocalipsis 18:17

¡Vatyi noo tuhun ri cuhva ta ndɨhɨ̱ cha tyayɨɨ xaan cuan! ―cucatyi ra caxico cuan. Ta tandɨhɨ ra cuví capitán cuenda barcu, chihin ñu cañoho chichi, tandɨhɨ ñu casahá tyiño nu tyañuhu, nya sava candoó ñu.

Apocalipsis 18:19

Ta tyicu̱ ñu niyaca xiñi ñu, ta chacu̱ chaa ñu. Ta cuihya iñi ñu, ta canachaa ñu ta catyí ñu: ―¡Ndahvi nduvi̱ yo cha cuanaa ñuu cuan! Vatyi chihin cha tyayɨɨ ñuu cahnu cuan ndutyayɨɨ̱ tandɨhɨ yo, ñu chicá noo nu tyañuhu chihin barcu. ¡Ta vityin noo tuhun cuhva luhlu ri ta cuanaa chi! ―catyí ñu.

Apocalipsis 19:5

Ta nu nyaá tyayu Nyoo, tyacu noo ndusu, ta catyí chi: Sa̱cahnu ndo chi Sutu yo Nyoo Tandɨhɨ nyoho cha sacuví ndo tyiño nuu ra, ta quichahá ndo chi ra, vasɨ nyihi ndo, o chahnu ndo.

Apocalipsis 4:11

Sutu Mañi nyuhu, Nyoo cuvún chi ndi. Chi yoho tahán chi cha cuhva ndi gloria, ta sacahnú ndi chuun. Ta tahán chi cha cunyaca ñahun. Vatyi maun savaha̱ tandɨhɨ cha iyó. Ta cha cuenda cha iyó iñi maun ta chicoo̱ tandɨhɨ, cacatyí ra.

Apocalipsis 4:9

Ta cachahá ndɨ cumi tahan cha nyitó cuan gloria chi Nyoo. Ta sacahnú chi chi ra, ta canacuhvá chi tyahvi nyoo chi ra nyaá nu tyayu cahnu cuan, ra cha iyó tandɨhɨ tyembu. Ta tahan ri chaha cha casacuvi̱ chi tyicuan caa,

Apocalipsis 8:10

Ta ángel cu uñi tɨvɨ̱ ra trompeta ra. Ta canacava̱ noo tiñoo cahnu andɨvɨ, suri cayú ñuhu̱ chi tɨ tari ñuhu̱ ñɨtɨ. Canacava̱ tɨ sɨquɨ cha yatyin ri sava yuvi nahnu ta sɨquɨ cha yatyin ri sava ndohyo.