2 Corintios 6:2 - Mixtec Jamiltepec

² Vatyi catyí Nyoo nu tutu tyehe caa: Quɨvɨ taha̱n chi tyi sacaqui chuun, yuhu chiñi̱ nu cahun ta tyinyei̱ chuun, catyí Nyoo. Sa̱ha ndo cuenda tyi vityin cuví quɨvɨ tahán chi. Vityin cuví quɨvɨ sacacú Nyoo chi yo.

2 Corintios 6:2 ပူးပေါင်းရင်းမြစ်များ

San Lucas 18:37

Ta ñáyɨvɨ nacatyí ñu chi ra vatyi ra Jesús, ra ñuu Nazaret, ican cua yaha cuan.

San Lucas 4:19

Ta sacote chi ñu vatyi cha chaa̱ quɨvɨ cha chaha̱ Nyoo tumañi iñi chi ñu.

Hebreos 3:13

Soco sa̱nɨɨ ndo iñi tahan ndo tahan tahan quɨvɨ, cha nɨ ri ca cha chahá ca chi cuhva vityin, tacuhva vatyi ni noo ndo ta ma sandavi ñaha cha quiñi caa chi ndo, ta ndundava añima ndo.

Hebreos 3:7

Yucuan chaha cuñí chi saha cuenda yo chi yo, tari catyí Tatyi Ii Nyoo nuu tutu Nyoo tyehe caa: Tatu chiñí ndo tuhun cahán Nyoo chihin ndo vityin,

Hebreos 4:7

Vatyi cha yaha̱ nacahnu̱ ñu Israel cuan nu caha̱n Nyoo, natyaa̱ tucu ra cuhva vatyi nya inga quɨvɨ cuví quɨhvɨ yo cunyitatu yo chihin ra, ta ican cuví quɨvɨ vityin. Ta cahán Nyoo tuhun quɨvɨ vityin chihin cha catyí ra David. Nyaá chi nu tutu Nyoo tyehe caa: Vityin tatu nyoho ta chiñí ndo cha catyí, Ma sandava xaan ndo añima ndo, catyí Nyoo.