LUKɄS 2:35 - Mixe Juquila

³⁵ Es dʉꞌʉn yajnijáwʉt ti ja̱ꞌa̱y myʉda̱jttʉp wyinma̱ꞌa̱ñóty. Es mʉt mij, dʉꞌʉnʉ tya̱a̱dʉ xyjáwʉt éxtʉmxyʉp ja mja̱ꞌa̱jʉn ttuknaxy tuꞌugʉ espa̱a̱dʉ. Dʉꞌʉn jyʉna̱a̱nda̱a̱y ja Simeonk.

LUKɄS 2:35 ပူးပေါင်းရင်းမြစ်များ

LUKɄS 2:34

Net ja Simeonk tkuniꞌxy yʉꞌʉjʉty, es tꞌanma̱a̱y ja Mariiʉ, ja Jesusʉ tya̱a̱k: —Dios tʉ tpʉjtaꞌagyʉ tya̱dʉ mꞌuꞌunk diꞌibʉ yajtʉgóyʉp mayʉ israelitʉ ja̱ꞌa̱yʉty diꞌibʉ ñibiꞌtska̱jxʉp es kyaj ꞌyaxá̱jʉty éxtʉm ja Kristʉ. Es diꞌibʉ ꞌyaxá̱jʉp éxtʉm ja Kristʉ, yʉꞌʉ yajjotkujkꞌataampy es tkunuꞌxa̱ꞌa̱ñ.

LUKɄS 2:36

Es jap nandʉꞌʉn tuꞌugʉ toxytyʉjk diꞌibʉ xyʉꞌa̱jtypy Anʉ. Yʉꞌʉ ijty Diosʉ kyuga̱jxpʉ, Fanwelʉ ñʉʉx es ja Aserʉ tyʉʉmp ꞌya̱a̱ts. Tʉ jyantsymyʉjja̱ꞌa̱yʉnʉ. Jʉxtujk jʉmʉjt tmʉttsʉna̱a̱y ja ñaꞌay,

FWANK 19:25

Ma̱ ja Jesusʉ kyruuz tamʉ naty ja tya̱a̱guꞌunk, ja tya̱a̱guꞌungʉ myʉgaꞌax, Mariiʉ ja ñʉdoꞌoxyʉ Kleofʉs, esʉ Mariiʉ Magdalenʉ.

1 KORINTɄ 11:19

Pes dʉꞌʉn jyaty es yaꞌíxʉt wa̱ꞌa̱tstiꞌknʉ pʉ́nʉdyʉ dʉꞌʉn myʉdiimpy ja Dios.

1 FWANK 2:19

Tamʉ ja̱ꞌa̱y diꞌibʉ pʉdsʉʉmdʉ ma̱ ʉʉdsʉty, per kyaj yʉꞌʉ tꞌaxá̱jʉdʉ Kristʉ éxtʉmʉ Yajnitsókpʉ. Mʉt kots xyñikaktʉ, pa̱a̱ty yaꞌixy ko kyaj tꞌaxá̱jʉdʉ Kristʉ es nan kyaj yʉꞌʉdyʉ nmʉmʉbʉjkpʉꞌa̱jtʉm.