LUKɄS 23:34 - Mixe Juquila

³⁴ Es ko jam dyajkruuzpajttʉ, ja Jesús jyʉnáñ: —Tatʉ, pojpʉmaꞌxtʉ, jaꞌa ko kyaj tnijáwʉdʉ diꞌibʉ tyuundʉp. Es ja solda̱a̱dʉtʉjk ttuundʉ ja rifʉ es dyajwa̱ꞌxʉt ja Jesusʉ wyit.

LUKɄS 23:34 ပူးပေါင်းရင်းမြစ်များ

MATEWɄ 11:25

Ma̱ tadʉ tiempʉ ja Jesús kya̱jxtáky, es jyʉnáñ: —Tatituꞌunk, nꞌawda̱jtypyʉts mij diꞌibʉ Windsʉnꞌa̱jtp tsa̱jpótm es ya̱ naxwiiñ, jaꞌa ko mij tʉ xyuꞌutsy ja mꞌayuk mʉt ja ja̱ꞌa̱yʉty diꞌibʉ yajtijtʉp ʉxpékyʉty es wijyjyaꞌayʉty, per mij tʉ xytyukꞌixy ja ja̱ꞌa̱y diꞌibʉ dʉꞌʉn éxtʉm ʉna̱ꞌkuꞌungʉty.

MATEWɄ 11:26

Es oy, Tatituꞌunk, ko dʉꞌʉn tʉ xytyuñ éxtʉm mij xytsyekyʉn.

MATEWɄ 5:44

Per ʉj nꞌanma̱a̱ydyʉp miits ko mdsóktʉp ja mmʉdsípʉty, es mninuꞌxta̱ꞌa̱ktʉp ma̱ Dios diꞌibáty axʉʉk mduunʉdʉp.

MARKɄS 15:24

Ta dyajkruuzpajttʉ. Es net ja solda̱a̱dʉty ttuundʉ rifʉ es dʉꞌʉn dyajwa̱ꞌxtʉ ja Jesusʉ wyit.

LUKɄS 22:42

es jyʉnáñ: —Tatʉ, pʉn mdsejpy, yajjʉgaꞌagʉ tya̱dʉ vasʉ. Per kyaj tyúnʉt éxtʉmts ʉj ndseky, tun éxtʉm mij xytsyeky.

FWANK 17:9

’Ʉjts mij nꞌamdeepy mʉt yʉꞌʉjʉty. Kyajts nꞌamdoy mʉt pʉ́nʉdyʉ naxwíñʉdʉ jaꞌaꞌa̱jtʉdʉp, jaꞌayʉ jeꞌeyʉ diꞌibʉts mij xymyooy, mʉt ko xyjaꞌajʉty.

FWANK 19:11

Jesús ꞌyadsooy: —Ni ti kutujkʉnxyʉp mij xykyamʉdaty mʉt ʉj kooxyʉp ja Dios tʉ mgamoꞌoyʉty. Pa̱a̱ty diꞌibʉts ʉj tʉ xykyʉyaky ma̱ mij, yʉꞌʉ niꞌigʉ myʉda̱jtypy ja peky es kʉdiinʉm mij.

APOSTɄLɄTY 16:28

Net ja Pa̱a̱blʉ yaxkeky: —¡Katʉ wiꞌix mnaydyúñʉty! Tyápʉts ʉʉdsʉty nidʉgékyʉty.

APOSTɄLɄTY 3:17

’Mʉguꞌuktʉjkʉty, tʉts nnijawʉ ko miidsʉty esʉ mwindsʉ́nʉty oj xyaꞌooktʉ ja Jesús, kyaj xyñijáwʉdʉ ko yʉꞌʉ Diosʉ ꞌyUꞌunk diꞌibʉ myaꞌoꞌktʉ.

APOSTɄLɄTY 7:60

Net ñaygyoxtʉna̱a̱ydyákʉ ja Esteebʉ es yaxkeky mʉk: —Windsʉ́n Jesús, katʉ xypyʉjtaꞌaky ñikʉjxm yʉ tya̱dʉ peky. Es ko dʉꞌʉn jyʉnáñ, net oj ꞌyoꞌknʉ.

ROMANɄS 12:14

Amdow pʉjktsówdʉ Dios es tkunuꞌxʉt ja diꞌibʉ mduunʉdʉp axʉʉk miidsʉty. Dʉꞌʉn sitʉy xyꞌamdow xypyʉjktsówʉt es yajkunuꞌxtʉt, kyaj xykya̱jxpóktʉt.

1 KORINTɄ 2:8

Ja yajkutujkpʉty ma̱ yʉ naxwíñʉdʉ kyaj tjaygyujkʉdʉ; jaꞌa kooxyʉp yʉꞌʉjʉty tjaygyujkʉdʉ, kyajxyʉp dyajkruuzpajttʉ ja Nindsʉnꞌa̱jtʉm Jesukristʉ.

1 KORINTɄ 4:12

Anuꞌxʉdʉts ma̱ts ndundʉ mʉdʉdsʉ ngʉꞌʉ. Xykya̱jxpóktʉts ja ja̱ꞌa̱yʉty, per ngunuꞌxtʉpts yʉꞌʉjʉty. Xypyajʉdijttʉpts, per nyajkʉjx nyajna̱jxtʉpts.

1 TIMOTEE 1:13

es dʉꞌʉnʉts tʉ xytyuknipeky óyʉts ʉj jawyíñʉp ngamʉjꞌijxy mʉdʉdsʉ nꞌayuk, es óyʉts oj njajʉna̱ꞌa̱ñ tsa̱a̱tsykyʉbéty mʉt yʉꞌʉ, es nbajʉdijtyʉts ja jyaꞌay. Perʉ Dios myʉda̱jt ja paꞌꞌayoꞌon mʉt ʉj, jaꞌa ko kyajnʉmdsʉ naty nmʉbeky ja Jesukristʉ es kyajtsʉ naty nnijawʉ tiidsʉ dʉꞌʉn ndiimpy.

1 PEEDRɄ 3:9

Ni na̱ꞌa̱ xykyayajjʉmbíttʉt axʉʉk ko pʉ́n axʉʉk mdúnʉdʉt, es ni xykyaꞌoojʉmbíttʉt ko pʉ́n mꞌoojʉdʉt. Nik niꞌigʉ kunuꞌxtʉ, mʉt ko Dios mwoojʉdʉ es xyꞌaxá̱jʉdʉt yʉ kunuꞌxʉn.