3 Es ja teedywyindsʉ́nʉty tniꞌʉʉnʉdʉ kana̱k nax.
Es ko ja teedywyindsʉ́nʉty es ja mʉjja̱ꞌa̱ydyʉjkʉty ñiꞌʉʉnʉdʉ, Jesús kyaj ꞌyadsooy.
Es ja Pilatʉ dyajtʉʉy ja Jesús: —¿Tii mijtsʉ dʉꞌʉn ja israelítʉdyʉ ryey? Ta ja Jesús ꞌyadsooy: —Tʉyꞌa̱jtʉn, ʉjtsʉ dʉꞌʉn.
Ta ja Pilatʉ jatʉgok dyajtʉʉy ja Jesús: —¿Tii kyaj mꞌadsoy ni wiꞌix? ¿Ti kyaj xymyʉdoy tʉgekyʉ nʉꞌʉn yam mdukniꞌʉʉnʉdʉ?
Per ja Jesús kyaj tyimꞌadsooy. Es ja Pilatʉ oj wyʉꞌʉmʉ dʉꞌʉñʉ es kyaj tnijawʉ wiꞌix ꞌyakjʉna̱ꞌa̱nʉt.
Net ja Pilatʉ tjaꞌʉxta̱a̱y ja winma̱ꞌa̱ñ es tnasmatsʉyáñ ja Jesús, per ja israelítʉty myʉyaxkákʉdʉ: —¡Pʉn mnasma̱jtsʉp, kyaj mʉʉt mnaymyáyʉty yʉ yajkutujkpʉ kopk! ¡Oytyim pʉ́nʉty diꞌibʉ naybyʉjtákʉp éxtʉmʉ rey, yʉꞌʉ ja yajkutujkpʉ kopkʉ myʉdsip!
