ROMANɄS 14:11 - Mixe Juquila

¹¹ Mʉt ko yʉ Diosʉ jyaaybyajtʉn jyʉnaꞌañ: Dʉꞌʉn ja Nindsʉnꞌa̱jtʉm jyʉnaꞌañ: Dʉꞌʉn éxtʉmʉ tʉyꞌa̱jtʉn kots njikyꞌaty, nidʉgekyʉ ja̱ꞌa̱yʉty xywyingoxtánʉdʉts, nidʉgékyʉts xyꞌawdáttʉdʉts, dʉꞌʉn jyʉnáñ ja Dios.

ROMANɄS 14:11 ပူးပေါင်းရင်းမြစ်များ

MATEWɄ 10:32

’Nidʉgekyʉ ja̱ꞌa̱yʉty diꞌibʉts xyꞌaxá̱jʉp éxtʉmʉ wyindsʉnʉn ya̱ mayjyaꞌayóty, ʉjtsʉts nandʉꞌʉn nꞌaxá̱jʉp éxtʉmdsʉ nja̱ꞌa̱yʉty ma̱dsʉ nDeedyʉts diꞌibʉ jam tsa̱jpótm.

ROMANɄS 10:9

Pʉn mʉt ja mꞌa̱a̱ mjʉna̱ꞌa̱ñ: “Ngupejkypyʉts mij, Jesús, éxtʉmdsʉ nWindsʉ́n”, es pʉn mmʉbejkypy mʉt ja mjot mwinma̱ꞌa̱ñ ko Dios yajjikypyʉjk ja Jesús ko ꞌyeꞌky, net mnitsoꞌogʉt.

ROMANɄS 15:9

Nandʉꞌʉn myiiñ ma̱ ja diꞌibʉ kyaj ꞌyisraelítʉty es tja̱ꞌa̱ygyʉda̱ꞌa̱ktʉt ja Dios mʉt ko yʉꞌʉjʉty tʉ pyaꞌꞌayówʉdʉ. Tya̱a̱dʉ dʉꞌʉn diꞌibʉ myadyakypy ja Diosʉ jyaaybyajtʉn: Pa̱a̱ty nꞌawdataampy ma̱ yʉ diꞌibʉ kyaj ꞌyisraelítʉty, es nguyꞌʉ́wʉpts ja mmʉjꞌa̱jtʉn.

1 FWANK 4:15

Oytyim pʉ́nʉty diꞌibʉ ꞌyijxkajpy ko Jesús yʉꞌʉ Dios ꞌyUꞌunkꞌátyʉty, jikyꞌa̱jtp mʉt ja Dios es ja Dios jyikyꞌaty mʉt yʉꞌʉ.

2 FWANK 1:7

Pes may jaa jyʉdity ja winꞌʉꞌʉmbʉtʉjk ma̱ tya̱dʉ naxwíñʉdʉ diꞌibʉ kyaj tꞌaxá̱jʉdʉ ja Jesús ko yʉꞌʉdyʉ Kristʉ, Diosʉ ꞌyUꞌunk diꞌibʉ kyajx ya̱ naxwiiñ éxtʉmʉ naxwíñʉdʉ ja̱ꞌa̱y. Diꞌibʉ dʉꞌʉn andakp, yʉꞌʉ dʉꞌʉn myʉdsipꞌa̱jtypy ja Kristʉ.

DIꞌIBɄ JATANɄP 5:14

Ja nima̱jtáxkpʉ jikyꞌa̱jtpʉ jyʉna̱ꞌa̱ndʉ: —Waꞌan dʉꞌʉnʉty. Es ja niꞌiꞌpx ma̱jtáxkpʉ mʉjja̱ꞌa̱ydyʉjk ñaygyoxtʉna̱a̱ydyákʉdʉ es tꞌawda̱jttʉ Dios.