Santya̱ꞌa̱gʉ 5:13 - Mixe Juquila

¹³ Pʉn ja pʉ́n ꞌyayoy jyottʉgoy, waꞌan tka̱jxtaꞌaky; es pʉn ja pʉ́n jyotkujkꞌáty, waꞌan tꞌʉy ja alabanzʉ.

Santya̱ꞌa̱gʉ 5:13 ပူးပေါင်းရင်းမြစ်များ

MATEWɄ 26:30

Ko tꞌʉʉda̱a̱y tuꞌugʉ alabanzʉ, ta oj ñʉjxtʉ ma̱ ja Oliivʉs Kopk.

LUKɄS 22:44

Es ko jam jyantsyꞌayooy mʉk, net kya̱jxtáky mʉt tʉgekyʉ myʉja̱a̱, es pyʉxyíkyʉty es xyeꞌxy éxtʉmʉ neꞌpyñ diꞌibʉ ka̱ꞌa̱p naxkʉjxy.

LUKɄS 23:42

Net jyʉnáñ: —Jesús, xyjamyátsʉpts ko mja̱ꞌtʉt ma̱ myajkutuka̱ꞌa̱ñ.

1 KORINTɄ 14:15

¿Tits ndúnʉp? Ka̱jxtákpʉts mʉt ja nꞌanmʉja̱ꞌa̱nʉts, per nandʉꞌʉn mʉt ja nwinma̱ꞌa̱ñʉts. Nꞌʉ́wʉpts ja Diosʉ ꞌyalabanzʉ mʉt ja nꞌanmʉja̱ꞌa̱nʉts, per nandʉꞌʉn mʉt ja nwinma̱ꞌa̱ñʉts.

1 KORINTɄ 14:26

Mʉguꞌugítʉty, diꞌibʉts ʉj nꞌandijpy, yʉꞌʉ tya̱a̱dʉ: Ko mnaymyúkʉdʉt es xyꞌawdata̱ꞌa̱ndʉt ja Dios, tam diꞌibʉ ʉ́wdʉp, tam diꞌibʉ kya̱jxwa̱ꞌxtʉp ja Diosʉ ꞌyayuk o diꞌibʉ Dios tuknijáwʉdʉp, tam diꞌibʉ kya̱jxtʉp ja ayuk diꞌibʉ kyaj yajjaygyúkʉ, o diꞌibʉ kya̱jxtuda̱ꞌa̱ktʉp diꞌibʉ ja wiinkpʉty tʉ tka̱jxtʉ; es tʉgekyʉ tya̱a̱dʉ, dʉꞌʉn xytyúndʉt es dyajmʉjwiin dyajkajaadʉ myʉbʉjkʉn pʉ́nʉty myʉbʉjktʉp ja Jesús éxtʉmʉ Kristʉ.

ÉFESɄ 5:19

Nayyajxonda̱ꞌa̱gʉdʉ nixim niyam mʉt ja Salmʉ esʉ ʉy diꞌibʉ mʉʉt ja Dios yajmʉjjáwʉ, yajnáxtʉ ʉy esʉ Salmʉ mwinma̱ꞌa̱ñóty Nindsʉnꞌa̱jtʉm myʉjꞌa̱jtʉngyʉjxm.

EBREEɄSɄTY 5:7

Ko tya̱dʉ Jesús jyikyꞌajty ya̱ naxwiiñ, net kya̱jxtáky es mʉk jyʉʉy, es tꞌamdooy tpʉjktsooy ja Dios diꞌibʉ mba̱a̱t kyutiky es kyaj ja Jesús ttuknáxʉt ja oꞌkʉn. Amʉdoona̱jxʉ Dios jaꞌagyʉjxm ko tmʉmʉdooy.

Santya̱ꞌa̱gʉ 5:10

Mʉguꞌugítʉty, jamyatstʉ Diosʉ kyuga̱jxpʉ es pʉjta̱ꞌa̱ktʉ éxtʉmʉ ijxpajtʉn wiꞌix tmʉdʉna̱a̱y ja ayoꞌon esʉ maꞌxtujkʉn tmʉda̱jttʉ.

DIꞌIBɄ JATANɄP 14:3

Es tꞌʉwdʉ jembyʉ ʉy uñaaybyajn winduuy ma̱ Dios yajkutíky es ma̱ nima̱jtáxkpʉ jikyꞌa̱jtpʉty es ma̱ ja mʉjja̱ꞌa̱ydyʉjk. Ni pʉ́n mba̱a̱t tkajatyʉ tadʉ ʉy, jaꞌayʉ jeꞌeyʉ tadʉ mʉgoꞌpx jajustyikxymya̱jtáxk mil diꞌibʉ oj ñitsoꞌoktʉ naxwiiñ.

DIꞌIBɄ JATANɄP 7:10

Es nidʉgekyʉ yaxkaktʉ mʉk: Yʉ nitsokʉn myiñ ma̱ yʉ Nindsʉnꞌa̱jtʉm Dios, diꞌibʉ uñaapy ma̱ uñaaybyajn ma̱ yajkutíky, es nandʉꞌʉn myiñ ma̱ yʉ Borreeguꞌunk.