LUKɄS 7:13 - Mixe Juquila

¹³ Ko tꞌijxy ja Jesús, net tpaꞌꞌayooy ja kuꞌekytyoꞌoxy es tꞌanma̱a̱y: —Katʉ mjʉꞌʉy.

LUKɄS 7:13 ပူးပေါင်းရင်းမြစ်များ

MARKɄS 8:2

—Nmʉda̱jtypyʉts ja paꞌꞌayoꞌon mʉdʉ tya̱dʉ ja̱ꞌa̱yʉty, mʉt ko tʉ tyʉgʉkxʉbajnʉ ma̱ ꞌyittʉ ya̱a̱ mʉt ʉj es kyaj tmʉdattʉ ni tii ti jyʉꞌxtʉp.

LUKɄS 10:1

Es óknʉm ja Windsʉ́n Jesús twinꞌijxy nandʉꞌʉn nidʉgʉꞌpx ma̱jmajtsk ja ja̱ꞌa̱y, es tkejxy nimajtskátyʉty es ñʉjxʉt jawyiin ma̱ tʉgekyʉ ka̱jpn ma̱ Jesús ñʉjxa̱ꞌa̱ñ.

LUKɄS 11:1

Tʉgok ja Jesús kya̱jxtáky ma̱ tuꞌugʉ it. Es ko kya̱jxtakta̱a̱y, net tuꞌuk ꞌyanma̱a̱yʉ ja ꞌyʉxpʉjkpʉ: —Windsʉ́n, tukniꞌijxʉgʉts wiꞌixʉts nga̱jxta̱ꞌa̱gʉt, dʉꞌʉn éxtʉm ja Fwank ttukniꞌijxʉ ja ꞌyʉxpʉjkpʉty.

LUKɄS 11:39

Es ja Windsʉ́n Jesús jyʉnáñ: —Miits fariseeʉty xyajwa̱ꞌa̱tstʉ wingʉjxy yʉ mvasʉ es yʉ mdexy. Es nandʉꞌʉn miits mdsiꞌi mxʉtstʉ es mnaywyítʉdʉ yajxón es dʉꞌʉn mgʉxʉꞌʉktʉ mnikʉjxy tsuj. Per mjodoty mnaywyinnaxʉja̱ꞌa̱p es mmaadsa̱a̱mp esʉ axʉʉkpʉ mwinma̱ꞌa̱ñ xymyʉdattʉ.

LUKɄS 12:42

Es ja Jesús jyʉnáñ: —Nꞌokpʉjtákʉm tuꞌugʉ kudʉjk tmʉdaty tuꞌugʉ tyuumbʉ diꞌibʉ kuwijy es tyiimpy ti wyindsʉ́n tsyejpy. Ta ttukmʉnikaagʉ ja tyʉjk es dyajkáy dyajꞌuugʉt ja poꞌoduumbʉty diꞌibʉ jam.

LUKɄS 13:15

Net ja Jesús ꞌyadsooy: —Miidsʉty diꞌibʉ nayꞌandíjʉdʉp es jyikyꞌattʉ tʉyꞌa̱jtʉn mʉʉt, ¿ti kyaj miidsʉty sa̱a̱bʉdʉ xʉʉ xymyʉgájʉdʉ mburrʉ es ja mdsa̱jka̱a̱ es xyajnʉjxtʉ nʉꞌukpʉ?

LUKɄS 17:5

Es ja apóstʉlʉty tꞌanma̱a̱ydyʉ ja Jesús: —Windsʉ́n, tukmʉbʉjkʉts waanʉ niꞌigʉ.

LUKɄS 17:6

Es ja Jesús ꞌyadsoojʉ: —Oyxyʉp jeꞌeyʉ waanʉ xymyʉdaty ja mʉbʉjkʉn éxtʉm tuꞌugʉ mutsk mortás pa̱jk, mba̱a̱txyʉp xyꞌanʉʉmʉ yʉ mʉj kepy: “Nʉjx mꞌity jap mejyñóty”, es mmʉmʉdówʉdʉp.

