LUKɄS 4:18 - Mixe Juquila

¹⁸ Nmʉda̱jtypyʉts ʉj ja Diosʉ Jya̱ꞌa̱jʉn, es tʉts xymyoꞌoy ja tuunk esʉts nga̱jxwa̱ꞌxʉt ja oybyʉ ayuk ma̱ ja ayoobʉ ja̱ꞌa̱y. Es tʉts xykyexy esʉts nꞌawánʉt es ja tsimyjyaꞌay es ja poꞌoduumbʉ yajnasmátsʉt, esʉts nmoꞌoyʉt yʉ ꞌyijxʉn diꞌibʉ wiints,

LUKɄS 4:18 ပူးပေါင်းရင်းမြစ်များ

MATEWɄ 11:5

Tukmʉmadya̱ꞌa̱ktʉ wiꞌix tyam ja wiints ꞌyixtʉ, ja ʉxneybyʉ tʉ yoꞌoybyéky yajxón, diꞌibʉ ja leprʉ pa̱ꞌa̱m myʉda̱jtypy tʉ ꞌyagʉda̱ꞌa̱ktʉ, ja nátʉty mʉdoonʉdʉp, ja oꞌkpʉty jikypyʉjktʉp, es ja ayoobʉ ja̱ꞌa̱yʉty yaꞌꞌawa̱ꞌa̱nʉdʉp ja oybyʉ ayuk.

MATEWɄ 12:18

Tya̱a̱dʉ dʉꞌʉn ja nmʉduumbʉts diꞌibʉts ʉj tʉ nwinꞌixy, diꞌibʉts ʉj niꞌigʉ ndsejpy es diꞌibʉts ʉj mʉʉt njotkujkʉty. Nbʉjta̱ꞌa̱gʉpts ja nJa̱ꞌa̱jʉnʉts ma̱ yʉꞌʉ es tka̱jxwa̱ꞌxʉt ma̱ yʉ naxwíñʉdʉ ja̱ꞌa̱yʉty kots nbayoꞌoy mʉt ja tʉyꞌa̱jtʉn.

MATEWɄ 12:20

Kyaj ttʉ́jʉt ni tuꞌugʉ tsa̱jkápyñ ja neybyʉ, ni tkayaꞌoogʉt ja kudʉꞌxnʉ myetsyʉ diꞌibʉ oogánʉp, extʉ koonʉm dyajpʉjta̱ꞌa̱gʉt ja tʉyꞌa̱jtʉn.

MATEWɄ 4:16

ja ja̱ꞌa̱y diꞌibʉ jikyꞌa̱jttʉ kubiꞌits kuꞌook tʉ tꞌixtʉ ja mʉjpʉ ja̱j tʉꞌxʉn. Es ma̱ yʉ diꞌibʉ naty jikyꞌa̱jttʉp ma̱ éxtʉm mba̱a̱t njʉna̱ꞌa̱nʉm ꞌyawaxʉ oꞌkʉn, tʉ kyuxʉʉñʉ mʉt ja ja̱jʉn.

MATEWɄ 5:3

—Kuniꞌxy ja diꞌibʉty nayꞌʉxka̱jpʉdʉp ko pyojpʉja̱ꞌa̱yꞌáttʉ, pes yʉꞌʉ íttʉp ma̱ tsa̱jpótmʉdʉ kutujkʉn.

LUKɄS 4:17

Es myooyʉdʉ Diosʉ kyuga̱jxpʉ Isaiiʉ ñeky. Ta Jesús tnaktʉʉy ja neky es tkajxy dʉꞌʉn:

LUKɄS 6:20

Net ja Jesús tꞌijxtʉ ja diꞌibʉ yaꞌʉxpejkypy, es tꞌanma̱a̱y: —Kuniꞌxy miidsʉty diꞌibʉ ayoodʉp, pes mꞌíttʉp ma̱ Diosʉ kyutujkʉn.

LUKɄS 7:22

Es ja Jesús tꞌanma̱a̱y ja Fwangʉ ꞌyʉxpʉjkpʉty: —Diꞌibʉ miits tʉ xyꞌixtʉ es tʉ xymyʉdowdʉ, nʉjxtʉ es xytyukmʉmadya̱ꞌa̱ktʉt ja Fwank ko yʉ wiints ijxp, yʉ ʉxneybyʉ yeꞌepy, diꞌibʉ myʉda̱jtypy ja leprʉ pa̱ꞌa̱m tʉ ꞌyagʉdaꞌaky, yʉ natpʉ mʉdoop, diꞌibʉ oꞌkp jikypyʉjkp es diꞌibʉ ayoop yaꞌꞌawánʉdʉp ja oybyʉ ayuk,

FWANK 1:41

Kyajnʉmʉ naty ti tyuñ jyátyʉty es ja Andrés oj tꞌʉxta̱ꞌa̱y ja myʉgaꞌax Simonk. Ta tꞌanma̱a̱y: —Tʉ net nbátʉm ja Kristʉ diꞌibʉ Dios wyinꞌijx.

