EBREEɄSɄTY 5:12 - Mixe Juquila

¹² Taaxyʉp miidsʉty mjayaꞌʉxpʉjknʉ ma̱ wiinkpʉty, mʉt ko tʉ jyajknʉ ma̱ miits xyꞌaxá̱jʉdʉ Jesús; per mdʉgoyꞌa̱jtxʉdʉp pʉ́n mdukꞌʉxpʉ́kʉdʉp jatʉgok jemy ja tʉyꞌa̱jtʉn diꞌibʉ kyaj tsyípʉty ma̱ Diosʉ ꞌyayuk. Pes miidsʉty dʉꞌʉn mꞌakꞌittʉ éxtʉmʉ maxuꞌungʉn diꞌibʉ kyaj mba̱a̱t tjeꞌxy ja kudʉꞌʉtspʉ, tsyojktʉp pʉ́n yajtsiꞌidsʉdʉp.

EBREEɄSɄTY 5:12 ပူးပေါင်းရင်းမြစ်များ

MATEWɄ 17:17

Ta ja Jesús ꞌyadsooy: —¿Extʉ maba̱a̱tnʉmts nꞌakmʉmada̱ꞌa̱gʉdʉts yʉ ja̱ꞌa̱yʉty diꞌibʉ kyaj jyikyꞌattʉ éxtʉm jyatsékyʉty es kyaj Dios tmʉbʉktʉ? Yajmín ja ya̱a̱ ja mixyuꞌunk.

MARKɄS 9:19

Es ja Jesús jyʉnáñ: —¡Ay, ja̱ꞌa̱yʉty diꞌibáty kyaj xymyʉdattʉ ja mʉbʉjkʉn! ¿Extʉ nʉꞌʉnʉdsʉ dʉꞌʉn nꞌaktimꞌítʉt mʉt miidsʉty es nmʉdánʉdʉt? ¿Na̱ꞌa̱dsʉ dʉꞌʉn xymyʉbʉka̱ꞌa̱ndʉts? Yajmín ja mixy.

APOSTɄLɄTY 7:38

Esʉ Esteebʉ ꞌyakꞌanma̱a̱yʉ: —Nan jaꞌa ja Moisés, jamʉ naty mʉʉt ma̱ ja mʉj it, ma̱ ja anklʉs myʉga̱jxʉ ma̱ ja Sinaꞌii Kopk. Jaꞌa yajmooy ja ayuk diꞌibʉ tuknija̱ꞌa̱p wiꞌix ja jikyꞌa̱jtʉn es dyajnáxʉt ma̱ ʉdsa̱jtʉm.

ROMANɄS 3:2

Jaꞌa. Oytyim wiꞌix tsooty. Pes ja jawyiimbʉ, Dios tyukmʉꞌawda̱jtʉ mʉt ja israelitʉ ja̱ꞌa̱yʉty es myooydyʉ ja Diosʉ kyʉꞌʉm ayuk.

1 KORINTɄ 14:19

Per ma̱ts nnaymyíkyʉty nꞌawdata̱ꞌa̱ndʉts ja Dios, nik óyʉts nga̱jxʉt mʉgoxkʉ nꞌayúkʉts mʉt ja njaygyujkʉnʉts diꞌibʉ ja̱ꞌa̱yʉty jyaygyúkʉdʉp es pyudʉ́kʉdʉt, kʉdiinʉm kots nga̱jxʉt ma̱jk milʉ ayuk diꞌibʉ kyaj yajjaygyúkʉ diꞌibʉ ꞌyamʉdoona̱jxtʉp.

1 KORINTɄ 14:20

Mʉguꞌugítʉty, katʉ mwinmaydyʉ éxtʉmʉ ʉna̱ꞌkuꞌungʉn, jeꞌeyʉ ko xykyaꞌoyñijáwʉdʉ wiꞌix xytyúndʉt diꞌibʉ axʉʉk. Per ittʉ éxtʉmʉ ja̱ꞌa̱y diꞌibʉ tʉ yeeky tʉ pyety ko oy xypyayoꞌoydyʉt.

GALASYɄ 4:3

Dʉꞌʉn nandʉꞌʉn ʉdsa̱jtʉm diꞌibʉ xyꞌuꞌunkꞌa̱jtʉm ja Dios: ko ijty nmutskꞌa̱jtʉm, jaꞌa njʉna̱ꞌa̱nʉm ma̱ kyajnʉm myiñ ja Jesús, koonʉm nmʉmʉdoꞌom éxtʉm xyꞌanaꞌamʉm ja diꞌibʉ xykywentʉꞌa̱jtʉm, jaꞌa njʉna̱ꞌa̱nʉm ja Moisesʉ ꞌyanaꞌamʉn.

