FWANK 18:33 - Mixe Juquila

³³ Pilatʉ tyʉjkʉ jatʉgok ma̱ ja palasyʉ es tmʉjwooy ja Jesús es dyajtʉʉy: —¿Ti mijtsʉ dʉꞌʉn ja israelitʉ ryey?

FWANK 18:33 ပူးပေါင်းရင်းမြစ်များ

MATEWɄ 27:11

Net Jesús oj yajmʉnejxy ma̱ ja gobernadoor, diꞌibʉ yajtʉʉjʉ: —¿Tii mijtsʉ dʉꞌʉn ja israelítʉdyʉ ryey? Netʉ Jesús ꞌyadsooy: —Dʉꞌʉnʉ dʉꞌʉn éxtʉm mij mjʉna̱ꞌa̱ñʉn.

MATEWɄ 27:27

Net ja gobernadoorʉ syolda̱a̱dʉty tmʉnʉjxtʉ ja Jesús ma̱ ja palasyʉ es dyajnaymyujkʉ nidʉgekyʉ ja solda̱a̱dʉty ma̱ Jesús.

MARKɄS 15:2

Es ja Pilatʉ dyajtʉʉy ja Jesús: —¿Tii mijtsʉ dʉꞌʉn ja israelítʉdyʉ ryey? Ta ja Jesús ꞌyadsooy: —Tʉyꞌa̱jtʉn, ʉjtsʉ dʉꞌʉn.

LUKɄS 23:2

Es jap tniꞌʉꞌʉnʉdʉ es jyʉnandʉ: —Tʉts nba̱a̱ttʉ ko tya̱dʉ yedyʉjk niꞌigʉ dyajnaymyúk dyajnaydya̱ꞌa̱dsʉdʉ ja nja̱ꞌa̱yꞌa̱jtʉm es jyʉnaꞌañ ko kyaj ngugʉbajtʉm ma̱ yʉ yajkutujkpʉ kopk, es nandʉꞌʉn jyʉnaꞌañ ko yʉꞌʉ Kyrístʉty, tuꞌugʉ rey.

FWANK 1:49

Net ꞌyadsooy ja Natanael: —Yaꞌʉxpʉjkpʉ, ¡mijtsʉ dʉꞌʉn Dios mꞌUꞌunkꞌa̱jtʉp, mijtsʉ dʉꞌʉn ja israelítʉdyʉ ryey!

FWANK 12:13

Net oj tmʉnʉjxtʉ tʉʉxy a̱a̱y es dʉꞌʉn tꞌaxa̱jʉya̱ꞌa̱ndʉ ja Jesús. Ta jyʉnandʉ mʉk: —¡Awdattʉ Dios! ¡Kuniꞌxy diꞌibʉ miimp éxtʉm ja Diosʉ Kyudʉnaabyʉ! ¡Kuniꞌxy ja Israelitʉ Ryey!

FWANK 12:15

Katʉ mdsʉꞌʉgʉdʉ miidsʉty, ja̱ꞌa̱yʉty diꞌibʉ tsʉna̱a̱ydyʉp ma̱ Syon ka̱jpn. Ix, tya̱a̱ myiñ ja mrey ttukꞌuꞌuñʉ tuꞌugʉ burruꞌunk.

FWANK 18:34

Jesús ꞌyadsooy: —¿Taadʉ mij myajtiipy mʉt ja mgʉꞌʉm winma̱ꞌa̱ñ, o mʉt ko wiinkpʉty tʉ mdukmʉmadya̱ꞌa̱gʉdʉ?

FWANK 18:37

Net ja Pilatʉ ꞌyadsoojʉ: —Pes, ¿mijtsʉ dʉꞌʉn rey? Jesús ꞌyadsooy: —Ʉjtsʉ dʉꞌʉn rey, éxtʉm mij mjʉna̱ꞌa̱ñ. Pa̱a̱dyʉts tʉ nmiñ naxwiiñ esʉts nꞌanʉʉmʉt ja ja̱ꞌa̱yʉty diꞌibʉ dʉn tʉyꞌa̱jtʉn. Nidʉgekyʉ diꞌibʉ tsyojktʉp ja tʉyꞌa̱jtʉn, myʉdoodʉp yʉꞌʉjʉty diꞌibʉts ʉj ngajxypy.

FWANK 18:38

Ta Pilatʉ ꞌyadsooy: —¿Pʉ́n mba̱a̱t tnijawʉ diꞌibʉ dʉn tʉyꞌa̱jtʉn? Ko Pilatʉ dyajtʉʉda̱a̱yʉ tya̱a̱dʉ, ta pyʉdseemy jatʉgok es oj tmʉgajxy ja israelítʉty, es tꞌanma̱a̱y: —Ʉj kyajts ti pyojpʉ nbatʉ tya̱dʉ ja̱ꞌa̱y.

FWANK 19:12

Net ja Pilatʉ tjaꞌʉxta̱a̱y ja winma̱ꞌa̱ñ es tnasmatsʉyáñ ja Jesús, per ja israelítʉty myʉyaxkákʉdʉ: —¡Pʉn mnasma̱jtsʉp, kyaj mʉʉt mnaymyáyʉty yʉ yajkutujkpʉ kopk! ¡Oytyim pʉ́nʉty diꞌibʉ naybyʉjtákʉp éxtʉmʉ rey, yʉꞌʉ ja yajkutujkpʉ kopkʉ myʉdsip!

FWANK 19:3

Ta tmʉwingoondʉ es tꞌanʉʉmʉdʉ: —¡Mʉj kʉjxm mij israelítʉdyʉ ryey! Es ta twimbojtsʉꞌktʉ.

FWANK 19:4

Pilatʉ pyʉdseemy jatʉgok es tꞌanma̱a̱ydyʉ ja israelítʉty: —¡Okꞌixtʉ! Tya̱a̱ts nyajpʉdsémy ya̱a̱ es xyꞌíxtʉt ko kyajts ni ti pyojpʉ ngapatʉ.

FWANK 19:9

Ta tyʉjkʉ jatʉgok ma̱ ja palasyʉ es dyajtʉʉy ja Jesús: —¿Ma̱ mij mdsooñ? Perʉ Jesús kyaj ꞌyadsoojʉmbijtʉ ni wiꞌix.

1 TIMOTEE 6:13

Dios, diꞌibʉ myeepy ja jikyꞌa̱jtʉn tʉgekyʉ diꞌibʉ jaa ijtp, esʉ Jesukristʉ, diꞌibʉ kya̱jxtudák oy Ponsyʉ Pilatʉ wyindum, jaꞌa ñija̱ꞌa̱dʉp ko tyam nduknipeky