LUKɄS 3:14 - Mixe Juquila

¹⁴ Nandʉꞌʉnʉty ja solda̱a̱dʉty yajtʉʉjʉdʉ: —Es ʉʉdsʉty, ¿tiits ndúndʉp? Es ja Fwank ꞌyadsooy: —Katʉ xypyʉjkʉdʉ adsip yʉ ja̱ꞌa̱yʉ myeeñ. Katʉ xyñiwa̱a̱mbáttʉ ni pʉ́n nanatʉkʉkyʉjxm es tukjotkʉda̱ꞌa̱ktʉ ja mmʉjuꞌuñʉty.

LUKɄS 3:14 ပူးပေါင်းရင်းမြစ်များ

MATEWɄ 8:5

Ko Jesús jyajty ma̱ ja Kafarnaúm ka̱jpn, tuꞌugʉ solda̱a̱dʉ windsʉ́n ñimiinʉ, es myʉnuꞌxtákʉ,

LUKɄS 19:8

Net ja Zakeeʉ tyʉna̱a̱yeꞌky es tꞌanma̱a̱y ja Jesús: —Windsʉ́n, tyámʉts nmoꞌoyaꞌañ ja ayoobʉ ja̱ꞌa̱ydyʉjk ja njikyꞌa̱jtʉnʉts kujkwaꞌxy. Es pʉn tʉts ndoñ pʉ́n mʉt ja anʉʉ, tyámʉts nyajjʉmbítʉt taxk dʉꞌʉnʉn.

LUKɄS 3:10

Net ja ja̱ꞌa̱y dyajtʉʉdʉ ja Fwank: —¿Tiits ndúndʉp?

LUKɄS 3:13

Es ja Fwank ꞌyadsooy: —Katʉ myajkugʉbéty niꞌigʉ pʉn kyajʉ dʉꞌʉn jyʉnaꞌañ ja anaꞌamʉn.

APOSTɄLɄTY 10:7

Ko ja anklʉs oj ñʉjxnʉ, net ja Kornelyʉ tmʉgajxy majtskʉ tyuumbʉ es tuꞌugʉ syolda̱a̱dʉ diꞌibʉ tyukmʉjotkujkꞌa̱jtypy oytyiity es yꞌawda̱jtypy ja Dios.

FILIPɄS 2:15

es dʉꞌʉn xyaꞌíxʉdʉt ko mꞌuꞌunkꞌátʉdʉ Dios es ko mjikyꞌattʉ wa̱ꞌa̱ts, es kyajpʉ mbojpʉ. Dʉꞌʉn mjikyꞌáttʉt ma̱ tadʉ axʉk ja̱ꞌa̱yʉty esʉ kujuundʉjkʉty ya̱ naxwiiñ, dʉꞌʉn mꞌíttʉt ma̱ yʉꞌʉjʉty éxtʉmʉ mʉdsa̱ꞌa̱ ko jyajy tyeꞌxy ma̱ koots itʉn.

FILIPɄS 4:11

Kyajts njʉna̱ꞌa̱ñ mʉt ko tʉ nꞌítyʉts mʉt ja nꞌamay njotmáyʉts, pes mʉyaak mʉbatʉ yʉꞌʉ es ngonformarátyʉts mʉt diꞌibʉts nmʉda̱jtypy.

TITɄ 2:3

Tukꞌʉxpʉk nandʉꞌʉn ja mʉjja̱ꞌa̱ydyoxytyʉjkʉty es windsʉꞌkʉn mʉʉt jyaꞌayꞌátʉt, kyaj pyiꞌtsꞌʉ́w pyiꞌtska̱jxʉt, kyaj myʉꞌuuk myʉmuꞌugʉdʉt, es diꞌibʉ ya̱jktʉp ja oybyʉ jʉjwijtsʉmbijtʉn.

DIꞌIBɄ JATANɄP 12:10

Nétʉts nmʉdooy kajxy mʉk tsa̱jpótm, es jyʉnaꞌañ: —Tʉ jyaꞌty ja Diosʉ ñitsokʉn, myʉkꞌa̱jtʉn esʉ kyutujkʉn. Nan anaꞌamnʉbʉ net ja Diosʉ Kyristʉ, es tʉ yajkujʉbijpnáxy tsa̱jpótm ja diꞌibʉ ñiꞌʉꞌʉnʉp ja nmʉguꞌukꞌa̱jtʉm. Xʉʉñ koots tmʉꞌʉʉñʉ Nindsʉnꞌa̱jtʉm Dios.