LUKɄS 18:6

Es ja Jesús jyʉnáñ: —Jaygyukʉ diꞌibʉ kya̱jx ja fwez axʉk ja̱ꞌa̱y.

LUKɄS 19:8

Net ja Zakeeʉ tyʉna̱a̱yeꞌky es tꞌanma̱a̱y ja Jesús: —Windsʉ́n, tyámʉts nmoꞌoyaꞌañ ja ayoobʉ ja̱ꞌa̱ydyʉjk ja njikyꞌa̱jtʉnʉts kujkwaꞌxy. Es pʉn tʉts ndoñ pʉ́n mʉt ja anʉʉ, tyámʉts nyajjʉmbítʉt taxk dʉꞌʉnʉn.

LUKɄS 22:61

Es ja Jesús kyooꞌawdijty es twinꞌijxy ja Peedrʉ. Net ja Peedrʉ tjamyejtsy éxtʉm ꞌyanma̱a̱yʉ ja Jesús: “Kyajnʉmʉ naty ja tʉgaak ꞌyʉy ko mij mjʉna̱ꞌa̱nʉt tʉgʉk ok ko kyajts xyꞌixyꞌaty.”

LUKɄS 24:3

Es ko tyʉjkʉdʉ jap, kyaj tpattʉ ja Jesusʉ ñiniꞌx.

LUKɄS 24:34

Es yʉꞌʉjʉty tꞌawa̱ꞌa̱nʉdʉ ja nimajtskpʉ: —Tʉyꞌa̱jtʉn ko ja Jesús tʉ jyikypyeky. Simonk tʉ tꞌixy.

LUKɄS 7:12

Es ko jyajty ka̱jpnbʉꞌa̱a̱y, net tꞌijxy ko tmʉmíñ es dyajnaxtʉkʉya̱ꞌa̱ndʉ tuꞌugʉ oꞌkpʉ. Es ja oꞌkpʉ yʉꞌʉ ijty tukpajkyʉ ma̱a̱nkꞌa̱jtʉp yʉ tya̱a̱k diꞌibʉ naty kuꞌeeky. Es mayjyaꞌay ja oꞌkpʉ tpanejxy.

LUKɄS 7:14

Net ja Jesús tmʉwingooñ es ttooñ ja oꞌkpʉ kʉꞌʉyʉn, es ja diꞌibʉ naty kyiipy wya̱ꞌkꞌa̱ꞌa̱dʉ. Es ja Jesús tꞌanma̱a̱y ja oꞌkpʉ: —Mexy, ʉjts mij nꞌanmaapy: ¡Pʉdʉꞌʉk!

LUKɄS 7:19

es tkejxy ma̱ ja Jesús es dyajtʉwa̱ꞌa̱ñ: —¿Ti mij mdʉyꞌa̱jtʉn ja Kristʉ diꞌibʉ naty mina̱a̱mp, o nꞌawíxtʉpts ja wiinkpʉ?

LUKɄS 8:52

Es nidʉgekyʉ ja̱ꞌa̱yʉty jyantsyjyʉꞌʉy jyantsyya̱ꞌa̱xtʉ mʉt ko ja kixyuꞌunk tʉ ꞌyeeky. Es ja Jesús jyʉnáñ: —Katʉ mnakyjyʉꞌʉydyʉ. Yʉ kixyuꞌunk kyaj tʉ ꞌyeeky. Ma̱a̱p jap.

FWANK 11:2

Tya̱dʉ Mariiʉ yʉꞌʉ óknʉm tyuknitaam ja Jesusʉ tyeky ja aseytʉ diꞌibʉ pa̱ꞌa̱k xuꞌkp, es dyajtʉ́tsy mʉt ja wyaay.

FWANK 11:3

Net ja Martʉ esʉ Mariiʉ kyajxykyajxtʉ ma̱ Jesús es tꞌanʉʉmʉdʉ: —Windsʉ́n, yʉ diꞌibʉ mʉt oy mnaymyáyʉty mʉjtaꞌaky pyékyʉty.

