Apocalipsis 10:5 - Mixtec Jamiltepec

⁵ Tyicuan ta ángel cha nyehi̱ cha chañí nu tyañuhu ta sɨquɨ ñuhu ñayɨvɨ̱, nacoñehe̱ ra ndaha chiyo vaha ra ityi andɨvɨ.

Apocalipsis 10:5 ပူးပေါင်းရင်းမြစ်များ

Hechos 14:15

ta catyí ra: ―Nyoho tata, ¿ñáá tuhun cha nyacuví ndo tyehe caa? Nyuhu rayɨɨ ri cuví ndi tari maa ndo. Ta vachi ndi vatyi catyi ndi chi ndo vatyi na saña ndo cha sacuvi ndo tyehe caa. Vatyi ña chiñuhu maa cha tyehe caa. Ta na cunyicon ndo chi Nyoo nyitó. Vatyi ican ra savaha̱ andɨvɨ ta ñuhu ñayɨvɨ̱. Ta savaha̱ ra tyañuhu ta tandɨhɨ cha iyó chichi tyañuhu cuan.

Hechos 17:23

Vatyi chahi̱n chinyehi nu tuhvá ndo savaha ndo culto. Ta nañihi̱ noo arta nu nyaá letra cha catyí: “Cuenda Nyoo cha ña ñohó nuu yo”, catyí letra cuan. Nyoho sacahnú ndo chi Nyoo cuan vasɨ ña ñohó nuu ndo chi ra. Ican Nyoo cuan cuví cha cahín tuhun chihin ndo.

Romanos 1:20

Vatyi vasɨ ña nyehé yo chi ra, cuví coto yo vatyi iyó ra vatyi nyehé yo tandɨhɨ cha savaha̱ ra. Nyata chino̱ ñuhu ñayɨvɨ̱ ta tandɨhɨ cha savaha̱ ra ta sañahá chi chi yo vatyi maa ra cuví Nyoo, ta tunyee iñi cha iyó chi ra ma ndɨhɨ maa. Yucuan chaha ma cuvi catyi ñáyɨvɨ tyi yori Nyoo iyó.

Hebreos 6:13

Vatyi ta cha naha catyi̱ Nyoo chi ra Abraham, vatyi cuhva ra noo cha cuhva ra chi ra. Ta Nyoo tyaa̱ ra cuhva cha cuhva ra, ta noo ri tuhun caha̱n ra vatyi maa ra, Nyoo cuví ra.

Apocalipsis 1:18

Iquen cuví ra cha nyitó. Ta vasɨ chihi̱ soco vityin cuacoi tyicuan ri maa. Ta iyó ityi chii cha catyi ama tahan chi tuhun chihi chi noo noo ñáyɨvɨ, ta iyó ityi chii cha catyi tatu cuhun ñu anyaya.

Apocalipsis 10:2

Ta yɨhɨ́ ndaha ra noo libru luhlu cha tanuña nuu. Ta chinanyaa̱ ra chaha chiyo vaha ra nu tyañuhu. Ta chaha chiyo satyin ra chinanyaa̱ ra sɨquɨ ñuhu ñayɨvɨ̱.

Apocalipsis 14:7

Ta ñihi xaan caha̱n ra ta catyí ra: ―Na yuhvi ndo chi Nyoo, ta sa̱cahnu ndo chi ra. Vatyi cha chaa̱ cuhva cha cua cutuñi chi ñáyɨvɨ. Sa̱cahnu ndo chi ra savaha̱ andɨvɨ ta ñuhu ñayɨvɨ̱, ta tyañuhu ta ndohyo ndutya.

Apocalipsis 16:17

Tyicuan ta ángel cu ucha cuan coyo̱ ra cha yɨhɨ́ chichi copa ra nu tatyi, ta nya vehe ñuhu andɨvɨ nu nyaá Nyoo nu tyayu ra, quita̱ noo ndusu chaa xaan ta catyí chi: ―Cha cuvi̱ vityin ―catyí ra.

Apocalipsis 4:11

Sutu Mañi nyuhu, Nyoo cuvún chi ndi. Chi yoho tahán chi cha cuhva ndi gloria, ta sacahnú ndi chuun. Ta tahán chi cha cunyaca ñahun. Vatyi maun savaha̱ tandɨhɨ cha iyó. Ta cha cuenda cha iyó iñi maun ta chicoo̱ tandɨhɨ, cacatyí ra.

Apocalipsis 4:9

Ta cachahá ndɨ cumi tahan cha nyitó cuan gloria chi Nyoo. Ta sacahnú chi chi ra, ta canacuhvá chi tyahvi nyoo chi ra nyaá nu tyayu cahnu cuan, ra cha iyó tandɨhɨ tyembu. Ta tahan ri chaha cha casacuvi̱ chi tyicuan caa,