LUKɄS 5:22 - Mixe Juquila

²² Esʉ Jesús ñija̱ꞌa̱p éxtʉm ja ja̱ꞌa̱y jyʉnáñ wyinma̱ꞌa̱ñóty, es tꞌanma̱a̱y: —¿Ti ko mwinma̱ꞌa̱ñ xyajjʉna̱ꞌa̱ndʉ ko ʉj kyajts nwindsʉꞌʉgʉ Dios?

LUKɄS 5:22 ပူးပေါင်းရင်းမြစ်များ

MATEWɄ 12:15

Ko Jesús tnija̱ꞌa̱jʉ tya̱a̱dʉ, ta jap tsyoꞌoñ, es may ja ja̱ꞌa̱y oj pyanʉjxʉdʉ. Jesús yaꞌꞌagʉdak ja puma̱ꞌa̱yʉty,

MATEWɄ 12:25

Jesús ñija̱ꞌa̱bʉ naty diꞌibʉ wyinma̱a̱ydyʉp, es tꞌanma̱a̱ydyʉ: —Oytyim diꞌibʉty ja kutujkʉn ma̱ ja ja̱ꞌa̱yʉty ñaywya̱ꞌxʉdʉ es ñayñitsiptúnʉdʉ, dʉꞌʉn ñayyajkutʉgóyʉdʉ; es pʉn tuꞌugʉ ka̱jpn o diꞌibʉ tsʉna̱a̱ydyʉp ja ja̱ꞌa̱y tuk jʉʉn tuk tʉjk ñaywya̱ꞌxʉdʉ, kyaj mba̱a̱t jyeky.

MATEWɄ 9:4

Komʉ Jesús ñija̱ꞌa̱bʉ naty diꞌibʉ wyinma̱a̱ydyʉp, ta tꞌanma̱a̱ydyʉ: —¿Ti ko xymyʉdattʉ axʉʉgʉ winma̱ꞌa̱ñʉty?

MARKɄS 8:17

Esʉ Jesús ñija̱ꞌa̱bʉ naty éxtʉmʉ naty ñayjyʉna̱ꞌa̱nʉdʉ. Ta ꞌyanma̱a̱yʉdʉ: —¿Ti ko mnayjyʉna̱ꞌa̱nʉdʉ ko kyaj xymyʉdattʉ ja mdsa̱jkaaky? ¿Tii kyajnʉm xyjaygyúkʉdʉ es ni xykyapʉ́ktʉnʉmʉ kwentʉ? Mʉk juun xymyʉdattʉ ja mwinma̱ꞌa̱ñʉty.

LUKɄS 24:38

Es ja Jesús ꞌyanma̱a̱yʉdʉ: —¿Ti ko mjotmayꞌooktʉ? ¿Ti ko kyaj xymyʉbʉktʉ ko ʉjtsʉ dʉꞌʉn?

LUKɄS 5:21

Net ja fariseeʉty es ja diꞌibʉty tsa̱jptʉgóty yaꞌʉxpʉjktʉp ñayꞌanma̱a̱yʉdʉ wyinma̱ꞌa̱ñóty: “Tya̱dʉ yedyʉjk kyaj tmʉjꞌíxy ja Dios ko dʉꞌʉn kyajxy, jaꞌa ko yʉꞌʉ naydyuꞌugʉ Dios kʉꞌʉm mba̱a̱t tmeꞌxy yʉ pojpʉ.”

LUKɄS 5:23

Miits mjʉnándʉp kots ʉj kyaj nmʉdaty ja kutujkʉn esʉts ʉj nmaꞌxʉt yʉ pojpʉ. Es mjʉna̱a̱mp kots ʉj kyaj mba̱a̱t nyaꞌꞌagʉdaꞌagyʉ tya̱dʉ yedyʉjk esʉts nyajꞌyoꞌoyʉꞌʉgʉt. Pa̱a̱ty miits mjʉna̱ꞌa̱ndʉ ko kyaj ñimʉja̱a̱ty esʉts ʉj dʉꞌʉn njʉna̱ꞌa̱nʉt: “Ʉjts mij nbojpʉmaꞌxʉp.” Es jantsy nimʉja̱a̱ es ʉj njʉna̱ꞌa̱nʉdʉts: “Pʉdʉꞌʉk es myoꞌoyʉt”, ¿kʉdii?

APOSTɄLɄTY 5:3

Netʉ Peedrʉ ꞌyanma̱a̱yʉ: —Ananiiʉs, ¿ti ko tʉ xytyuꞌumoꞌoy es tyʉ́kʉt ja mʉjkuꞌugópk Satanás ma̱ mwinma̱ꞌa̱ñ es xyjawinꞌʉʉna̱ꞌa̱ñ ja Espíritʉ Santʉ, es xyajwʉꞌʉma̱ꞌa̱ñ oynʉꞌʉnʉn ja meeñ diꞌibʉ tʉ yajkujúy ja mnax?

EBREEɄSɄTY 4:12

Jaꞌa ko yʉ Dios ja ꞌyayuk myʉda̱jtypy ja mʉkꞌa̱jtʉn es jaꞌagyʉjxm jyaaty ja jikyꞌa̱jtʉn. Tyuktʉjkʉdyaapy ma̱ ni tuꞌugʉ espa̱a̱dʉ diꞌibʉ majtskʉ ꞌya̱a̱ mba̱a̱t kyatʉkʉ, tʉjkʉp ma̱ ti ja ja̱ꞌa̱y wyinma̱a̱ydyʉp o tsyojktʉp, yajnigʉxeꞌkypy nidʉgekyʉ ja ja̱ꞌa̱yʉ jyaꞌayꞌa̱jtʉn.

DIꞌIBɄ JATANɄP 2:23

Es nyaꞌoogʉpts ja Jezabelʉ ꞌyuꞌungʉty, es dʉꞌʉn nduknijáwʉdʉts nidʉgekyʉ mʉbʉjkpʉtʉjkʉty kots ʉj nꞌixyꞌaty ja jyot wyinma̱ꞌa̱ñʉty, es niduꞌuk niduꞌuk miits ndʉydyúndʉt o ngumáydyʉt éxtʉm mba̱a̱dʉdʉ.