LUKɄS 14:23 - Mixe Juquila

²³ Es ja wyindsʉ́n tꞌanma̱a̱y ja tyuumbʉ: “Nʉjx, akꞌix ma̱ ka̱jpnba̱ꞌa̱ es ma̱ paduꞌu, es myíndʉt yʉ ja̱ꞌa̱y esʉts yʉ ndʉjk ꞌyútsʉt.

LUKɄS 14:23 ပူးပေါင်းရင်းမြစ်များ

MATEWɄ 21:43

Mʉdʉ tya̱a̱dʉ, jaꞌats nꞌandijpy ko myajpʉjkʉya̱ꞌa̱nʉdʉ ja tsa̱jpótmʉdʉ kutujkʉn, es yajmoꞌoyaꞌañ ja ja̱ꞌa̱yʉty diꞌibʉ myeepy ja Dios diꞌibʉ pátʉp.

MATEWɄ 5:41

Pʉn jaa tuꞌugʉ solda̱a̱dʉ o justisʉ agwanʉ mdukmʉnʉjxa̱ꞌa̱ñʉty ja tsyemy tuk mil metrʉ, mʉnʉjx majtskʉ dʉꞌʉnʉn jyagámʉty.

LUKɄS 14:22

Es óknʉm ja tuumbʉ tꞌanma̱a̱y ja wyindsʉ́n: “Tʉts nduñ éxtʉm tʉ mjʉna̱ꞌa̱ñ, es tápnʉm ꞌyakꞌawa̱ꞌa̱dsʉty yʉ luga̱a̱r.”

LUKɄS 14:24

Jaꞌa ko diꞌibʉts tʉ njawoy jawyiin es kyaj myindʉ, tyam kyajts nnakymyoꞌoyʉt es kyáyʉt.”

LUKɄS 24:29

Per yʉꞌʉjʉty dyajwʉꞌʉmándʉ es tꞌanma̱a̱ydyʉ: —Wʉꞌʉm mʉt ʉʉdsʉty ja ya̱a̱. Tʉ tsyuꞌujʉnʉ. Net ja Jesús wyeꞌemy es tyʉjkʉ mʉt yʉꞌʉjʉty.

APOSTɄLɄTY 16:15

Net ja Lidyʉ ñʉbejty mʉt nidʉgekyʉ diꞌibáty tsʉna̱a̱ydyʉp ma̱ jyʉʉn tyʉjk, es óknʉmts xyꞌanma̱a̱ydyʉts: —Pʉn miits mjʉnándʉp kots ʉj tʉyꞌa̱jtʉn nmʉbeky ja Jesús, tunʉ mayꞌa̱jtʉn es mmíndʉt ma̱dsʉ ndʉjk. —Mʉktaꞌaky jyʉnáñ es nwʉꞌʉmdʉts.

APOSTɄLɄTY 18:6

Per ja israelítʉty net jyotꞌambʉjktʉ es tꞌanma̱a̱ydyʉ wiꞌixáty ja Pa̱a̱blʉ. Netʉ wyit twinxijty ja Pa̱a̱blʉ éxtʉmʉ ijxwʉꞌʉmʉn ko kyajpʉ israelítʉty tmʉbʉka̱ꞌa̱ñ, es tꞌanma̱a̱y: —Miidsʉty kʉꞌʉm mmʉda̱jttʉp ja peky mʉt ko kyaj xytsyeky ja nitsokʉn. Es ʉj kyajtsʉ peky nmʉdaty. Es tyam nʉjx nga̱jxwa̱ꞌxa̱ꞌa̱ñʉts ma̱ ja̱ꞌa̱y diꞌibʉ kyaj ꞌyisraelítʉty.

APOSTɄLɄTY 28:28

Esʉ Pa̱a̱blʉ ꞌyakjʉnáñ: —Jaygyúkʉdʉ miidsʉty ko tyam Dios tꞌawanʉyaꞌañʉ tya̱dʉ nitsokʉn mʉt diꞌibʉ kyaj ꞌyisraelítʉty, es yʉꞌʉjʉty myʉdowándʉp.

APOSTɄLɄTY 9:15

Jesús ꞌyanma̱a̱yʉ: —Nʉjx, jaꞌa ko tʉts nwinꞌixy yʉ ja̱ꞌa̱y es yʉꞌʉts ngaxaampy es tka̱jxwa̱ꞌxʉt ʉjtsʉ njaꞌa ma̱ wiinkpʉ naxwíñʉdʉ, ma̱ ryéyʉty, es nandʉꞌʉn ma̱ israelitʉ ja̱ꞌa̱yʉty.