FILIPɄS 3:1

Mʉguꞌugítʉty, xonda̱ꞌa̱ktʉ Nindsʉnꞌa̱jtʉmgyʉjxm. Nꞌanma̱a̱yʉmbijttʉp diꞌibʉ tʉ nꞌokꞌanmaabyʉdʉ. Kyajts ni ti nayꞌadsijpʉn ngajawʉ es nꞌanʉʉmʉt jana̱a̱m jatsojk yʉ nga̱jxwíjʉnʉts, mʉt ko dʉꞌʉn miits kyaj xyjaꞌaydyʉgóydyʉt.

KOLOSɄ 3:16

Waꞌan ja Kristʉ ꞌyayuk tꞌity ma̱ yʉ mjot mwinma̱ꞌa̱ñʉty, es yʉꞌʉ mnaydyukniꞌíxʉdʉp nixim niyam ja oybyʉ ka̱jxwíjʉn. Mʉdʉ ja̱ꞌa̱ygyʉdákʉn ma̱ Dios, ʉwdʉ Salmʉ, Diosʉ ꞌyalabanzʉ, es diꞌibʉ Dios ꞌyoyjya̱ꞌa̱p.

EBREEɄSɄTY 10:32

Jamyatstʉ ko natyʉ Dios tʉ mduknijáwʉdʉ ja tʉyꞌa̱jtʉn es xymyʉmadaktʉ mʉt ja maꞌxtujkʉn ja mʉj ayoꞌon ko ja axʉk ja̱ꞌa̱yʉty mbajʉdijtʉdʉ.

EBREEɄSɄTY 5:11

Taanʉm may diꞌibʉts nꞌaktukjaygyukʉyaampy, per tsip es ndukniꞌíxʉdʉt miidsʉty, mʉt ko tʉ mjʉmbittʉ kujuun.

EBREEɄSɄTY 5:13

¿Es wiꞌix mba̱a̱t tuꞌugʉ maxuꞌunguꞌunk diꞌibʉ tsiꞌtsp ndukꞌʉxpʉjkʉm ja jikyꞌa̱jtʉnʉ oybyʉ es diꞌibʉ axʉʉk? Kyaj mba̱a̱t tjaygyukʉ, ¿kʉdii?

EBREEɄSɄTY 6:1

Nyajtuꞌuyoꞌoyʉm ja Diosʉ ꞌyayuk koonʉm oy nnija̱ꞌa̱m diꞌibʉ Dios tsyejpy. Kyaj natim jaꞌayʉm nduꞌun nga̱jxʉm diꞌibʉ tʉ nyajtukniꞌijxʉm ko Kristʉ nmʉbʉjktsoꞌonʉm, jaꞌa ko tápnʉm may diꞌibʉ yajnijawʉya̱a̱mp. Kyaj jaꞌayʉm jatʉgok nduꞌun nga̱jxʉm wiꞌix ttseky ko ja̱ꞌa̱y tmatstuꞌuty ja axʉk jikyꞌa̱jtʉn es kyaj yajpa̱a̱dʉt ja ayoꞌon winʉ xʉʉ winʉ tiempʉ, ko yajmʉbéky ja Dios,

1 PEEDRɄ 2:2

Extʉmʉ maxuꞌunguꞌungʉty jantsy tsiꞌidsa̱a̱mp, dʉꞌʉn miidsʉty nandʉꞌʉn xytsyóktʉt ja Diosʉ ꞌyayuk, es dʉꞌʉn xymyʉyaak xymyʉbátʉt ja Diosʉ ñʉꞌʉ tyuꞌu es xymyʉdátʉt ja nitsokʉn,

1 PEEDRɄ 4:11

Ko pʉ́n tka̱jxwíjʉt ja myʉguꞌuk, waꞌan tꞌanʉʉmʉ éxtʉm ja Dios tʉ tyukꞌʉxpékyʉty. Es ko pʉ́n ttukpudʉkʉ tii ja myʉguꞌuk, waꞌan ttuñ mʉt ja mʉkꞌa̱jtʉn diꞌibʉ Dios tʉ myoꞌoyʉty, es dʉꞌʉnʉ Dios awdaty ꞌyítʉt Jesukristʉkyʉjxm ma̱ tʉgekyʉ diꞌibʉ ijtp. Waꞌanʉ Dios tmʉdaty ja mʉjꞌa̱jtʉn winʉ xʉʉ winʉ tiempʉ. Waꞌan dʉꞌʉnʉty.