FILIPɄS 4:20 - Mixe Juquila

²⁰ Nꞌokꞌawda̱jtʉm ja nDios Teetyꞌa̱jtʉm winʉ xʉʉ winʉ tiempʉ. Waꞌan dʉꞌʉnʉty.

FILIPɄS 4:20 ပူးပေါင်းရင်းမြစ်များ

MATEWɄ 28:20

es tukniꞌíxʉdʉ es tkuydyúnʉt tʉgekyʉ diꞌibʉts ʉj miits tʉ ndukꞌanaꞌamdʉ, es mnijáwʉdʉp ko dʉꞌʉñʉmts ʉj nꞌity mʉt miidsʉty extʉ ko jya̱ꞌtʉt ja tiempʉ ma̱ naxwíñʉdʉ tyʉgoyaꞌañ.

MATEWɄ 6:9

Pa̱a̱ty ko miits mga̱jxta̱ꞌa̱ktʉt, dʉꞌʉn mga̱jxta̱ꞌa̱ktʉt: Tatituꞌunk diꞌibʉ ijtp tsa̱jpótm, waꞌan nidʉgekyʉ ja̱ꞌa̱yʉty mwindsʉꞌʉgʉdʉ es mꞌawdátʉdʉ.

ROMANɄS 11:36

Jaꞌa ko Dios tʉgekyʉ dyajkojta̱a̱y, es tsyojkʉngyʉjxm es myʉjꞌa̱jtʉngyʉjxm tʉgekyʉ ꞌyity. ¡Mʉjꞌa̱jtʉn mʉʉt ja Dios winʉ xʉʉ winʉ tiempʉ! Waꞌan dʉꞌʉnʉty.

ROMANɄS 16:27

Ja Dios diꞌibʉ jeꞌeyʉ Diosꞌa̱jtp es tim wyijyꞌa̱jtʉn mʉʉt, waꞌan jaꞌa Jesukristʉkyʉjxm tmʉdátʉt ja mʉjꞌa̱jtʉn winʉ xʉʉ winʉ tiempʉ. Waꞌan dʉꞌʉnʉty.

ÉFESɄ 3:21

Waꞌan jaꞌa mʉbʉjkpʉtʉjkkyʉjxm esʉ Kristʉ Jesuskyʉjxm ꞌyity mʉjjáwʉ jʉnʉjx najtsnʉjxʉ es winʉ xʉʉ winʉ tiempʉ. Waꞌan dʉꞌʉnʉty.

FILIPɄS 1:11

es dʉꞌʉñʉmʉ mjikyꞌa̱jtʉnʉty dyaꞌíxʉdʉt ko Kristʉ mdukmʉda̱jtʉdʉp ja oybyʉ mjot mwinma̱ꞌa̱ñʉty, es ko xymyayꞌat xywyindsʉꞌʉgʉdʉ ja Dios, es dʉꞌʉnʉ jaꞌayʉty tmayꞌat twindsʉꞌʉgʉdʉt es tꞌawdáttʉt ja Dios.

FILIPɄS 4:23

Waꞌanʉ Nindsʉnꞌa̱jtʉm Jesukristʉ mgunuꞌxʉdʉ nidʉgekyʉ miidsʉty.

1 TIMOTEE 1:17

Nꞌawda̱jtʉm ja Dios, rey winʉ xʉʉ winʉ tiempʉ, diꞌibʉ myʉda̱jtypy ja windsʉꞌkʉn esʉ mʉjꞌa̱jtʉn, yʉꞌʉ tuꞌuk Diosꞌa̱jtp, diꞌibʉ kyaj yaꞌixy es diꞌibʉ nina̱ꞌa̱ kyaꞌeeky. Waꞌan dʉꞌʉnʉty.

JUUDɄS 1:25

waꞌan jaꞌa tmʉdattʉ ja mʉjꞌa̱jtʉn, mʉkꞌa̱jtʉn, es ja kutujkʉn. Dʉꞌʉn ꞌyijty Nindsʉnꞌa̱jtʉm Jesukristʉkyʉjxm ma̱ kyajnʉmʉ naty tsyondaꞌaky ja naxwíñʉdʉ, tyamʉ dʉꞌʉn ꞌyity, es winʉ xʉʉ winʉ tiempʉ dʉꞌʉñʉm ꞌyítʉt. Waꞌan dʉꞌʉnʉty.

DIꞌIBɄ JATANɄP 1:6

es tʉ xypyʉjtákʉm yajkutujkpʉ es teedyʉty, es nmʉduꞌunʉm ja Dios Teety. ¡Nꞌokꞌawda̱jtʉm ja Jesukristʉ diꞌibʉ winʉ xʉʉ winʉ tiempʉ tmʉdaty ja mʉjꞌa̱jtʉn esʉ mʉkꞌa̱jtʉn! Waꞌan dʉꞌʉnʉty.

DIꞌIBɄ JATANɄP 11:13

Netyʉ myiiñ ja mʉk ujx, es tyʉgooy tuk peky ja ka̱jpn diꞌibʉ wa̱ꞌx ma̱jk peky. Es jʉxtujk mil ja ja̱ꞌa̱yʉty ꞌyoꞌktʉ mʉt ja ujx. Es nʉꞌʉn ja ja̱ꞌa̱yʉty ꞌyaknadʉjkʉ mʉt ja tsʉꞌʉgʉ tꞌawda̱jttʉ ja Dios.

DIꞌIBɄ JATANɄP 14:7

Es jyʉnaꞌañ jantsy mʉk: —Windsʉꞌʉgʉdʉ Dios es awdattʉ, mʉt ko tʉ net jyaꞌty ja oorʉ ma̱ net tpayoꞌoyaꞌañ ja naxwíñʉdʉ ja̱ꞌa̱yʉty. Awdattʉ diꞌibʉ yajkoj ja tsa̱jp, naxwíñʉdʉ, jikymyejyñ, es ma̱ nʉʉ myuxy.

DIꞌIBɄ JATANɄP 5:12

es jyʉna̱ꞌa̱ndʉ mʉk: Yʉ Borreeguꞌunk diꞌibʉ tʉ ñejxy windsʉꞌkʉn, pátʉp winʉ xʉʉ winʉ tiempʉ tꞌaxá̱jʉt ja kutujkʉn, mʉjꞌa̱jtʉn, wijyꞌa̱jtʉn, mʉkꞌa̱jtʉn, windsʉꞌkʉn, oyꞌa̱jtʉn esʉ awda̱jtʉn.

DIꞌIBɄ JATANɄP 7:12

jyʉna̱ꞌa̱ndʉ dʉꞌʉn: ¡Waꞌan dʉꞌʉnʉty! Yʉ awda̱jtʉn, mʉjꞌa̱jtʉn, wijyꞌa̱jtʉn, ja̱ꞌa̱ygyʉdákʉn, windsʉꞌkʉn, kutujkʉn esʉ mʉkꞌa̱jtʉn, waꞌan tʉgekyʉ tya̱a̱dʉ tjaꞌaꞌáty yʉ Nindsʉnꞌa̱jtʉm Dios winʉ xʉʉ winʉ tiempʉ. Waꞌan dʉꞌʉnʉty.