ROMANɄS 10:18

¿Per tii, kyaj tʉ tmʉdowdʉ ja israelítʉty ja Diosʉ ꞌyayukʉ? ¡Ti ko kʉdii! Ja Diosʉ jyaaybyajtʉn jyʉnaꞌañ: Ja ayuk tʉ yajka̱jxwaꞌxy es tʉ yajnijáwʉ ma̱ tʉgekyʉ naxwíñʉdʉ, es ja ꞌyayuk tʉ jyaꞌty extʉ ma̱ naxwíñʉdʉ kyugʉxʉ.

2 KORINTɄ 5:11

Mʉt ko ʉʉdsʉty ndsʉꞌʉk njáwʉdʉts ja Nindsʉnꞌa̱jtʉm es nnijáwʉts ja myayꞌa̱jt wyindsʉꞌkʉn, pa̱a̱ty nꞌoktukmʉdíjʉts ja ja̱ꞌa̱yʉty nandʉꞌʉn. Dios ñija̱ꞌa̱p wiꞌixʉts ʉj nmʉdúñ amumduꞌuk jot, es ndsejpyʉts es miidsʉty nandʉꞌʉn xyñijáwʉdʉt.

2 KORINTɄ 5:20

Ʉʉdsʉdyʉ dʉꞌʉn ja Kristʉ kyudʉnaabyʉ, dʉꞌʉn éxtʉmxyʉbʉ Dios kʉꞌʉm mdukmʉnuꞌxta̱ꞌa̱gʉdʉ miidsʉty mʉt ʉʉtskyʉjxm, nmʉnuꞌxtáktʉp mʉt yʉꞌʉgyʉjxmʉ Jesukristʉ, katʉ xymyʉdsipꞌattʉ Dios, nik niꞌigʉ axá̱jʉdʉ ja tiꞌigyʉꞌa̱jtʉn mʉt yʉꞌʉ diꞌibʉ Jesukristʉ xymyoꞌoya̱ꞌa̱nʉm.

2 KORINTɄ 6:1

Es dʉꞌʉn éxtʉm ʉdsa̱jtʉm nmʉduꞌunʉm ja Dios, nꞌamdoo nbʉjktsoodʉp es kʉdiibʉ nanʉgoobʉ xykyupʉ́ktʉt ja Diosʉ myayꞌa̱jtʉn.

KOLOSɄ 1:23

Esʉ tya̱a̱dʉ dʉꞌʉn sitʉy tyunaampy pʉn miits mbaduundʉp es mjikyꞌa̱jttʉp éxtʉm ja Kristʉ yaꞌʉxpejky, es kyaj xymyastuꞌuttʉ es xymyʉbʉ́ktʉt yʉ oybyʉ ayuk diꞌibʉ miits mgupʉjktʉ ko xymyʉdoodʉ. Nan yʉꞌʉyʉmʉ tya̱dʉ oybyʉ ayuk yajka̱jxwaꞌxy tyam ya̱ naxwiiñ oytyim ma̱a̱ty, es yʉꞌʉ dʉnʉ tya̱dʉ oybyʉ ayuk diꞌibʉ Kristʉ oj xytyukmʉgáxʉts es nga̱jxwa̱ꞌxʉdʉts.

KOLOSɄ 1:28

Es ja Kristʉ, jaꞌa dʉꞌʉn diꞌibʉts ʉj nga̱jxwaꞌxypy. Nꞌawa̱ꞌa̱nʉpts es ndukꞌʉxpejkypyʉts nidʉgekyʉ ja̱ꞌa̱yʉty es tjaygyúkʉdʉt yʉꞌʉjʉty yajxón, es ndukwinguwa̱ꞌa̱gʉdʉts ja Dios, tiꞌigyʉ ꞌyíttʉt mʉt ja Kristʉ, oy es wa̱ꞌa̱ts.

2 TIMOTEE 4:2

Ka̱jxwa̱ꞌx ja Diosʉ ꞌyayuk es xytyuknipʉ́ktʉt ja ja̱ꞌa̱yʉty es tmʉbʉ́ktʉt, jʉjwijtsʉmbít, jotmʉkwinga̱jxʉ es yaꞌʉxpʉk maꞌxtujkʉn myʉʉt.