EBREEɄSɄTY 5:1 - Mixe Juquila

¹ Ya̱ naxwiiñ yʉ teedywyindsʉngópkʉty yajtukwijtstútp ma̱ yʉ ja̱ꞌa̱yʉty, es yajtuknika̱jxpéty éxtʉm ja ja̱ꞌa̱yʉty ja kyudʉnaabyʉ ma̱ Dios, es tmayꞌat twindsʉꞌʉgʉt ja Dios mʉt jaꞌagyʉjxm ja ja̱ꞌa̱yʉdyʉ pyojpʉ.

EBREEɄSɄTY 5:1 ပူးပေါင်းရင်းမြစ်များ

ROMANɄS 15:17

Mʉt ko tiꞌigyʉts nꞌity mʉdʉ Jesukristʉ, xondákpʉts es ʉj ja Dios nmʉdúñʉts.

1 KORINTɄ 15:3

Diꞌibʉ tim jʉjpꞌám oj nꞌaxa̱jʉ es miits nduknijáwʉdʉ, jaꞌa ko Jesukristʉ ꞌyeꞌky mʉt ʉdsa̱jtʉmʉ nbojpʉꞌa̱jtʉm, éxtʉm jyʉnaꞌañ ma̱ ja Diosʉ jyaaybyajtʉn;

EBREEɄSɄTY 10:11

Nidʉgekyʉ teetytyʉjkʉty bom bom tpʉjta̱ꞌa̱ktʉ ja windsʉꞌkʉn nan jaꞌayʉmbʉ kana̱k ok, oyʉ tya̱dʉ windsʉꞌkʉn ni na̱ꞌa̱ mba̱a̱t tkajoꞌotsy ja pojpʉ.

EBREEɄSɄTY 10:12

Per ko Jesukristʉ ñayya̱jkʉ tʉgok jeꞌeyʉ éxtʉmʉ windsʉꞌkʉn mʉt ja pojpʉ winʉ xʉʉ winʉ tiempʉ, net ñaxweꞌtsy Dios Teety ꞌyaga̱ꞌa̱ñdsyoo.

EBREEɄSɄTY 11:4

Mʉbʉjkʉngyʉjxm ja Abel twindsʉꞌkʉ ja Dios mʉt tuꞌugʉ windsʉꞌkʉn waanʉ oybyʉ kʉdiinʉm diꞌibʉ ya̱jk ja ꞌyajtsy Kaín, pa̱a̱ty ja Dios tpʉjtáky ja Abel éxtʉmʉ ja̱ꞌa̱y diꞌibʉ tyiimpy ja tʉyꞌa̱jtʉn es tkupejky ja wyindsʉꞌkʉn. Oy ja Abel tʉ jyaꞌoꞌknʉ, dʉꞌʉn jaꞌa éxtʉmxyʉp ꞌyakkajxy, jaꞌa ko yajmadyaꞌaky wiꞌix tmʉbejky.

EBREEɄSɄTY 2:17

Es pa̱a̱dyʉ Dios tpʉjtáky éxtʉmʉ naxwíñʉdʉ ja̱ꞌa̱yʉty es dʉꞌʉn tpaꞌꞌayówʉt ja ja̱ꞌa̱y ko Dios tmʉdúñ, es dʉꞌʉn, éxtʉmʉ teedywyindsʉngópk tudaꞌakypyʉ, tpʉjta̱ꞌa̱gʉt ja windsʉꞌkʉn es ja ja̱ꞌa̱y yajpojpʉmaꞌxʉt.

EBREEɄSɄTY 7:27

Ja wiinkpʉdyʉ teedywyindsʉngópkʉty ñigutiky dyáktʉt bom bom ja windsʉꞌkʉn, tim jawyiin mʉt ja kyʉꞌʉmbojpʉ es óknʉm mʉdʉ ja̱ꞌa̱yʉty ja pyojpʉ; per ja Jesús tʉgok jeꞌeyʉ mʉt winʉ xʉʉ winʉ tiempʉ dyajky ja windsʉꞌkʉn mʉt jaꞌagyʉjxm ja ja̱ꞌa̱yʉdyʉ pyojpʉ ko wyindsʉꞌkʉnꞌa̱jty ma̱ ja kruuz.

EBREEɄSɄTY 8:3

Nidʉgekyʉ teedywyindsʉngópk yajpʉjtáktʉ es tmoꞌoydyʉt ja yojxʉn esʉ windsʉꞌkʉn ja Dios, pa̱a̱dyʉ Jesús koonʉm dyaky ja windsʉꞌkʉn nandʉꞌʉn.

EBREEɄSɄTY 8:4

Kooxyʉp ja Jesús jyaaty ya̱ naxwiiñ, ni jeꞌeyʉxyʉp kyateetyꞌáty, mʉt ko taanʉmʉ teedyʉty diꞌibʉ ya̱jktʉp ja windsʉꞌkʉn éxtʉm dyajnigutúkʉ ja Moisesʉ ꞌyanaꞌamʉn.

EBREEɄSɄTY 9:9

Esʉ tadʉ wit tsa̱jptʉjk yʉꞌʉyʉ jeꞌeyʉ tuꞌugʉ ijxpajtʉn diꞌibʉ yajpaduump tyamyʉ, es jaꞌa ꞌyandijpy ko ja windsʉꞌkʉn es diꞌibʉ ja ja̱ꞌa̱y yojxtʉp, kyaj mba̱a̱t mʉt jaꞌagyʉjxm ja ja̱ꞌa̱yʉty wyʉꞌʉmdʉ wa̱ꞌa̱ts ja jyot wyinma̱ꞌa̱ñʉty.