FWANK 12:46

Ʉjtsʉ dʉꞌʉn ja ja̱jʉn. Tʉ ngʉdaꞌagyʉts ya̱ naxwiiñ es diꞌibʉts xymyʉbʉjkp kyaj wyʉꞌʉmʉt kugoots.

FWANK 3:34

Pʉ́nʉ Dios tʉ kyéxyʉty, Diosʉ ꞌyayuk myadyakypy. Esʉ Dios tmooy ja Jesús yʉ Espíritʉ Santʉ tʉgekyʉ.

APOSTɄLɄTY 10:38

Mnija̱ꞌa̱dʉp nandʉꞌʉn ko Dios yʉꞌʉ myooy ja Jesús nazarenʉ ja myʉkꞌa̱jtʉn es ja Espíritʉ Santʉ. Es ja Jesús ttuuñ yajxón es dyaꞌꞌagʉdaky nidʉgekyʉ diꞌibʉ mʉt ja mʉjkuꞌugópk ja myʉkꞌa̱jtʉn ꞌyayoodʉp. Tya̱a̱dʉ Jesús tyuun mʉt ko Dios mʉʉt ꞌyity.

APOSTɄLɄTY 26:18

ma̱ jaꞌajʉty es xyaꞌijxwa̱ꞌxʉt ja ja̱ꞌa̱yʉty es kyaj ñakyyoꞌoydyʉt ma̱ ja koots it, waꞌan dyoꞌoydyʉ ma̱ ja xʉʉñ it, kʉdiibʉ ꞌyokꞌijnʉdʉt Satanás kyʉjoty, Dios kyʉꞌʉjóty ꞌyíttʉt; esʉ dʉꞌʉnʉts xymyʉbʉ́ktʉt es yajtuknimaꞌkxtʉt ja pyeky es yajmoꞌoydyʉt ja kuma̱ꞌa̱ñ mʉt pʉ́nʉty ijttʉp ja Diosʉ jyaꞌayʉty.” Dʉꞌʉnʉts xyꞌanma̱a̱y ja Nindsʉnꞌa̱jtʉm Jesús.

APOSTɄLɄTY 4:26

Ja naxwíñʉdʉ réyʉty pyʉdʉꞌktʉ esʉ israelítʉty ja jyustisʉtʉjkʉty ñaymyujkʉdʉ es tmʉdsiptsoꞌondʉ ja Nindsʉnꞌa̱jtʉm Dios es ja Kristʉ. Dʉꞌʉn jyʉnáñ ja Davit.

APOSTɄLɄTY 4:27

’Tʉyꞌa̱jtʉn yʉꞌʉ ko ya̱a̱ Jerusalén ñaymyujkʉdʉ Eroodʉs, Ponsyʉ Pilatʉ mʉdʉ israelítʉty es pʉ́nʉty kyaj ꞌyisraelítʉty, es tmʉdsipꞌa̱jttʉ mijʉ mꞌUꞌunk Jesús, diꞌibʉ mij mbʉjták éxtʉmʉ Kristʉ.

KOLOSɄ 1:13

Dios tʉ xyaꞌꞌawa̱ꞌa̱tspʉdsʉꞌʉmʉm ma̱ ja agootsꞌát, jaꞌa njʉna̱ꞌa̱nʉm ma̱ yajkutíky ja mʉjkuꞌugópk, es xypyʉjtákʉm ma̱ yajkutíky ja ꞌyUꞌunk diꞌibʉ jyantsytsyejpy,

Santya̱ꞌa̱gʉ 2:5

Mʉdowdʉ mʉguꞌugítʉty es jaygyúkʉdʉ tya̱a̱dʉ. Yʉ ayoobʉtʉjkʉty diꞌibʉ ijttʉp ya̱ naxwiiñ, yʉꞌʉ dʉꞌʉn ja Dios tʉ wyinꞌíxʉdʉ es niꞌigʉ ja mʉbʉjkʉn tmʉdáttʉt es tꞌaxá̱jʉdʉt éxtʉmʉ kyuma̱ꞌa̱ñʉty es jyikyꞌátʉt tsa̱jpótm mʉt ja Dios, mʉt ko Diosʉ dʉꞌʉn tʉ twa̱ndaꞌaky tmoꞌoyaꞌañ pʉnaty tsojkʉdʉp;

1 PEEDRɄ 2:9

Perʉ Dios tʉ mwinꞌíxʉdʉ miidsʉty diꞌibʉ myʉbʉjktʉp, mmʉduundʉp ja Rey éxtʉmʉ teetytyʉjkʉty, wa̱ꞌa̱ts ja̱ꞌa̱yʉty miidsʉty, ja̱ꞌa̱y diꞌibʉ Dios ja̱ꞌa̱yꞌa̱jtʉdʉp. Yʉꞌʉ mwinꞌijxʉdʉ es xykya̱jxwa̱ꞌxʉt ja oybyʉ tuunk diꞌibʉ yʉꞌʉ tʉ tpʉjtaꞌaky, mʉt ko mdukniwooduꞌudyʉty ko mꞌijttʉ ma̱ ja kootsꞌát, es myajnejxyʉty jikyꞌa̱jtpʉ ma̱ ja jyá̱jʉnʉ tsujpʉ.