FWANK 15:1 - Mixe Juquila

¹ Esʉ Jesús tꞌakꞌanma̱a̱ydyʉ ꞌyʉxpʉjkpʉty: —Ʉjtsʉ dʉꞌʉn éxtʉm tuꞌugʉ uuvʉ a̱a̱ts, es ja nDeedyʉts dʉꞌʉn éxtʉm diꞌibʉ kywentʉꞌa̱jtypy ja uuvʉ a̱a̱ts.

FWANK 15:1 ပူးပေါင်းရင်းမြစ်များ

MATEWɄ 15:13

Es ja Jesús ꞌyadsooy: —Oytyim diꞌibʉdyʉ kepy diꞌibʉts ja nDeedyʉts diꞌibʉ jam tsa̱jpótm kyaj tʉ tkojy, yaꞌʉxwijxʉꞌkp ꞌya̱a̱dsóty.

MATEWɄ 20:1

’Ja tsa̱jpótmʉdʉ kutujkʉnʉ dʉꞌʉn éxtʉm tuꞌugʉ ja̱ꞌa̱y diꞌibʉ myʉda̱jtypy ja ꞌyuuvʉ kam, es ñejxy tsejkyʉ mʉduumbʉ ʉxtaabyʉ es ttúnʉt ma̱ ꞌyuuvʉ kam.

MATEWɄ 21:33

’Mʉdowdʉ tya̱dʉ jatuꞌugʉ ijxpajtʉn. Tuꞌugʉ ja̱ꞌa̱y oj tkojy ja uuvʉ kam. Ta tnageemy es dyaꞌʉyʉʉy ma̱ dyajnipátʉt ja uuvʉ ko yajwinma̱ꞌa̱dsa̱ꞌa̱nʉt, es tkojy tuꞌugʉ potsy kʉjxm ma̱ mba̱a̱t jam nꞌijxkákʉm es ngwentʉꞌa̱jtʉm tʉgekyʉ. ’Oknʉm tmooy aniꞌxy ja uuvʉ kam mʉt wiink ja̱ꞌa̱yʉty, es tsyoꞌonnʉ. Jagam nax jagamga̱jpn oj ñejxy.

MARKɄS 12:1

Net tyʉjkʉ yaꞌʉxpʉjkpʉ mʉt kana̱k nax ijxpajtʉn es jyʉnáñ: —Jaa ijty tuꞌugʉ yedyʉjk diꞌibʉ kyoj yʉ uuvʉ kam ma̱ ja ñax. Ta tnageemy es dyaꞌʉyʉʉy ma̱ dyajnipátʉt ko ja uuvʉ yajwinma̱ꞌa̱dsa̱ꞌa̱nʉt es tkojy tuꞌugʉ potsy kʉjxm ma̱ mba̱a̱t jam nꞌijxkákʉm es ngwentʉꞌa̱jtʉm tʉgekyʉ. Oknʉm tmooy tukmiky ja uuvʉ kam mʉdʉ wiink ja̱ꞌa̱yʉty es tsyoꞌonnʉ ja kugam. Jagam nax jagamga̱jpn oj ñejxy.

LUKɄS 13:6

Net ja Jesús tpʉjtáky tuꞌugʉ ijxpajtʉn: —Tuꞌugʉ yedyʉjk tmʉdaty tuꞌugʉ iigʉ kepy ma̱ ja kyam, es oj ñejxy es tꞌixa̱ꞌa̱ñ pʉn jamʉ iigʉ tsa̱ꞌa̱m. Es ni ti tkapaty.

FWANK 1:17

Myooy ja Dios ja Moisesʉ ꞌyanaꞌamʉn, per ja tsojkʉn es ja tʉyꞌa̱jtʉn yajmiin ja Jesukristʉ.

FWANK 1:9

Ja ja̱jʉn tʉyꞌa̱jtʉnbʉ diꞌibʉ kyujajpy kyuteꞌxypy nidʉgekyʉ ja ja̱ꞌa̱y, jaꞌa miin ya̱ naxwiiñ.

FWANK 15:2

Kyupoꞌtypy oytyim diꞌibʉty ja nxeꞌendsyʉts diꞌibʉ kyaj tyʉʉmpꞌáty, per wyindijpy es dyajwa̱ꞌa̱tsy yajxón diꞌibʉ tʉʉmpꞌa̱jtp, es niꞌigʉ ꞌyaktʉʉmpꞌátʉt.

FWANK 6:32

Ta ja Jesús tꞌanma̱a̱ydyʉ: —Jantsy tʉyꞌa̱jtʉnʉts miits nꞌanʉʉmʉdʉ, kyaj ja Moisés mmooyʉdʉ ja tsa̱jkaaky diꞌibʉ kʉdakp tsa̱jpótm, yʉꞌʉ dʉꞌʉn nDeedyʉts diꞌibʉ mmooyʉdʉp ja ka̱ꞌa̱y ukʉn diꞌibʉ kʉdakp tsa̱jpótm.

FWANK 6:55

Mʉt ko yʉ nniniꞌxʉts esʉ nneꞌpyñʉts, yʉꞌʉ dʉꞌʉn éxtʉm ja ka̱ꞌa̱y ukʉn.

ROMANɄS 11:17

Mba̱a̱t njʉna̱ꞌa̱nʉm ko ja israelítʉty dʉꞌʉn éxtʉm ja ꞌyaay xyeꞌentsy tuꞌugʉ oliivʉs kepy diꞌibʉ kuyuꞌuy kuda̱jy. Na̱a̱gʉdyʉ tya̱dʉ kepxyeꞌentsy tʉ yajkupoottʉ. Pes miidsʉty diꞌibʉ kyaj ꞌyisraelitʉꞌattʉ, diꞌibʉ dʉꞌʉn éxtʉm ja kepxyeꞌentsy aamyóty ujtsótypyʉ, tʉ myaꞌꞌagojmúktʉ mʉt ja oliivʉs kepy diꞌibʉ ijtp kuyuꞌuy kuda̱jy, es dʉꞌʉn miidsʉty tʉ xyꞌaxá̱jʉdʉ mjikyꞌa̱jtʉn mʉt yʉꞌʉgyʉjxmʉ tadʉ oliivʉs kepyʉ kuyuꞌuy kuda̱jpyʉ.

1 KORINTɄ 3:9

Ʉʉdsʉty nmʉduundʉp ja Dios, es miidsʉty dʉꞌʉn éxtʉmʉ Diosʉ ñax es nandʉꞌʉn éxtʉmʉ Diosʉ tyʉjk.

1 FWANK 2:8

Oyʉ dʉꞌʉn, tya̱a̱dʉ diꞌibʉ nduknija̱ꞌa̱yʉdʉp, yʉꞌʉ tuꞌugʉ jembyʉ anaꞌamʉn, es yaꞌijxʉp ko tʉyꞌa̱jtʉnʉꞌʉ ma̱ Kristʉ es nandʉꞌʉn ma̱ miidsʉty, mʉt ko na̱jxp ja kugootsꞌát es ja̱j tʉꞌxnʉp ja tʉyꞌa̱jtʉn.