FWANK 20:13

Net ja Mariiʉ yajtʉʉjʉdʉ ja anklʉs: —¿Ti ko mjʉꞌʉy? Ta Mariiʉ ꞌyadsooy: —Mʉt ko tʉ dyajnʉjxtʉ ja nWindsʉ́nʉdsʉ ñiniꞌx, es kyajts nnijawʉ ma̱ tʉ tpʉjta̱ꞌa̱ktʉ.

FWANK 20:15

jaꞌa dʉn ttijy ja nʉgamꞌijxpʉ. Net ja Jesús yajtʉʉjʉ: —¿Ti ko mjʉꞌʉy? ¿Pʉ́n mꞌʉxtaapy? Ja Mariiʉ ꞌyadsooy: —Windsʉ́n, pʉn mij tʉ xymyʉnejxy ja oꞌkpʉ ñiniꞌx, anmaagyʉts ma̱ tʉ xypyʉjtaꞌaky esʉts ʉj nyajnʉjxʉt.

FWANK 4:1

Myʉdoodʉ ja fariseeʉ ja̱ꞌa̱yʉty ko niꞌigʉ naty dyajmáyʉ ja ꞌyʉxpʉjkpʉty es yajnʉbéty niꞌigʉ kʉdiinʉm ja Fwank Yajnʉbajtpʉ.

FWANK 6:23

Net na̱a̱gʉty ja barkʉ diꞌibʉ tsoꞌondʉp ma̱ Tibeeryʉs ka̱jpn, jya̱jttʉ mʉwingón ma̱ naty ja tsa̱jkaaky tʉ tkaydyʉ ko ja Nindsʉnꞌa̱jtʉmʉ naty jawyiin ja Dios tʉ tja̱ꞌa̱ygyʉdaꞌaky.

1 KORINTɄ 7:30

Diꞌibʉ ijttʉp jotmaymyʉʉt, dʉꞌʉn ꞌyꞌítʉt éxtʉm kyadimmay kyadimta̱jtʉ. Diꞌibáty ijt xoondʉp, naybyʉjta̱ꞌa̱gʉdʉp éxtʉm kyadimxonda̱ꞌa̱ktʉ. Es diꞌibáty ti tʉ tjuydyʉ, jikyꞌáttʉp éxtʉm tkadimjaꞌajʉty diꞌibʉ naty tʉ tjuy.

1 TESALÓNIKɄ 4:13

Mʉguꞌugítʉty, kyajts ndseky es kyaj xyñijáwʉdʉt wiꞌix jyaty mʉt ja diꞌibʉ myʉbʉjktʉbʉ naty ja Jesukristʉ ko ꞌyoꞌktʉ, kʉdiibʉ miits mjotmayꞌooktʉt éxtʉmʉ wiingátypyʉ diꞌibʉ kyaj tjʉjpꞌíxtʉ ko Jesukristʉ yajjikypyʉkaampy diꞌibáty jyaꞌaꞌa̱jttʉp.

EBREEɄSɄTY 2:17

Es pa̱a̱dyʉ Dios tpʉjtáky éxtʉmʉ naxwíñʉdʉ ja̱ꞌa̱yʉty es dʉꞌʉn tpaꞌꞌayówʉt ja ja̱ꞌa̱y ko Dios tmʉdúñ, es dʉꞌʉn, éxtʉmʉ teedywyindsʉngópk tudaꞌakypyʉ, tpʉjta̱ꞌa̱gʉt ja windsʉꞌkʉn es ja ja̱ꞌa̱y yajpojpʉmaꞌxʉt.

EBREEɄSɄTY 4:15

Pes yʉ ndeedywyindsʉngopkꞌa̱jtʉm yajxón tnijawʉ yʉ nꞌayoꞌonꞌa̱jt njotmayꞌa̱jtʉm es ko tyʉgoyꞌaty ja nmʉja̱a̱ꞌa̱jtʉm, mʉt ko Jesús kʉꞌʉm tmʉmadaky ja ayoꞌon jotmay ko ja mʉjkuꞌu jyayajpekytyunánʉ, éxtʉm ʉdsa̱jtʉm nandʉꞌʉn nyajna̱jxʉm.